ഹോം സ്റ്റേ അപേക്ഷകൾ ടൂറിസം വകുപ്പ് തള്ളുന്നു; വിനോദ സഞ്ചാര മേഖലക്ക്​ തിരിച്ചടി

ചെ​റു​തോ​ണി: ഹോം ​സ്റ്റേ അ​പേ​ക്ഷ​ക​ൾ കാ​ര​ണം വ്യ​ക്‌​ത​മാ​ക്കാ​തെ ജി​ല്ല​യി​ലെ ടൂ​റി​സം വ​കു​പ്പ് ത​ള്ളു​ന്ന​ത് വി​നോ​ദ സ​ഞ്ചാ​ര മേ​ഖ​ല​ക്ക് വ​ൻ തി​രി​ച്ച​ടി​യാ​കു​മെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു​. ക​ഴി​ഞ്ഞ വ​ർ​ഷം കി​ട്ടി​യ 130 അ​പേ​ക്ഷയിൽ 48 എ​ണ്ണ​ത്തി​ന്​ അ​നു​മ​തി നി​ഷേ​ധി​ച്ചു.

വ​ലു​തും ചെ​റു​തു​മാ​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ​ക്ക് സ​മീ​പ​ത്തെ വീ​ടു​ക​ളി​ല്‍ സ​ഞ്ചാ​രി​ക​ള്‍ക്ക് താ​മ​സ​സൗ​ക​ര്യം ഒ​രു​ക്കി നാ​ട്ടു​കാ​രു​ടെ വ​രു​മാ​നം വ​ര്‍ധി​പ്പി​ക്കാ​ന്‍ ല​ക്ഷ്യ​മി​ട്ടാ​ണ് വി​നോ​ദ​സ​ഞ്ചാ​ര വ​കു​പ്പ് സം​സ്ഥാ​ന​ത്ത് ഹോം ​സ്‌​റ്റേ എ​ന്ന ആ​ശ​യം അ​വ​ത​രി​പ്പി​ച്ച​ത്. തു​ട​ക്ക​ത്തി​ല്‍ ത​ദ്ദേ​ശ സ്വ​യം ഭ​ര​ണ വ​കു​പ്പാ​യി​രു​ന്നു ഹോം ​സ്‌​റ്റേ​ക​ള്‍ക്ക് ലൈ​സ​ന്‍സ് ന​ല്‍കി​യി​രു​ന്ന​ത്. ഇ​വ​ര്‍ സം​രം​ഭ​ക​രെ ബു​ദ്ധി​മു​ട്ടി​ക്കു​ന്ന​താ​യി വ്യാ​പ​ക പ​രാ​തി ഉ​യ​ർ​ന്ന​തോ​ടെ അ​നു​മ​തി ന​ല്‍കാ​നു​ള്ള അ​ധി​കാ​രം വി​നോ​ദ​സ​ഞ്ചാ​ര വ​കു​പ്പി​ന് കൈ​മാ​റു​ക​യാ​യി​രു​ന്നു. ടൂ​റി​സം ഡെ. ​ഡ​യ​റ​ക്ട​ർ, ഡി.​ടി.​പി.​സി സെ​ക്ര​ട്ട​റി, പി.​ഡ​ബ്ല്യൂ.​ഡി റ​സ്റ്റ്‌ ഹൗ​സ്​ മാ​നേ​ജ​ർ, ഹോം ​സ്റ്റേ ആ​രം​ഭി​ക്കു​ന്ന വാ​ർ​ഡി​ലെ പ​ഞ്ചാ​യ​ത്തം​ഗം എ​ന്നി​വ​രു​ൾ​പ്പെ​ട്ട​താ​ണ്​ പ​രി​ശോ​ധ​നാ​സ​മി​തി.

ഇ​തി​ൽ പ​ഞ്ചാ​യ​ത്തം​ഗ​ങ്ങ​ളു​ടെ അ​ഭി​പ്രാ​യം പ​രി​ഗ​ണി​ക്കാ​തെ​യാ​ണ്​ അ​പേ​ക്ഷ​ക​ൾ കൂ​ട്ട​മാ​യി നി​ര​സി​ക്കു​ന്ന​ത്. ഇ​ത്​ വി​നോ​ദ​സ​ഞ്ചാ​ര വ​കു​പ്പി​ന്‍റെ പ്രാ​ദേ​ശി​ക സം​ര​ംഭ​ക പ്രോ​ത്സാ​ഹ​ന പ​ദ്ധ​തി​ക്ക്​ തി​രി​ച്ച​ടി​യാ​ണ്. പ​രി​ശോ​ധ​നാ​സ​മ​യ​ത്ത് എ​ന്തെ​ങ്കി​ലും പോ​രാ​യ്മ ക​ണ്ടാ​ല്‍ അ​ത്​ പ​രി​ഹ​രി​ക്കാ​ന്‍ നി​യ​മാ​നു​സൃ​ത നോ​ട്ടീ​സ് പോ​ലും ന​ല്‍കാ​തെ​യാ​ണ് ന​ട​പ​ടി. ഇ​വ​രു​ടെ റി​പ്പോ​ർ​ട്ടി​ൻ​മേ​ൽ ഡ​യ​റ​ക്ട​ർ​ക്ക്​ അ​പ്പീ​ല്‍ ന​ൽ​കാ​ൻ അ​വ​സ​ര​മു​ണ്ട്.

ഇ​തി​ന്‍റെ പ​രി​ശോ​ധ​ന റീ​ജ്യ​ന​ൽ ഡ​യ​റ​ക്ട​ർ​മാ​ർ​ക്കാ​ണ്. ഡെ. ​ഡ​യ​റ​ക്ട​ർ​മാ​രു​ടെ സ്ഥാ​ന​ക്ക​യ​റ്റ ത​സ്തി​ക​യാ​ണ് ഇ​ത്. അ​തി​നാ​ൽ ത​ന്നെ ഡെ​പ്യൂ​ട്ടി ഡ​യ​റ​ക്ട​റു​ടെ റി​പ്പോ​ർ​ട്ട്‌ ഇ​വ​ർ അ​തേ​പ​ടി അം​ഗീ​ക​രി​ക്കു​ക യാ​ണ്​ പ​തി​വ്.

വ​ലി​യ തു​ക ​ചെ​ല​വാ​ക്കി വീ​ട് ന​വീ​ക​രി​ക്കു​ക​യും സൗ​ക​ര്യ​ങ്ങ​ൾ ഒ​രു​ക്കു​ക​യും പൊ​ലീ​സ്, ഫു​ഡ്‌ സേ​ഫ്റ്റി, പ​ഞ്ചാ​യ​ത്ത്‌, റ​വ​ന്യു അ​ധി​കാ​രി​ക​ളു​ടെ എ​ൻ.​ഒ.​സി ഉ​ൾ​പ്പെ​ടെ എ​ല്ലാ ന​ട​പ​ടി​ക്ര​മ​ങ്ങ​ളും പൂ​ർ​ത്തി​യാ​ക്കി​യ​ശേ​ഷ​മാ​ണ്​ നി​ര​സി​ക്ക​ൽ. എ​ൻ.​ഒ.​സി​ക്ക്​ വ​ൻ തു​ക​യാ​ണ്​ ഫീ​സാ​യി അ​ട​ക്കേ​ണ്ടി വ​രു​ന്ന​ത്. ഇ​തി​ന് പു​റ​മേ 3000 രൂ​പ ഹോം ​സ്റ്റേ ഫീ​സാ​യി വേ​റെ​യും അ​ട​ക്ക​ണം.

ഇ​ത്ത​ര​ത്തി​ൽ അ​പേ​ക്ഷ ന​ൽ​കു​ന്ന​വ​രെ​യാ​ണ് കാ​ര​ണ​ങ്ങ​ൾ വ്യ​ക്‌​ത​മാ​ക്കാ​തെ​യും പ​രി​ഹ​രി​ക്കാ​ൻ അ​വ​സ​രം ന​ൽ​കാ​തെ​യും ഏ​ക​പ​ക്ഷീ​യ​മാ​യി അ​നു​മ​തി നി​ക്ഷേ​ധി​ച്ച്​ ബു​ദ്ധി​മു​ട്ടി​ക്കു​ന്ന​തെ​ന്നാ​ണ്​ ആ​ക്ഷേ​പം. ഇ​ത് വ​ൻ​കി​ട​ക്കാ​രെ സ​ഹാ​യി​ക്കാ​നു​ള്ള നീ​ക്ക​ത്തി​ന്‍റെ ഭാ​ഗ​മാ​ണെ​ന്നും ആ​രോ​പ​ണ​മു​ണ്ട്‌.