സർക്കാർ നൽകിയ വീട് മറിച്ചുവിൽക്കുന്നു

ചെ​റു​തോ​ണി: പ്ര​ള​യ​ത്തി​ന്‍റെ​യും ലൈ​ഫ് പ​ദ്ധ​തി​യു​ടെ​യും പേ​രി​ൽ സ​ർ​ക്കാ​റി​ൽ​നി​ന്ന്​ ല​ഭി​ച്ച വീ​ടു​ക​ൾ വ​ൻ തു​ക​ക്ക് മ​റി​ച്ചു​വി​ൽ​ക്കു​ന്ന​താ​യി പ​രാ​തി. ക​ഞ്ഞി​ക്കു​ഴി, വാ​ഴ​ത്തോ​പ്പ് പ​ഞ്ചാ​യ​ത്തു​ക​ളി​ൽ സ​ർ​ക്കാ​റി​ൽ​നി​ന്ന്​ ല​ഭി​ച്ച വീ​ടു​ക​ളി​ൽ പ​ല​തി​ലും ആ​ൾ​ത്താ​മ​സ​മി​ല്ല. പ്ര​ള​യ​ക്കെ​ടു​തി​യി​ൽ ല​ഭി​ച്ച വീ​ട് 20 ല​ക്ഷ​ത്തി​നു മു​ക​ളി​ലേ​ക്ക് വി​ല​പേ​ശി​യാ​ണ് ക​ച്ച​വ​ടം. ഇ​ട​നി​ല​ക്കാ​രാ​യി ബ്രോ​ക്ക​ർ​മാ​രു​മു​ണ്ട്. 2018ലെ ​പ്ര​ള​യ​ത്തി​ൽ വീ​ട് ന​ശി​ക്കു​ക​യോ കേ​ടു​പാ​ടു​ക​ൾ സം​ഭ​വി​ക്കു​ക​യോ ചെ​യ്ത​വ​ർ​ക്കും പ്ര​ള​യ​സാ​ധ്യ​ത നി​ല​നി​ൽ​ക്കു​ന്ന മേ​ഖ​ല​ക​ളി​ൽ താ​മ​സി​ക്കു​ന്ന​വ​ർ​ക്കു​മാ​ണ് സ​ർ​ക്കാ​ർ പു​ന​ര​ധി​വാ​സ പ​ദ്ധ​തി​യി​ൽ ഉ​ൾ​പ്പെ​ടു​ത്തി സ്ഥ​ലം വാ​ങ്ങി വീ​ടു​വെ​ച്ച് ന​ൽ​കി​യ​ത്. കൂ​ടാ​തെ ലൈ​ഫ് ഭ​വ​ന പ​ദ്ധ​തി​യി​ൽ ഭൂ​ര​ഹി​ത​രും ഭ​വ​ന​ര​ഹി​ത​രു​മാ​യ​വ​ർ​ക്കും വീ​ട് നി​ർ​മി​ച്ച് ന​ൽ​കി.

എ​ന്നാ​ൽ, ഇ​തി​ൽ പ​ല വീ​ടു​ക​ളും താ​മ​സ​മി​ല്ലാ​തെ ഒ​ഴി​ഞ്ഞു കി​ട​ക്കു​ക​യാ​ണ്. ഒ​രേ​ക്ക​ർ വ​രെ പ​ട്ട​യ സ്ഥ​ല​വും വീ​ടും ഉ​ള്ള​വ​രും സ​ർ​ക്കാ​ർ വ​ക സ്ഥ​ല​വും വീ​ടും കൈ​വ​ശ​പ്പെ​ടു​ത്തി​യി​ട്ടു​ണ്ട്. ഇ​ത്ത​ര​ക്കാ​രാ​ണ് ഇ​ര​ട്ടി ലാ​ഭ​ത്തി​ന് വീ​ട് വി​ൽ​പ​ന​ക്ക് വെ​ച്ചി​രി​ക്കു​ന്ന​ത്. പ്ര​ള​യ​ത്തി​ൽ വീ​ടും കൃ​ഷി​യി​ട​വും വ​ള​ർ​ത്തു​മൃ​ഗ​ങ്ങ​ളും ന​ഷ്ട​മാ​യ അ​നേ​ക​രാ​ണു​ള്ള​ത്. ഇ​വ​രി​ൽ ബ​ഹു​ഭൂ​രി​പ​ക്ഷം പേ​രെ​യും സ​ർ​ക്കാ​ർ പു​ന​ര​ധി​വ​സി​പ്പി​ച്ചു ക​ഴി​ഞ്ഞു. എ​ന്നാ​ൽ, അ​ന​ർ​ഹ​രാ​യ​വ​രും ലി​സ്റ്റി​ൽ ക​ട​ന്നു​കൂ​ടി വീ​ടു​ക​ൾ ക​ര​സ്ഥ​മാ​ക്കി​യി​ട്ടു​ണ്ട്.

സ​ർ​ക്കാ​റി​ൽ​നി​ന്ന് ആ​റു​ല​ക്ഷം സ്ഥ​ലം വാ​ങ്ങാ​നും നാ​ലു​ല​ക്ഷം വീ​ട് നി​ർ​മി​ക്കാ​നും ഒ​പ്പം നൂ​റ് തൊ​ഴി​ൽ ദി​ന​ങ്ങ​ളും കൈ​പ്പ​റ്റി​യാ​ണ് വീ​ട് നി​ർ​മാ​ണം പൂ​ർ​ത്തി​യാ​ക്കി​യ​ത്. ഒ​രി​ക്ക​ൽ​പോ​ലും ഇ​വി​ടെ താ​മ​സി​ക്കാ​തെ 20 ല​ക്ഷം രൂ​പ​ക്ക് വീ​ട് വി​ൽ​പ​ന​ക്ക് വെ​ച്ചി​രി​ക്കു​ന്ന​വ​രാ​ണ് ചി​ല​ർ. ഇ​ത്ത​ര​ക്കാ​രു​ടെ വീ​ടു​ക​ൾ സ​ർ​ക്കാ​ർ ഏ​റ്റെ​ടു​ത്ത് അ​ർ​ഹ​രാ​യ​വ​ർ​ക്ക് ന​ൽ​ക​ണ​മെ​ന്ന ആ​വ​ശ്യ​മാ​ണി​പ്പോ​ൾ ശ​ക്ത​മാ​യി​രി​ക്കു​ന്ന​ത്.