സുരക്ഷയും മുന്നറിയിപ്പും അകലെ; അവസാനമില്ലാതെ മുങ്ങിമരണങ്ങൾ...

ചെ​റു​തോ​ണി: മു​ങ്ങി​മ​ര​ണ​ങ്ങ​ളു​ടെ എ​ണ്ണം ജി​ല്ല​യി​ൽ വ​ർ​ധി​ക്കു​ന്നു. ഏ​റ്റ​വും ഒ​ടു​വി​ല​ത്തെ സം​ഭ​വ​മാ​ണ്​ വ്യാ​ഴാ​ഴ്ച ഇ​ര​ട്ട​യാ​ർ ട​ണ​ലി​ൽ ന​ട​ന്ന ദു​ര​ന്തം. മ​ര​ണ​നി​ര​ക്ക്​ ഉ​യ​രു​മ്പോ​ഴും സു​ര​ക്ഷ​യും മു​ന്ന​റി​യി​പ്പും ഇ​​പ്പോ​ഴും അ​ക​ലെ.

ഒ​രു​വ​ർ​ഷം മു​മ്പാ​ണ്​ അ​ഭി​ജി​ത് എ​ന്ന വി​ദ്യാ​ർ​ഥി ചെ​റു​തോ​ണി പെ​രി​യാ​റ്റി​ൽ മു​ങ്ങി മ​രി​ച്ച​ത്. അ​വ​ധി ആ​ലോ​ഷി​ക്കാ​നെ​ത്തി അ​പ​ക​ട​ത്തി​ൽ​പെ​ട്ട വി​ദ്യാ​ർ​ഥി​ക​ളാ​ണ്​ അ​ധി​ക​വും. ഹൈ​റേ​ഞ്ചി​ലെ പു​ഴ​ക​ളും വെ​ള്ള​ച്ചാ​ട്ട​ങ്ങ​ളും മ​ര​ണ​ക്കെ​ണി​ക​ളാ​വു​മ്പോ​ൾ വേ​ണ്ട​ത്ര സു​ര​ക്ഷ ഒ​രു​ക്കാ​തെ അ​ധി​കാ​രി​ക​ളും ഇ​രു​ട്ടി​ൽ ത​പ്പു​ന്നു.

ക​ല്ലാ​ർ, പൊ​ന്മു​ടി, മു​തി​ര​പ്പു​ഴ, അ​മ്പ​ഴ​ച്ചാ​ൽ, കു​ണ്ട​ള, മാ​ട്ടു​പ്പെ​ട്ടി, ആ​റ്റു​കാ​ട്, ദേ​വി​യാ​ർ തു​ട​ങ്ങി​യ പു​ഴ​ക​ളി​ലും ജ​ലാ​ശ​യ​ങ്ങ​ളി​ലും മു​ങ്ങി മ​രി​ച്ച​വ​രു​ടെ നീ​ണ്ട പ​ട്ടി​ക ത​ന്നെ​യു​ണ്ട്. 2016 ഏ​പ്രി​ലി​ൽ ക​രി​മ്പ​നു സ​മീ​പം പെ​രി​യാ​റ്റി​ൽ മു​ങ്ങി മ​രി​ച്ച ത​ങ്ക​മ​ണി സ്വ​ദേ​ശി ബി​പി​ന്‍റെ കു​ടും​ബ​ത്തി​ന്‍റെ ക​ണ്ണീ​ർ ഇ​നി​യും തോ​ർ​ന്നി​ട്ടി​ല്ല.

മു​രി​ക്കാ​ശ്ശേ​രി പ​ട​മു​ഖം സ്കൂ​ളി​ൽ​നി​ന്ന്​ വി​നോ​ദ​യാ​ത്ര പോ​യ കു​ട്ടി​ക​ളി​ൽ ര​ണ്ടു​പേ​ർ ആ​ല​പ്പു​ഴ​യി​ൽ ക​ട​ലി​ൽ മു​ങ്ങി മ​രി​ച്ച​ത് ഇ​ന്നും ന​ടു​ക്കു​ന്ന ഓ​ർ​മ​യാ​ണ്. ഇ​ടു​ക്കി അ​ണ​ക്കെ​ട്ടി​ലേ​ക്ക് വെ​ള്ള​മൊ​ഴു​കു​ന്ന നാ​ര​ക​ക്കാ​നം ട​ണ​ൽ മു​ഖ​ത്ത് ക​ട്ട​പ്പ​ന ഗ​വ. കോ​ള​ജ് യൂ​നി​യ​ൻ ചെ​യ​ർ​മാ​ൻ ത​ങ്ക​മ​ണി പൗ​വ​ത്ത് സി​ബി​ച്ച​ന്‍റെ മ​ക​ൻ അ​നൂ​പ് മു​ങ്ങി മ​രി​ച്ച​ത്​ 2014 മാ​ർ​ച്ച് 22നാ​യി​രു​ന്നു. ട​ണ​ലി​ലൂ​ടെ ഇ​ടു​ക്കി ജ​ലാ​ശ​യ​ത്തി​നു സ​മീ​പ​ത്തെ​ത്തി​യ​താ​യി​രു​ന്നു അ​നൂ​പ്.

മൂ​ന്നാ​റി​ൽ​നി​ന്ന് മ​ല​യാ​റ്റൂ​ർ തീ​ർ​ഥാ​ട​ന​ത്തി​നു പോ​യി കാ​ല​ടി​പ്പു​ഴ​യി​ൽ മു​ങ്ങി മ​രി​ച്ച​ത് നാ​ലു​പേ​രാ​ണ്​. ഇ​തി​ൽ 15കാ​ര​നാ​യ ഗി​ൽ​ബ​ർ​ട്ട് ജോ​സ​ഫ് 10ാം ക്ലാ​സ് വി​ദ്യാ​ർ​ഥി​യാ​യി​രു​ന്നു. കാ​ല​ടി​പ്പു​ഴ​യി​ൽ കു​ളി​ക്കാ​നി​റ​ങ്ങി ഒ​ഴു​ക്കി​ൽ​പെ​ടു​ക​യാ​യി​രു​ന്നു. അ​വ​ധി ആ​ഘോ​ഷി​ക്കാ​ൻ മാ​തൃ​വീ​ട്ടി​ലെ​ത്തി​യ യു​വാ​വ് പൊ​ന്മു​ടി അ​ണ​ക്കെ​ട്ടി​ൽ മു​ങ്ങി മ​രി​ച്ച​ത്​ 2015ലെ ​വി​ഷു​വി​ന്‍റെ തൊ​ട്ട​ടു​ത്ത ദി​വ​സ​മാ​യി​രു​ന്നു. സേ​നാ​പ​തി വ​ട്ട​പ്പാ​റ അ​യ്യ​ൻ​കാ​ലാ​യി​ൽ ക​മ​ൽ ലാ​ല​ൻ ഡാ​മി​ൽ കു​ട്ടി​ക​ളോ​ടൊ​പ്പം മു​ങ്ങി​ത്താ​ഴു​ക​യാ​യി​രു​ന്നു.

ഹൈ​റേ​ഞ്ചി​ലെ​ത്തു​ന്ന വി​നോ​ദ​സ​ഞ്ചാ​രി​ക​ളാ​ണ്​ അ​പ​ക​ട​ത്തി​ൽ​പെ​ടു​ന്ന​വ​രി​ൽ കൂ​ടു​ത​ലും. ഇ​ക്കൂ​ട്ട​ത്തി​ൽ വി​ദേ​ശി​ക​ളു​മു​ണ്ട്. അ​മ്പ​ഴ​ച്ചാ​ലി​ലെ അ​മ്മ വീ​ട്ടി​ൽ അ​വ​ധി​ക്കാ​ലം ആ​ഘോ​ഷി​ക്കാ​നെ​ത്തി മു​ങ്ങി മ​രി​ച്ച തൊ​ടു​പു​ഴ ഉ​ടു​മ്പ​ന്നൂ​ർ ഇ​ട​മ​റു​ക് മം​ഗ​ല​ത്ത് വീ​ട്ടി​ൽ അ​ഭി​ലാ​ഷി​ന്‍റെ മ​ക​ൻ വൈ​ശാ​ഖ് ഇ​ന്നും നൊ​മ്പ​ര​മാ​ണ്. കൊ​ന്ന​ത്ത​ടി പ​ഞ്ചാ​യ​ത്തി​ലെ മു​ക്കു​ടം​കൂ​ർ മു​ള്ളാ​നി​ക്ക​ൽ ക​ർ​ണ​ൻ (65) തോ​ട്ടി​ൽ വീ​ണ് ഒ​ഴു​ക്കി​ൽ​പെ​ട്ടാ​ണ് മ​രി​ച്ച​ത്.

നാ​ടി​നെ ന​ടു​ക്കി​യ സം​ഭ​വ​മാ​യി​രു​ന്നു മൂ​ന്നാ​റി​നു സ​മീ​പം കു​ണ്ട​ള​യി​ൽ ഡാം ​കാ​ണാ​നെ​ത്തി​യ യു​വാ​ക്ക​ളു​ടെ മ​ര​ണം. തി​രു​വ​ന​ന്ത​പു​രം ക​ഴ​ക്കൂ​ട്ടം സ്വ​ദേ​ശി​ക​ളാ​യ അ​ര​ശും​മൂ​ട്ടി​ൽ കു​ട്ട​ത്തെ​ങ്ങി​ൽ ശ്രീ​ജി​ത് (20), കൊ​ന്ന​വി​ളാ​ക​ത്ത് വീ​ട്ടി​ൽ ര​തീ​ഷ് (24), ഗീ​ത ഭ​വ​നി​ൽ ബാ​ഹു​ലേ​യ​ൻ ആ​ശാ​രി​യു​ടെ മ​ക​ൻ ഭ​ര​ത് (24), അ​മ്പി​ളി ഭ​വ​നി​ൽ മ​നു​മോ​ഹ​ൻ (20) എ​ന്നി​വ​രാ​ണ് അ​ന്നു മ​രി​ച്ച​ത്.

അ​മ്മ​വീ​ട്ടി​ലെ​ത്തി​യ നെ​ടു​ങ്ക​ണ്ടം സ്വ​ദേ​ശി​യാ​യ വി​ദ്യാ​ർ​ഥി പൊ​ന്മു​ടി ജ​ലാ​ശ​യ​ത്തി​ൽ മു​ങ്ങി​മ​രി​ച്ച​തും ന​ടു​ക്കു​ന്ന ഓ​ർ​മ​യാ​ണ്. ഹൈ​റേ​ഞ്ച്​ കാ​ണാ​നെ​ത്തി​യ ഹൈ​ദ​രാ​ബാ​ദു​കാ​രാ​യ ന​വ​ദ​മ്പ​തി​മാ​രി​ൽ വ​ര​ൻ മാ​ങ്കു​ള​ത്തി​നു സ​മീ​പം വി​രി​പാ​റ​യി​ൽ തോ​ട്ടി​ലെ കു​ഴി​യി​ൽ വീ​ണു മ​രി​ച്ച​ത് ഇ​ന്നും നാ​ട്ടു​കാ​ർ മ​റ​ന്നി​ട്ടി​ല്ല.

അ​ടി​മാ​ലി​യി​ലും പ​ള്ളി​വാ​സ​ൽ ആ​റ്റു​കാ​ൽ വെ​ള്ള​ച്ചാ​ട്ട​ത്തി​ലു​മാ​യി ക​ഴി​ഞ്ഞ ര​ണ്ടു വ​ർ​ഷ​ത്തി​നി​ടെ അ​ഞ്ചു​പേ​രാ​ണ്​ മ​രി​ച്ച​ത്.

പൊ​ന്നെ​ടു​ത്താ​നി​ൽ ഉ​പ​തെ​ര​ഞ്ഞെ​ടു​പ്പി​നു കാ​ര​ണ​മാ​യ​തും ഒ​രു മു​ങ്ങി മ​ര​ണ​മാ​യി​രു​ന്നു. സു​ഹൃ​ത്തു​ക്ക​ളോ​ടൊ​പ്പം വി​നോ​ദ​സ​ഞ്ചാ​ര​ത്തി​നു പോ​യ പ​ഞ്ചാ​യ​ത്ത്​ അം​ഗം മൂ​ല​മ​റ്റ​ത്ത് വെ​ള്ള​ച്ചാ​ട്ട​ത്തി​ൽ മു​ങ്ങി മ​രി​ക്കു​ന്ന​തി​നു സു​ഹൃ​ത്ത് ദൃ​ക്സാ​ക്ഷി​യാ​യി​രു​ന്നു. ആ ​ഷോ​ക്കി​ൽ​നി​ന്നും മോ​ചി​ത​നാ​കാ​ത്ത പ​ഞ്ചാ​യ​ത്ത്​ അം​ഗം രാ​ജി​വെ​ച്ചു.

അ​പ​ക​ട​ങ്ങ​ൾ വ​ർ​ധി​ച്ചി​ട്ടും ഇ​തു ത​ട​യാ​നോ സു​ര​ക്ഷ ഒ​രു​ക്കാ​നോ അ​ധി​കൃ​ത​ർ ത​യാ​റാ​കു​ന്നി​ല്ല. കാ​ല​വ​ർ​ഷം ശ​ക്ത​മാ​വു​ന്ന​തോ​ടെ പു​ഴ​ക​ളി​ൽ വെ​ള്ള​മൊ​ഴു​ക്കു വ​ർ​ധി​ക്കും. ഇ​തോ​ടെ സ​മീ​പ​ത്തു​കൂ​ടി പോ​കു​ന്ന​വ​ർ വ​രെ അ​പ​ക​ട​ത്തി​ൽ​പെ​ടു​ന്നു. യ​ഥാ​സ​മ​യം ആ​ശു​പ​ത്രി​യി​ലെ​ത്തി​ക്കാ​ൻ ക​ഴി​യാ​തെ വ​രു​ന്ന​തും അ​പ​ക​ട​ങ്ങ​ളു​ടെ തീ​വ്ര​ത വ​ർ​ധി​പ്പി​ക്കു​ന്നു.