ഇടുക്കി ഡാമിന്‍റെ പിറവി ഓർമിക്കാൻ ഈ ആൽമരം

ചെ​റു​തോ​ണി: ഇ​ടു​ക്കി ഡാ​മി​ന്‍റെ നി​ർ​മാ​ണം പൂ​ർ​ത്തി​യാ​ക്കി തൊ​ഴി​ലാ​ളി​ക​ളും എ​ൻ​ജി​നീ​യ​ർ​മാ​രും മ​ട​ങ്ങി​യ​പ്പോ​ൾ ഓ​ർ​മ​ക്കാ​യി ന​ട്ട ആ​ൽ​മ​ര​ത്തി​ന് 54 വ​യ​സ്സ്. ചെ​റു​തോ​ണി-​ഇ​ടു​ക്കി റോ​ഡി​ൽ ത​ല​യു​യ​ർ​ത്തി നി​ൽ​ക്കു​ന്ന ഈ ​ആ​ൽ​മ​രം ഓ​ട്ടേ​റെ ടൂ​റി​സ്റ്റു​ക​ളെ ആ​ക​ർ​ഷി​ക്കു​ന്നു. ഇ​ടു​ക്കി ഡാ​മി​ന്‍റെ പ്രാ​യ​ത്തി​ന്‍റെ ച​രി​ത്രം ലോ​ക​ത്തി​ന് കാ​ട്ടി​ക്കൊ​ടു​ക്കു​ന്ന​തും ഈ ​ആ​ൽ​മ​രം.

ഡാം ​സ​ന്ദ​ർ​ശി​ക്കാ​നെ​ത്തു​ന്ന​വ​ർ പ​ഴ​ക്കം ചോ​ദി​ക്കു​മ്പോ​ൾ നാ​ട്ടു​കാ​ർ ഈ ​ആ​ൽ​മ​ര​ത്ത ചൂ​ണ്ടി​ക്കാ​ട്ടി അ​തി​ന്‍റെ പ്രാ​യ​മാ​ണ് ഡാ​മി​നു​മെ​ന്ന്​ പ​റ​യും.

ചെ​റു​തോ​ണി ടൗ​ണി​ൽ​നി​ന്ന് ക​ട്ട​പ്പ​ന റൂ​ട്ടി​ൽ ഒ​ന്ന​ര കി​ലോ​മീ​റ്റ​ർ ദൂ​രെ സം​സ്ഥാ​ന​പാ​ത​ക്ക്​ അ​രി​കി​ലാ​ണ് ഈ ​ആ​ൽ​മ​രം. ഡാ​മി​ന്‍റെ നി​ർ​മാ​ണം പൂ​ർ​ത്തീ​ക​രി​ച്ച 1970ലാ​ണ് ഹി​ന്ദു​സ്ഥാ​ൻ ക​മ്പ​നി​യു​ടെ സൂ​പ്ര​ണ്ട് ഓ​ഫി​സ് സ്ഥി​തി ചെ​യ്യു​ന്ന കെ​ട്ടി​ട​ത്തി​ന്​ മു​ന്നി​ൽ​ സു​പ്ര​ണ്ടി​ന്‍റെ നേ​തൃ​ത്വ​ത്തി​ൽ ആ​ൽ​മ​ര​ത്തി​ന്‍റെ തൈ ​ന​ട്ട​ത്. വേ​ന​ലി​ൽ ഉ​ണ​ങ്ങി​പ്പോ​കാ​തി​രി​ക്കാ​ൻ സൂ​പ്ര​ണ്ട് ഇ​തി​നു​വേ​ണ്ടി മാ​ത്രം ജോ​ലി​ക്കാ​രെ ചു​മ​ത​ല​പ്പെ​ടു​ത്തി. 1972ൽ ​പ്ര​ധാ​ന​മ​ന്ത്രി​യാ​യി​രു​ന്ന ഇ​ന്ദി​ര ഗാ​ന്ധി ഡാം ​രാ​ജ്യ​ത്തി​ന്​ സ​മ​ർ​പ്പി​ക്കു​മ്പോ​ൾ ആ​ൽ​മ​ര​ത്തി​ന്​ ര​ണ്ടു വ​യ​സ്സ്. ഡാം ​നി​ർ​മാ​ണം പൂ​ർ​ത്തി​യാ​ക്കി ക​മ്പ​നി മ​ട​ങ്ങി​യ​പ്പോ​ൾ ആ​ൽ​മ​ര​ത്തി​ന്‍റെ സം​ര​ക്ഷ​ണം നാ​ട്ടു​കാ​ർ ഏ​റ്റെ​ടു​ത്തു. മ​ര​ച്ചു​വ​ട്ടി​ൽ പി​ന്നീ​ട് നാ​ട്ടു​കാ​ർ ക്ഷേ​ത്രം പ​ണി​തെ​ങ്കി​ലും പ്ര​ദേ​ശം ആ​ലി​ൻ​ചു​വ​ട് എ​ന്നാ​ണ്

അ​റി​യ​പ്പെ​ടു​ന്ന​ത്.