ഇ​ടു​ക്കി മെ​ഡി. കോ​ള​ജി​നു വേ​ണം അ​ടി​യ​ന്തര ചി​കി​ത്സ

ചെ​റു​തോ​ണി: ഇ​ടു​ക്കി മെ​ഡി​ക്ക​ൽ കോ​ള​ജ് വി​ക​സ​ന പാ​ത​യി​ലാ​ണെ​ന്ന് അ​ധി​കൃ​ത​ർ ആ​വ​ർ​ത്തി​ക്കു​മ്പോ​ഴും മ​തി​യാ​യ ചി​കി​ത്സ സം​വി​ധാ​നം ഒ​രു​ക്കാ​ൻ അ​ധി​കൃ​ത​ർ ഇ​ട​പെ​ടു​ന്നി​ല്ല. അ​ടി​യ​ന്തി​ര ചി​കി​ത്സ സൗ​ക​ര്യ​ങ്ങ​ൾ തീ​രെ​യി​ല്ലാ​തെ എ​ന്താ​ണ് മെ​ഡി​ക്ക​ൽ കോ​ള​ജ് കൊ​ണ്ട് അ​ധി​കൃ​ത​ർ ഉ​ദ്ദേ​ശി​ക്കു​ന്ന​തെ​ന്നാ​ണ് ചി​കി​ത്സ തേ​ടി​യെ​ത്തു​ന്ന​വ​ർ ചോ​ദി​ക്കു​ന്ന​ത്. അ​പ​ക​ട​ത്തി​ൽ​പ്പെ​ടു​ന്ന​വ​ർ​ക്കെ​ങ്കി​ലും വി​ദ​ഗ്ധ ചി​കി​ത്സ ന​ൽ​കാ​നു​ള്ള സം​വി​ധാ​ന​മു​ണ്ടാ​ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. സൂ​പ്പ​ർ സ്പെ​ഷാ​ലി​റ്റി ഒ​ന്നു പോ​ലും ഇ​വി​ടെ​യി​ല്ല. ഹൃ​ദ്രോ​ഗം, വൃ​ക്ക​രോ​ഗം, കാ​ർ​ഡി​യോ​തൊ​റാ​സി​ക്ക് സ​ർ​ജ​റി, നൂ​റോ സ​ർ​ജ​റി, ഓ​ർ​ത്തോ​പീ​ഡി​യാ​ട്രി​ക്ക് സ​ർ​ജ​റി , ഉ​ദ​ര രോ​ഗ വി​ഭാ​ഗം, ഓ​ങ്കോ​ള​ജി എ​ന്നി​വ​യി​ലൊ​ന്നും ഡോ​ക്ട​ർ​മാ​രി​ല്ല.

‘റ​ഫ​ർ’ ചെ​യ്യാ​നൊ​രു മെ​ഡി​ക്ക​ൽ കോ​ള​ജ്​

പേ​ര് മെ​ഡി​ക്ക​ൽ കോ​ള​ജെ​ന്നാ​ണെ​ങ്കി​ലും വി​ദ​ഗ്ധ ചി​കി​ത്സ​ക്കു​ള്ള ഉ​പ​ക​ര​ണ​ങ്ങ​ളൊ​ന്നും ഇ​വി​ടെ​യി​ല്ല. ചി​കി​ത്സ സം​വി​ധാ​ന​ങ്ങ​ളു​ടെ അ​പ​ര്യാ​പ്ത​ത മൂ​ലം രോ​ഗി​ക​ളു​ടെ ജീ​വ​ൻ ന​ഷ്ട​മാ​കു​ന്ന സം​ഭ​വ​ങ്ങ​ളു​മു​ണ്ട്. എ​ത്തു​ന്ന രോ​ഗി​ക​ളെ റ​ഫ​ർ ചെ​യ്യ​ലാ​ണ് പ​തി​വ്. ഇ​ങ്ങ​നെ അ​ടി​യ​ന്തി​ര ചി​കി​ത്സ വേ​ണ്ട രോ​ഗി​ക​ൾ മ​ണി​ക്കൂ​റു​ക​ൾ യാ​ത്ര ചെ​യ്ത് ജി​ല്ല​ക്ക് പു​റ​ത്തു​ള​ള അ​ടു​ത്ത സ​ർ​ക്കാ​ർ മെ​ഡി​ക്ക​ൽ കോ​ള​ജി​ലെ​ത്തു​മ്പോ​ഴേ​ക്കും കാ​ര്യ​ങ്ങ​ൾ കൈ​വി​ട്ടു പോ​യി​രി​ക്കും. അ​ടു​ത്ത കാ​ല​ത്താ​യി ചെ​റി​യ അ​പ​ക​ട​ങ്ങ​ൾ പോ​ലും മെ​ഡി​ക്ക​ൽ കോ​ള​ജി​ൽ നി​ന്ന് റ​ഫ​ർ ചെ​യ്യു​ക​യാ​ണ്.

ജ​ന​റ​ൽ മെ​ഡി​സി​ൻ, ജ​ന​റ​ൽ സ​ർ​ജ​റി, ഗൈ​ന​ക്കോ​ള​ജി ശി​ശു​രോ​ഗ വി​ഭാ​ഗം, സ്കി​ൻ, റ​സ്പി​റേ​റ്റ​റി മെ​ഡി​സി​ൻ, അ​സ്ഥി​രോ​ഗ വി​ഭാ​ഗം, മാ​ന​സി​കാ​രോ​ഗ്യ വി​ഭാ​ഗം എ​ന്നീ വി​ഭാ​ഗ​ങ്ങ​ളാ​ണ് മെ​ഡി​ക്ക​ൽ കോ​ള​ജി​ൽ ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്. എ​ന്നാ​ൽ ഓ​രോ വി​ഭാ​ഗ​ത്തി​ലും ഡോ​ക്ട​ർ​മാ​രു​ടെ എ​ണ്ണം നാ​മ​മാ​ത്ര​മാ​ണ്. അ​തി​നാ​ൽ ഒ​രു ഡോ​ക്ട​ർ അ​വ​ധി​യെ​ടു​ത്താ​ൽ രോ​ഗി​ക​ൾ​ക്ക് ഈ ​വി​ഭാ​ഗ​ത്തി​ലും ചി​കി​ത്സ ല​ഭി​ക്കി​ല്ല.

കാ​ത്ത് ലാ​ബി​നാ​യി കാ​ത്തി​രി​പ്പ്

ഇ​വി​ടെ കാ​ത്ത് ലാ​ബ് ഉ​ട​ൻ ആ​രം​ഭി​ക്കു​മെ​ന്ന പ്ര​ഖ്യാ​പ​നം വ​ർ​ഷ​ങ്ങ​ളാ​യി കേ​ൾ​ക്കു​ന്ന​താ​ണ്. മെ​ഡി​ക്ക​ൽ കോ​ള​ജ് ജി​ല്ലാ ആ​ശു​പ​ത്രി​യാ​യി​രു​ന്ന കാ​ലം മു​ത​ൽ മാ​റി മാ​റി വ​രു​ന്ന മ​ന്ത്രി​മാ​രും ജ​ന​പ്ര​തി​നി​ധി​ക​ളും നി​ര​വ​ധി ത​വ​ണ ഇ​ക്കാ​ര്യം വാ​ഗ്ദാ​നം​ന​ൽ​കി​യി​രു​ന്നു. ജ​ന​ങ്ങ​ൾ ക​ബ​ളി​പ്പി​ക്ക​പ്പെ​ട്ട​ത​ല്ലാ​തെ ലാ​ബ് വ​ന്നി​ല്ല .

മെ​ഡി​ക്ക​ൽ കോ​ള​ജി​ന്‍റെ ഉ​ദ്​​ഘാ​ട​ന​ത്തി​ലും വാ​ഗ്ദാ​നം ആ​വ​ർ​ത്തി​ച്ചി​രു​ന്നു. കാ​ത്ത് ലാ​ബി​നൊ​പ്പം ഫ്രീ​കാ​ത്ത് വാ​ർ​ഡും ത​യ്യാ​റാ​വ​ണം. ഏ​ക​ദേ​ശം എ​ട്ടു കോ​ടി രൂ​പ​യു​ണ്ടെ​ങ്കി​ൽ എ​ല്ലാ സൗ​ക​ര്യ​ങ്ങ​ളു​മു​ള്ള കാ​ത്ത് ലാ​ബ് സ​ജ്ജീ​ക​രി​ക്കാ​മെ​ന്ന് വി​ദ​ഗ്ധ ഡോ​ക്ട​ർ​മാ​ർ പ​റ​യു​ന്നു. മെ​ഡി​ക്ക​ൽ കോ​ള​ജി​ന്‍റെ പു​തി​യ ബ്ലോ​ക്ക്​ പ​ണി പൂ​ർ​ത്തി​യാ​യാ​ൽ സൂ​പ്പ​ർ​സ്പ​ഷാ​ലി​റ്റി സേ​വ​ന​ങ്ങ​ൾ ആ​രം​ഭി​ക്കു​മെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. ഇ​തി​ൽ പ്ര​ഥ​മ​പ​രി​ഗ​ണ​ന കാ​ത്ത് ലാ​ബി​നു ന​ൽ​കും .

ലാ​ബ്​ ത​യാ​റാ​യാ​ലും പു​തി​യ ഡോ​ക്ട​ർ​മാ​രു​ടെ നി​യ​മ​നം ത​ല​വേ​ദ​ന​യാ​കും. അ​ടി​മാ​ലി താ​ലൂ​ക്കാ​ശു​പ​ത്രി​യി​ൽ കെ​ട്ടി​ട​മു​ണ്ടാ​ക്കി​ക്ക​ഴി​ഞ്ഞ​പ്പോ​ഴാ​ണ് ഒ​രു ജി​ല്ല​യി​ൽ ഒ​രു കാ​ത്ത്‌​ലാ​ബ് മ​തി​യെ​ന്ന സ​ർ​ക്കാ​ർ നി​ർ​ദേ​ശം​വ​രു​ന്ന​ത്. ഇ​തോ​ടെ കാ​ത്ത് ലാ​ബ് ഇ​ടു​ക്കി​യി​ൽ മ​തി​യെ​ന്ന തീ​രു​മാ​ന​മാ​യി.

ലാ​ബ്​ ഉ​പ​ക​ര​ണ​ങ്ങ​ൾ വാ​ങ്ങാ​ൻ ഒ​രു കോ​ടി അ​നു​വ​ദി​ച്ചെ​ങ്കി​ലും ഇ​ത് ഉ​പ​യോ​ഗ​പ്പെ​ടു​ത്താ​ൻ ക​ഴി​ഞ്ഞി​ട്ടി​ല്ല. ഇ​തി​നി​ടെ മെ​ഡി​ക്ക​ൽ കോ​ള​ജി​ൽ കൂ​ടു​ത​ൽ ഡോ​ക്ട​ർ​മാ​രെ നി​യോ​ഗി​ച്ചെ​ങ്കി​ലും രോ​ഗി​ക​ൾ​ക്കു​മെ​ച്ച​പ്പെ​ട്ട സേ​വ​നം ന​ൽ​കാ​ൻ വി​വി​ധ ഡി​പ്പാ​ർ​ട്ടു​മെൻറു​ക​ൾ കൂ​ടി അ​നു​വ​ദി​ക്ക​ണം. ഡോ​ക്ട​ർ​മാ​രു​ടെ കു​റ​വ്​ പ​രാ​തി​യാ​യ​തോ​ടെ അ​ടു​ത്ത കാ​ല​ത്ത് കു​റ​ച്ച് ഡോ​ക്ട​ർ​മാ​രെ​ക്കൂ​ടി നി​യ​മി​ച്ചു. എ​ന്നാ​ൽ ഇ​വ​ർ പ​ല​രും അ​വ​ധി​യി​ലാ​യി​രി​ക്കും. ഒ​പ്പി​ട്ട ശേ​ഷം മു​ങ്ങു​ന്ന​വ​രും കു​റ​വ​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

മെ​ഡി​ക്ക​ൽ കോ​ള​ജി​ലേ​ക്ക്​ ഇ​ന്ന്​ കോ​ൺ​ഗ്ര​സ്​ മാ​ർ​ച്ച്

ചെ​റു​തോ​ണി: സാ​ധാ​ര​ണ​ക്കാ​ർ ആ​ശ്ര​യി​ക്കു​ന്ന സ​ർ​ക്കാ​ർ ആ​ശു​പ​ത്രി​ക​ളോ​ടു​ള്ള അ​വ​ഗ​ണ​ന​യും രോ​ഗി​ക​ളു​ടെ ജീ​വ​ൻ വെ​ച്ചു​ള്ള ക​ളി​യും അ​വ​സാ​നി​പ്പി​ക്ക​ണ​മെ​ന്നാ​വ​ശ്യ​പ്പെ​ട്ട്​ കോ​ൺ​ഗ്ര​സി​ന്‍റെ നേ​തൃ​ത്വ​ത്തി​ൽ ഇ​ടു​ക്കി മെ​ഡി​ക്ക​ൽ കോ​ളേ​ജി​ലേ​ക്ക് ചൊ​വ്വാ​ഴ്ച രാ​വി​ലെ 11 ന്​ ​മാ​ർ​ച്ചും ധ​ർ​ണ​യും ന​ട​ത്തു​മെ​ന്ന്​ ഡി.​സി.​സി. ജ​ന. സെ​ക്ര​ട്ട​റി എം.​ഡി. അ​ർ​ജു​ന​ൻ അ​റി​യി​ച്ചു. സ​ർ​ക്കാ​ർ ആ​ശു​പ​ത്രി​ക​ളി​ൽ ഉ​പ​ക​ര​ണ​ങ്ങ​ൾ ഇ​ല്ലാ​തെ ശ​സ്ത്ര​ക്രി​യ​ക​ൾ നി​ർ​ത്തി വെ​യ്ക്കേ​ണ്ടി​വ​രു​ന്ന സ്ഥി​തി​യാ​ണ്.

മ​രു​ന്നു​ക​ൾ​ക്കും ഉ​പ​ക​ര​ണ​ങ്ങ​ൾ​ക്കും ക്ഷാ​മം നേ​രി​ടു​ക​യാ​ണ്. ആ​ശു​പ​ത്രി​ക​ളി​ൽ ആ​വ​ശ്യ​ത്തി​ന്​ ഡോ​ക്ട​ർ​മാ​രും ജീ​വ​ന​ക്കാ​രു​മി​ല്ല. സ​ർ​ക്കാ​ർ ആ​ശു​പ​ത്രി​ക​ൾ അ​പ​ക​ട​ക​ര​മാ​യ അ​വ​സ്ഥ​യി​ലൂ​ടെ​ക​ട​ന്നു​പോ​കു​ക​യാ​ണെ​ന്നും അ​ദ്ദേ​ഹം പ​റ​ഞ്ഞു. ധ​ർ​ണ രാ​ഷ്ട്രീ​യ​കാ​ര്യ സ​മി​തി അം​ഗം ഷാ​നി​മോ​ൾ ഉ​സ്മാ​ൻ ഉ​ദ്ഘാ​ട​നം ചെ​യ്യും. ഡി.​സി.​സി പ്ര​സി​ഡ​ൻ​റ് സി.​പി. മാ​ത്യു അ​ധ്യ​ക്ഷ​ത വ​ഹി​ക്കും.

ജി​ല്ല ആ​ശു​പ​ത്രി​യി​ലെ ലി​ഫ്റ്റ് വീ​ണ്ടും പ​ണി​മു​ട​ക്കി; ഡ​യാ​ലി​സി​സി​നാ‍യി രോ​ഗി​ക​ളെ ചു​മ​ന്ന് ക​യ​റ്റി

തൊ​ടു​പു​ഴ: ജി​ല്ല ആ​ശു​പ​ത്രി​യി​ലെ ലി​ഫ്റ്റ് ത​ക​രാ​ർ പ​തി​വാ​കു​ന്നു. കാ​രി​ക്കോ​ടു​ള​ള ജി​ല്ല ആ​ശു​പ​ത്രി​യാ​ണ് രോ​ഗി​ക​ൾ​ക്ക് ദു​രി​തം സ​മ്മാ​നി​ക്കു​ന്ന​ത്. ആ​ശു​പ​ത്രി​യി​ലെ പു​തി​യ കെ​ട്ടി​ട​ത്തി​ലെ ലി​ഫ്റ്റ് ത​ക​രാ​റി​ലാ​യ​തി​നെ​ത്തു​ട​ർ​ന്ന് തി​ങ്ക​ളാ​ഴ്ച​യും രോ​ഗി​ക​ൾ ദു​രി​ത​ത്തി​ലാ‍യി. ഇ​തി​നെ തു​ട​ർ​ന്ന് അ​ഞ്ചാം നി​ല​യി​ലെ ഡ​യാ​ലി​സി​സ് യൂ​നി​റ്റി​ലേ​ക്ക് രോ​ഗി​ക​ളെ ചു​മ​ന്നു​ക​യ​റ്റി. ക​സേ​ര​യി​ൽ ഇ​രു​ത്തി​യാ​ണ് രോ​ഗി​ക​ളെ ചു​മ​ന്നു ക​യ​റ്റി​യ​ത്. ശ​നി​യാ​ഴ്ച​യാ​ണ് ആ​ശു​പ​ത്രി​യി​ലെ ലി​ഫ്റ്റ് ത​ക​രാ​റി​ലാ​യ​ത്.

സം​ഭ​വം വി​വാ​ദ​മാ​യ​തോ​ടെ മു​സ്​​ലിം ലീ​ഗ് പ്ര​വ​ർ​ത്ത​ർ ആ​ശു​പ​ത്രി​യി​ലേ​ക്ക് പ്ര​തി​ഷേ​ധ​മാ​ർ​ച്ച് ന​ട​ത്തി സൂ​പ്ര​ണ്ടി​നെ ഉ​പ​രോ​ധി​ച്ചു. തു​ട​ർ​ന്ന് എ​റ​ണാ​കു​ള​ത്ത് നി​ന്ന് ടെ​ക്നി​ഷ്യ​ന്മാ​രെ വി​ളി​ച്ച് വ​രു​ത്തി സാ​ങ്കേ​തി​ക ത​ക​രാ​ർ​പ​രി​ഹ​രി​ക്കു​മെ​ന്ന് ഉ​റ​പ്പ് ന​ൽ​കി​യ​തോ​ടെ​യാ​ണ് സ​മ​ര​ക്കാ​ർ പി​ൻ​വാ​ങ്ങി​യ​ത്. ഉ​ച്ച​യോ​ടെ സാ​ങ്കേ​തി​ക വി​ദ​ഗ്ധ​രെ​ത്തി ലി​ഫ്റ്റി​ൻ​റെ ത​ക​രാ​ർ പ​രി​ഹ​രി​ച്ചു.

ഇ​വി​ടെ അ​ടി​ക്ക​ടി ലി​ഫ്റ്റ് ത​ക​രാ​റി​ലാ​കു​ന്ന​ത് രോ​ഗി​ക​ളേ​യും കൂ​ട്ടി​രി​പ്പു​കാ​രേ​യും ഏ​റെ വ​ല​ക്കു​ന്നു​ണ്ട്. താ​ത്കാ​ലി​ക​മാ​യി പ്ര​ശ്നം പ​രി​ഹ​രി​ച്ച് അ​ധി​കൃ​ത​ർ ത​ടി​യൂ​രു​ക​യാ​ണ് പ​തി​വ്. ലി​ഫ്റ്റ് പൂ​ര്‍ണ​മാ​യി മാ​റ്റി സ്ഥാ​പി​ച്ചാ​ലെ പ്ര​ശ്ന​ത്തി​ന്​ പ​രി​ഹാ​ര​മാ​കൂ​വെ​ന്നാ​ണ് രോ​ഗി​ക​ള​ട​ക്കം പ​റ​യു​ന്ന​ത്.