തിരക്കില്ലാതെ ഫോട്ടോഗ്രാഫർമാർ; കഴിഞ്ഞത്​ പട്ടിണിയോണം

ചെ​റു​തോ​ണി: ഓ​ണ​ക്കാ​ല​ത്ത് ന​ല്ല​തി​ര​ക്കു​ണ്ടാ​യി​രു​ന്ന ഫോ​ട്ടോ​ഗ്രാ​ഫ​ർ​മാ​ർ​ക്ക് ഇ​പ്പോ​ൾ നി​രാ​ശ മാ​ത്രം. ഓ​രോ വ​ർ​ഷം ചെ​ല്ലു​ന്തോ​റുംം ജോ​ലി കു​റ​ഞ്ഞു​വ​രു​ന്നു. ഏ​താ​നും വ​ർ​ഷം മു​മ്പ്​ വ​രെ അ​ത്തം മു​ത​ൽ 10 ദി​വ​സം ന​ല്ല​തി​ര​ക്കാ​യി​രു​ന്നു ഇ​വ​ർ​ക്ക്. ജീ​വി​ത​ത്തി​ലെ അ​വി​സ്മ​ര​ണീ​യ നി​മി​ഷ​ങ്ങ​ൾ ഫ്രെ​യി​മി​ൽ ഒ​തു​ക്കി ത​ന്നി​രു​ന്ന ഫോ​ട്ടോ​ഗ്രാ​ഫ​ർ​മാ​ർ ഇ​ന്ന്​ വ​ലി​യ പ്ര​തി​സ​ന്ധി​യി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

ഫോ​ട്ടോ​യും വീ​ഡി​യോ​യു​മൊ​ക്കെ​യാ​യി ക​ല്യാ​ണ​ത്തി​നും നി​ശ്ച​യ​ത്തി​നും ജ​ന്മ​ദി​ന​ത്തി​നും ഓ​ണ​ത്തി​നു​മെ​ല്ലാം നി​റം പ​ക​ർ​ന്നു​ത​ന്നി​രു​ന്ന​വ​രു​ടെ ജീ​വി​ത​ത്തി​ന്‍റെ നി​റം പാ​ടെ മ​ങ്ങി. ജി​ല്ല​യി​ൽ അ​റു​നൂ​റോ​ളം ഫോ​ട്ടോ, വീ​ഡി​യോ​ഗ്രാ​ഫ​ർ​മാ​രും അ​നു​ബ​ന്ധ തൊ​ഴി​ൽ ചെ​യ്യു​ന്ന​വ​രും ദു​രി​ത​ത്തി​ലാ​ണ്.

ഇ​വ​ന്‍റ് ​മാ​നേ​ജ്മെ​ന്‍റ്​ സ്ഥാ​പ​ന​ങ്ങ​ളു​ടെ ക​ട​ന്നു​ക​യ​റ്റം, മൊ​ബൈ​ൽ ഫോ​ണി​ന്‍റെ വ​ര​വ്, വ​ർ​ഷം തോ​റും മാ​റു​ന്ന ടെ​ക്‌​നോ​ള​ജി തു​ട​ങ്ങി നി​ര​വ​ധി പ്ര​ശ്ന​ങ്ങ​ളാ​ണ് ഇ​വ​ർ നേ​രി​ടു​ന്ന​തു. അ​ഞ്ച്​ ല​ക്ഷം രൂ​പ വ​രെ കൊ​ടു​ത്ത്​ വാ​ങ്ങു​ന്ന കാ​മ​റ ഒ​രു വ​ർ​ഷം പോ​ലും ഉ​പ​യോ​ഗി​ക്കു​ന്ന​തി​ന്​ മു​മ്പ്​ കാ​ല​ഹ​ര​ണ​പ്പെ​ടു​ന്നു. വി​ല​വ​ർ​ധ​ന​വും താ​ങ്ങാ​നാ​വാ​ത്ത വി​ധ​മാ​ണ്. കാ​മ​റ, പ്രി​ന്‍റ​ർ, ലെ​ൻ​സ്, കം​പ്യൂ​ട്ട​ർ, പേ​പ്പ​ർ, മ​ഷി, ലൈ​റ്റ് എ​ന്നി​വ​ക്കെ​ല്ലാം വി​ല​വ​ർ​ധി​ച്ചു.

കോ​വി​ഡു​കാ​ല​ത്ത് ര​ണ്ട്​ വ​ർ​ഷ​ത്തോ​ള​മാ​ണ് സ്റ്റു​ഡി​യോ​ക​ൾ അ​ട​ച്ചി​ടേ​ണ്ടി വ​ന്ന​ത്​ മാ​സ​ങ്ങ​ളോ​ളം അ​ട​ച്ചി​ടേ​ണ്ടി വ​ന്ന​തോ​ടെ കാ​മ​റ​ക​ളും അ​നു​ബ​ന്ധ സാ​ധ​ന​ങ്ങ​ളും കേ​ടു​പാ​ടു​ക​ൾ വ​ന്ന് ന​ശി​ച്ചു. വ​ൻ​തു​ക​ക​ൾ വാ​യ്പ​യെ​ടു​ത്തു പു​തി​യ മോ​ഡ​ൽ കാ​മ​റ​യും വാ​ങ്ങി ക​ട​ത്തി​ലാ​യ​വ​രും ഇ​ക്കൂ​ട്ട​ത്തി​ലു​ണ്ട്. പ്ര​ശ്ന​ങ്ങ​ൾ​ക്ക്​ ന​ടു​വി​ൽ ന​ട്ടം​തി​രി​യു​മ്പോ​ഴും സ​ർ​ക്കാ​രി​ൽ നി​ന്ന്​ ഒ​രാ​നു​കൂ​ല്യ​വും കി​ട്ടാ​റി​ല്ലെ​ന്ന് ഇ​വ​ർ പ​റ​യു​ന്നു.