ജില്ലാ സ്കൂൾ കായികമേള; ആ​ദ്യ ​സ്വ​ര്‍ണ​വും വെ​ള്ളി​യും ഇ​ര​ട്ട​ക​ള്‍ക്ക്

തൊ​ടു​പു​ഴ: റ​വ​ന്യൂ ജി​ല്ല കാ​യി​ക മേ​ള​യി​ല്‍ ആ​ദ്യ​സ്വ​ര്‍ണ​വും വെ​ള്ളി​യും നേ​ടി ഇ​ര​ട്ട സ​ഹോ​ദ​ര​ങ്ങ​ൾ. പാ​റ​ത്തോ​ട് സെ​ന്റ് ജോ​ര്‍ജ് എ​ച്ച്.​എ​സ്.​എ​സി​ലെ ആ​ല്‍ഫ്ര​ഡ് ജോ​ജോ ജൂ​നി​യ​ർ ആ​ൺ​കു​ട്ടി​ക​ളു​ടെ 3000 മീ​റ്റ​റി​ൽ സ്വ​ര്‍ണം നേ​ടി​യ​പ്പോ​ൾ ഇ​ര​ട്ട സ​ഹോ​ദ​ര​ൻ മു​രി​ക്കാ​ശ്ശേ​രി സെ​ന്റ് മേ​രീ​സ് എ​ച്ച്.​എ​സ്.​എ​സി​ലെ അ​ല്‍ഫോ​ന്‍സ് വെ​ള്ളി​യും നേ​ടി മേ​ള​യി​ലെ താ​ര​ങ്ങ​ളാ​യി. 10:01:60 സ​മ​യം കൊ​ണ്ടാ​ണ് ആ​ല്‍ഫ്ര​ഡ് 19 പേ​ര്‍ പ​ങ്കെ​ടു​ത്ത മ​ത്സ​ര​ത്തി​ല്‍ ഒ​ന്നാ​മ​തെ​ത്തി​യ​ത്. അ​ല്‍ഫോ​ന്‍സി​ന്റെ സ​മ​യം 10:11:25.

ക​മ്പി​ളി​ക​ണ്ടം തെ​ള്ളി​ത്തോ​ട് വെ​ട്ടു​ക​ല്ലേ​ല്‍ ജോ​ജോ ആ​ന്റ​ണി​യു​ടെ​യും ജെ​സി​യു​ടെ​യും മ​ക്ക​ളാ​യ ഇ​രു​വ​രും പ്ല​സ് വ​ണ്‍ വി​ദ്യാ​ര്‍ഥി​ക​ളാ​ണ്. ക​ഴി​ഞ്ഞ വ​ര്‍ഷം ഇ​രു​വ​ര്‍ക്കും യ​ഥാ​ക്ര​മം ര​ണ്ടും മൂ​ന്നും സ്ഥാ​നം ല​ഭി​ച്ചി​രു​ന്നു. പാ​റ​ത്തോ​ട് സ്‌​കൂ​ളി​ലെ കാ​യി​ക അ​ധ്യാ​പ​ക​ന്‍ ജി​ജോ ജോ​സ​ഫ്, മു​രി​ക്കാ​ശ്ശേ​രി സ്‌​കൂ​ളി​ലെ കാ​യി​ക അ​ധ്യാ​പ​ക​ന്‍ ഷി​ജോ എ​ന്നി​വ​രാ​ണ് ഇ​വ​രു​ടെ പ​രി​ശീ​ല​ക​ര്‍. പ​രി​മി​ത​മാ​യ സൗ​ക​ര്യ​ങ്ങ​ളി​ലാ​ണ്​ പ​രി​ശീ​ല​ന​മൊ​ക്കെ ന​ട​ത്തി​യ​തെ​ങ്കി​ലും സ്‌​കൂ​ളു​ക​ളി​ല്‍നി​ന്ന് വ​ലി​യ പ്രോ​ത്സാ​ഹ​ന​വും പി​ന്തു​ണ​യു​മാ​ണ് നേ​ട്ട​ത്തി​ന്​ കാ​ര​ണ​മെ​ന്ന്​ ഇ​രു​വ​രും പ​റ​ഞ്ഞു.

ആ​ല്‍ഫ്ര​ഡ് 400 മീ​റ്റ​റി​ലും അ​ല്‍ഫോ​ന്‍സ് 800 മീ​റ്റ​റി​ലും പ​ങ്കെ​ടു​ക്കു​ന്നു​ണ്ട്. വെ​ള്ളി​യാ​ഴ്ച ന​ട​ക്കു​ന്ന 1500 മീ​റ്റ​റി​ലും ഇ​രു​വ​രും മ​ത്സ​രി​ക്കു​ന്നു​ണ്ട്. ബി​രു​ദ വി​ദ്യാ​ര്‍ഥി​യാ​യ ഇ​വ​രു​ടെ ജ്യേ​ഷ്ഠ​സ​ഹോ​ദ​ര​ന്‍ ആ​ന്റോ ജോ​ജോ​യും ജി​ല്ല കാ​യി​ക മേ​ള​യി​ല്‍ വി​ജ​യി​യാ​യി​രു​ന്നു. എ​സ്.​എ​ന്‍.​എം വി.​എ​ച്ച്.​എ​സ്.​എ​സ് എ​ന്‍.​ആ​ര്‍. സി​റ്റി​യി​ലെ അ​ഭി​ജി​ത് കെ. ​പ്ര​ശാ​ന്ത് വെ​ങ്ക​ലം നേ​ടി.