ഇരട്ട വോട്ട്; റവന്യൂ വകുപ്പ്​ നടപടി തുടങ്ങി

നെ​ടു​ങ്ക​ണ്ടം: ജി​ല്ല​യി​ലെ ത​മി​ഴ് ഭൂ​രി​പ​ക്ഷ മ​ണ്ഡ​ല​ങ്ങ​ളി​ലെ ഇ​ര​ട്ട​വോ​ട്ട് ക​ണ്ടെ​ത്താ​ൻ ഉ​ടു​മ്പ​ൻ​ചോ​ല നി​യോ​ജ​ക മ​ണ്ഡ​ല​ത്തി​ൽ തി​ങ്ക​ളാ​ഴ്ച ഹി​യ​റി​ങ്ങ്​ ന​ട​ക്കും. അ​തി​ന്‍റെ ഭാ​ഗ​മാ​യി 211 വോ​ട്ട​ർ​മാ​ർ​ക്ക് ഹി​യ​റി​ങി​ന്​ ഹാ​ജ​രാ​കാ​ൻ റ​വ​ന്യൂ വ​കു​പ്പ് നോ​ട്ടീ​സ് അ​യ​ച്ചു.

ച​തു​രം​ഗ​പ്പാ​റ വി​ല്ലേ​ജി​ൽ 180 പേ​ർ​ക്കും പാ​റ​ത്തോ​ട് വി​ല്ലേ​ജി​ൽ 31 പേ​ർ​ക്കു​മാ​ണ് തി​ങ്ക​ളാ​ഴ്ച അ​ത​ത് വി​ല്ലേ​ജ് ഓ​ഫീ​സു​ക​ളി​ൽ ഹി​യ​റി​ങി​ന് ഹാ​ജ​രാ​കാ​ൻ നോ​ട്ടീ​സ് അ​യ​ച്ച​ത്. ച​തു​രം​ഗ​പ്പാ​റ വി​ല്ലേ​ജി​ൽ ഉ​ടു​മ്പ​ൻ​ചോ​ല പ​ഞ്ചാ​യ​ത്തി​ലെ മൂ​ന്ന് വാ​ർ​ഡു​ക​ളി​ൽ ഉ​ൾ​പ്പെ​ട്ട 180 വോ​ട്ട​ർ​മാ​രി​ലും പാ​റ​ത്തോ​ട് വി​ല്ലേ​ജി​ലെ 71, 72 ബൂ​ത്തു​ക​ളി​ലെ 31 വോ​ട്ട​ർ​മാ​ർ​ക്കു​മാ​ണ് ഇ​ര​ട്ട വോ​ട്ട് ഉ​ള്ള​താ​യി റ​വ​ന്യൂ വ​കു​പ്പ്​ പ​രി​ശോ​ധ​ന​യി​ൽ ക​ണ്ടെ​ത്തി​യ​ത്.

ഉ​ടു​മ്പ​ൻ​ചോ​ല നി​യോ​ജ​ക മ​ണ്ഡ​ല​ത്തി​ലെ തോ​ട്ടം തൊ​ഴി​ലാ​ളി​ക​ൾ​ക്കാ​ണ് കേ​ര​ള​ത്തി​ലും ത​മി​ഴ്നാ​ട്ടി​ലും വോ​ട്ട​ർ പ​ട്ടി​ക​യി​ൽ പേ​ര് ഉ​ണ്ടെ​ന്ന് ക​ണ്ടെ​ത്തി​യ​ത്. ജി​ല്ല​യി​ലെ അ​തി​ർ​ത്തി മേ​ഖ​ല​ക​ളി​ൽ വ്യാ​പ​ക​മാ​യി ഇ​ര​ട്ട വോ​ട്ടു​ക​ളു​ണ്ടെ​ന്ന പ​രാ​തി​യെ തു​ട​ർ​ന്നാ​ണ് റ​വ​ന്യൂ വ​കു​പ്പ് പ​രി​ശോ​ധ​ന ന​ട​ത്തി​യ​ത്.

ഈ ​പ​രി​ശോ​ധ​ന​യി​ൽ ഉ​ടു​മ്പ​ൻ​ചോ​ല​യി​ലെ​യും ത​മി​ഴ്നാ​ട്ടി​ലെ തേ​നി ജി​ല്ല​യി​ലെ ക​മ്പം മ​ണ്ഡ​ല​ത്തി​ലെ​യും വോ​ട്ട​ർ പ​ട്ടി​ക​ക​ളി​ലാ​ണ്​ പേ​രു​ള്ള​താ​യി ക​ണ്ടെ​ത്തി​യ​ത്. ര​ണ്ടു വോ​ട്ട​ർ പ​ട്ടി​ക​ക​ളി​ലും പേ​രു​ള്ള​ത് ഒ​രേ ആ​ളാ​ണോ​യെ​ന്ന് സ്ഥി​രീ​ക​രി​ക്കാ​നാ​ണ് ഏ​പ്രി​ൽ ഒ​ന്നി​ന് ഹി​യ​റി​ങ്ങി​ന് ഹാ​ജ​രാ​കാ​ൻ റ​വ​ന്യൂ വ​കു​പ്പ് നോ​ട്ടീ​സ് ന​ൽ​കി​യ​ത്.

ഒ​രാ​ൾ​ക്ക് ര​ണ്ടി​ട​ത്തും വോ​ട്ടു​ണ്ടെ​ന്ന് ക​ണ്ടെ​ത്തി​യാ​ൽ ഒ​രെ​ണ്ണം റ​ദ്ദാ​ക്കും. ഉ​ടു​മ്പ​ന്‍ചോ​ല, ദേ​വി​കു​ളം, പീ​രു​മേ​ട് നി​യോ​ജ​ക മ​ണ്ഡ​ല​ങ്ങ​ളി​ല്‍ താ​മ​സി​ക്കു​ന്ന ത​മി​ഴ് തോ​ട്ടം തൊ​ഴി​ലാ​ളി​ക​ള്‍ക്ക് കേ​ര​ള​ത്തി​ലും ത​മി​ഴ്‌​നാ​ട്ടി​ലും വോ​ട്ടു​ള്ള​താ​യാ​ണ് നി​ല​വി​ൽ പ​രാ​തി​യു​ള്ള​ത്. ഉ​ടു​മ്പ​ന്‍ചോ​ല​യി​ല്‍ മാ​ത്രം 15000 ല​ധി​കം ഇ​ര​ട്ട വോ​ട്ടു​ള്ള​താ​യാ​ണ് ആ​രോ​പ​ണം.

കേ​ര​ള​ത്തി​ലെ​യും ത​മി​ഴ്‌​നാ​ട്ടി​ലെ​യും വോ​ട്ട​ര്‍ പ​ട്ടി​ക​യി​ല്‍ പേ​രും ഇ​രു​സം​സ്ഥാ​ന​ങ്ങ​ളി​ലും റേ​ഷ​ന്‍കാ​ര്‍ഡി​ല്‍ പേ​രും ഉ​ള്ള​താ​യാ​ണ് ആ​രോ​പ​ണം. ത​മി​ഴ്‌​നാ​ട്ടി​ല്‍ വോ​ട്ടു​ള്ള​വ​രും ഉ​ടു​മ്പ​ന്‍ചോ​ല മ​ണ്ഡ​ല​ത്തി​ല്‍ സ്ഥി​ര​താ​മ​സ​ക്കാ​ര​ല്ലാ​ത്ത​തു​മാ​യ ആ​യി​ര​ക്ക​ണ​ക്കി​ന് ആ​ളു​ക​ളെ വോ​ട്ട​ർ പ​ട്ടി​ക​യി​ൽ ചേ​ര്‍ത്തി​രി​ക്കു​ന്ന​താ​യാ​ണ് ആ​രോ​പ​ണം. കേ​ര​ള -ത​മി​ഴ്‌​നാ​ട് അ​തി​ര്‍ത്തി ഗ്രാ​മ​ങ്ങ​ളി​ല്‍ മാ​ത്രം ഇ​ര​ട്ട വോ​ട്ടു​ള്ള 1500 ഓ​ളം കു​ടും​ബ​ങ്ങ​ള്‍ അ​ധി​വ​സി​ക്കു​ന്ന​താ​യാ​ണ​റി​വ്. ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പു കാ​ല​ത്ത് കോ​ണ്‍ഗ്ര​സ് ഉ​ൾ​പ്പെ​ടെ​യു​ള്ള​വ​രു​ടെ പ​രാ​തി​യെ തു​ട​ര്‍ന്ന് വി​ഷ​യ​ത്തി​ല്‍ ഹൈ​കോ​ട​തി ഇ​ട​പെ​ടു​ക​യും അ​ന​ധി​കൃ​ത​മാ​യി ക​ട​ന്നു കൂ​ടി​യ വോ​ട്ട​ര്‍മാ​രെ കു​റി​ച്ച് വി​വ​ര​ങ്ങ​ള്‍ ശേ​ഖ​രി​ക്കാ​ന്‍ ആ​വ​ശ്യ​പ്പെ​ട്ട​ത​നു​സ​രി​ച്ച് ന​ട​ത്തി​യ പ​രി​ശോ​ധ​ന​യി​ല്‍ 40 പേ​ർ അ​ന​ധി​കൃ​ത​മാ​യി വോ​ട്ട​ർ പ​ട്ടി​ക​യി​ൽ ക​ട​ന്നു കൂ​ടി​യ​താ​യും ക​ണ്ടെ​ത്തി​യി​രു​ന്നു. ഇ​തി​ന്‍റെ ഇ​ര​ട്ട വോ​ട്ടി​ൽ ആ​രോ​പ​ണ പ്ര​ത്യാ​രോ​പ​ണ​ങ്ങ​ളു​മാ​യി രാ​ഷ്ട്രീ​യ പാ​ർ​ട്ടി​ക​ളും രം​ഗ​ത്തി​റ​ങ്ങി​ക്ക​ഴി​ഞ്ഞു.

ആസൂത്രിതം –ഡീൻ കുര്യാക്കോസ്

ചെ​റു​തോ​ണി: ഉ​ടു​മ്പ​ൻ​ചോ​ല പ​ഞ്ചാ​യ​ത്തി​ൽ ഇ​ര​ട്ട വോ​ട്ട് ക​ണ്ടെ​ത്തി​യ​ത് അ​തീ​വ ഗു​രു​ത​ര​മെ​ന്ന് യു.​ഡി.​എ​ഫ് സ്ഥാ​നാ​ർ​ഥി ഡീ​ൻ കു​ര്യാ​ക്കോ​സ്. സി.​പി.​എം ആ​സൂ​ത്രി​ത​മാ​യി ചെ​യ്ത കാ​ര്യ​മാ​ണി​ത്. തെ​ര​ഞ്ഞെ​ടു​പ്പു​ക​ൾ അ​ട്ടി​മ​റി​ക്കാ​ൻ മു​മ്പും ഇ​ത്ത​ര​ത്തി​ൽ ശ്ര​മം ന​ട​ത്തി​യി​ട്ടു​ണ്ട്. തെ​ര​ഞ്ഞെ​ടു​പ്പ് ക​മീ​ഷ​ൻ ഈ ​വി​ഷ​യ​ത്തി​ൽ അ​ടി​യ​ന്തി​ര​മാ​യി ഇ​ട​പ്പെ​ട​ണ​മെ​ന്നും ഡീ​ൻ ആ​വ​ശ്യ​പ്പെ​ട്ടു. മ​റ്റു സം​സ്ഥാ​ന​ങ്ങ​ളി​ൽ വോ​ട്ടു​ള്ള​വ​ർ​ക്ക് ഇ​വി​ടെ​യും വോ​ട്ട് ഉ​ണ്ടോ എ​ന്ന കാ​ര്യ​വും പ​രി​ശോ​ധി​ക്കേ​ണ്ട​തു​ണ്ട്. ഇ​ത്ത​രം പ്ര​വൃ​ത്തി​ക​ൾ ജ​നാ​ധി​പ​ത്യ​ത്തി​ന് ത​ന്നെ ക​ള​ങ്ക​മാ​ണ്. ഇ​ര​ട്ട വോ​ട്ടു​മാ​യി ബ​ന്ധ​പ്പെ​ട്ട് വി​ശ​ദ​മാ​യ റി​പ്പോ​ർ​ട്ട് സ​മ​ർ​പ്പി​ക്കാ​ൻ സ​മി​തി​യെ ചു​മ​ത​ല​പ്പെ​ടു​ത്തി​യി​ട്ടു​ണ്ട്. സ​മി​തി റി​പ്പോ​ർ​ട്ട് കി​ട്ടി​യാ​ലു​ട​ൻ ത​ന്നെ മ​റ്റു ന​ട​പ​ടി​ക​ൾ തീ​രു​മാ​നി​ക്കു​മെ​ന്ന് ഡീ​ൻ പ​റ​ഞ്ഞു.