വീ​ണ്ടും ആ​ന, പു​ലി, കാട്ടുപോത്ത്​

കു​മ​ളി: പ്ര​മേ​ഹ​രോ​ഗി​യാ​യ ബ​ന്ധു​വി​ന് വ​ണ്ടി​പ്പെ​രി​യാ​ർ ടൗ​ണി​ൽ​നി​ന്ന്​ മ​രു​ന്നു വാ​ങ്ങി മ​ട​ങ്ങു​ന്ന​തി​നി​ടെ കാ​ട്ടാ​ന​യു​ടെ മു​ന്നി​ൽ അ​ക​പ്പെ​ട്ട ന​ടു​ക്ക​ത്തി​ലാ​ണ് സ​ത്രം നി​വാ​സി​ക​ളാ​യ ര​ണ്ടു പേ​ർ. ക​ഴി​ഞ്ഞ ദി​വ​സം രാ​ത്രി 10.30 ഓ​ടെ​യാ​ണ് ജ​ന​വാ​സ മേ​ഖ​ല​യി​ലെ റോ​ഡി​ൽ ആ​ന​യും കു​ട്ടി​യും എ​ത്തി​യ​ത്. സ​ത്രം നി​വാ​സി​ക​ളാ​യ വ​ർ​ഗീ​സ് സു​ഹൃ​ത്ത് അ​യ്യ​പ്പ​നു​മൊ​ത്ത് ബൈ​ക്കി​ൽ വീ​ട്ടി​ലേ​ക്ക് പോ​കു​ന്ന​തി​നി​ടെ​യാ​ണ് ആ​ന​ക്ക് മു​ന്നി​ൽ അ​ക​പ്പെ​ട്ട​ത്. വ​ഴി​യി​ൽ ആ​ന​യെ ക​ണ്ട​തോ​ടെ ഭ​യ​ന്നു പോ​യ ഇ​രു​വ​രും ബൈ​ക്ക് റോ​ഡി​ൽ ഉ​പേ​ക്ഷി​ച്ച് ഓ​ടി ര​ക്ഷ​പ്പെ​ടു​ക​യാ​യി​രു​ന്നു. ഇ​തി​നി​ടെ, വ​ർ​ഗീ​സി​ന്‍റെ പി​ന്നാ​ലെ ചി​ന്നം വി​ളി​ച്ച് ഓ​ടി​യെ​ത്തി​യ ആ​ന ഉ​ടു​മു​ണ്ടി​ൽ പി​ടി​കൂ​ടി​യെ​ങ്കി​ലും സ​മീ​പ​ത്തെ കൃ​ഷി​യി​ട​ത്തി​ലേ​ക്ക് ചാ​ടി മ​റി​ഞ്ഞു വീ​ണാ​ണ് ര​ക്ഷ​പ്പെ​ട്ട​ത്. ര​ക്ഷ​പ്പെ​ട്ടെ​ങ്കി​ലും ഇ​രു​ട്ടി​ൽ റോ​ഡ​രു​കി​ലെ വേ​ലി​യി​ലും റോ​ഡി​ലും വീ​ണു​ണ്ടാ​യ പ​രി​ക്ക് ഇ​രു​വ​ർ​ക്കു​മു​ണ്ട്. പെ​രി​യാ​ർ ക​ടു​വ സ​ങ്കേ​ത​ത്തി​നു​ള്ളി​ൽ നി​ന്നു​മാ​ണ് ഈ ​മേ​ഖ​ല​യി​ലേ​ക്ക് പ​തി​വാ​യി ആ​ന ഇ​റ​ങ്ങി വ​രു​ന്ന​ത്. തു​ട​ർ​ച്ച​യാ​യി പ്ര​ദേ​ശ​ത്തേ​ക്ക് ആ​ന​ക​ൾ ഇ​റ​ങ്ങി വ​രു​ന്ന​ത് ഈ ​മേ​ഖ​ല​യി​ലെ ജ​ന​ങ്ങ​ളെ വ​ലി​യ ഭീ​തി​യി​ലാ​ക്കി​യി​ട്ടു​ണ്ട്.

അടിമാലി ടൗണിന് സമീപം കാട്ടുപോത്ത്

അ​ടി​മാ​ലി: ഹൈ​റേ​ഞ്ചി​ലെ പ്ര​ധാ​ന വാ​ണി​ജ്യ കേ​ന്ദ്ര​മാ​യ അ​ടി​മാ​ലി പ​ട്ട​ണ​ത്തി​ന് സ​മീ​പ​വും കാ​ട്ടു​പോ​ത്ത് എ​ത്തി. അ​ടി​മാ​ലി -ത​ല​മാ​ലി റോ​ഡ് സൈ​ഡി​ൽ മാ​പ്പാ​നി​ക്കു​ന്നി​ലാ​ണ് കാ​ട്ടു​പോ​ത്ത് എ​ത്തി​യ​ത്. വെ​ള്ളി​യാ​ഴ്ച രാ​ത്രി 11 മ​ണി​യോ​ടെ​യാ​ണ് കാ​ട്ടു​പോ​ത്തി​നെ ക​ണ്ട​ത്. നാ​ട്ടു​കാ​ർ ഒ​ച്ച​യി​ട്ടും മ​റ്റും കാ​ട്ടു​പോ​ത്തി​നെ തു​ര​ത്തി. എ​ന്നാ​ൽ, ഇ​ത് എ​വി​ടെ നി​ന്നാ​ണ് എ​ത്തി​യ​തെ​ന്ന്​ വ്യ​ക്​​ത​മാ​യി​ട്ടി​ല്ല. ക​ഴി​ഞ്ഞ ദി​വ​സം ഇ​രു​മ്പു​പാ​ലം പി​ടി​ക്ക​പ്പ് മേ​ഖ​ല​യി​ലും കാ​ട്ടു​പോ​ത്ത് പ​ല ത​വ​ണ എ​ത്തി​യി​രു​ന്നു. ഇ​തോ​ടെ ജ​ന​ങ്ങ​ൾ ഭീ​തി​യി​ലാ​യി. മൂ​ന്നാ​റി​ൽ മൂ​ന്ന്​ പു​ലി​ക​ൾ ഒ​രു​മി​ച്ച് ജ​ന​വാ​സ മേ​ഖ​ല​യി​ൽ ഇ​റ​ങ്ങി​യ​തി​ന്‍റെ ഭീ​തി മാ​റു​ന്ന​തി​ന് മു​മ്പാ​ണ് അ​ടി​മാ​ലി പ​ട്ട​ണ​ത്തി​നോ​ട് ചേ​ർ​ന്ന് കാ​ട്ടു​പോ​ത്ത് ഇ​റ​ങ്ങി​യ​ത്. കാ​ട്ടു​പോ​ത്തി​നും പു​ലി​ക​ൾ​ക്കും പു​റ​മേ കാ​ട്ടാ​ന, കു​ര​ങ്ങ് എ​ന്നി​വ​യു​ടെ ശ​ല്യ​വും ക​ടു​ത്ത വേ​ന​ലും കാ​ർ​ഷി​ക മേ​ഖ​ല​യി​ൽ ക​ടു​ത്ത പ്ര​തി​സ​ന്ധി ഉ​ണ്ടാ​ക്കി​യി​രി​ക്കു​ക​യാ​ണ്.

പുലി കാണാമറയത്ത് തന്നെ

തൊ​ടു​പു​ഴ: ക​രി​ങ്കു​ന്നം ഇ​ല്ലി​ചാ​രി മേ​ഖ​ല​യി​ല്‍ ഭീ​തി പ​ര​ത്തി വി​ല​സു​ന്ന പു​ലി ഇ​പ്പോ​ഴും കാ​ണാ​മ​റ​യ​ത്ത്. കു​ടു​ക്കാ​ന്‍ വ​നം​വ​കു​പ്പ് കൂ​ട് സ്ഥാ​പി​ച്ചെ​ങ്കി​ലും ഒ​രാ​ഴ്ച പി​ന്നി​ട്ടി​ട്ടും പു​ലി കൂ​ട്ടി​ല​ക​പ്പെ​ട്ടി​ട്ടി​ല്ല. ഇ​തി​നി​ടെ ഇ​വി​ടെ നി​ന്ന്​ അ​ക​ലെ​യാ​യി പാ​റ​ക്ക​ട​വി​ല്‍ കു​റു​ക്ക​നെ പു​ലി കൊ​ന്നു തി​ന്നു. ഇ​വി​ടെ പു​ലി​യു​ടെ കാ​ല്‍പ്പാ​ടു​ക​ളും ക​ണ്ടെ​ത്തി. വ​ട​ക്കും​മു​റി അ​ഴ​കും​പാ​റ ഭാ​ഗ​ത്ത് നാ​യ​യെ ച​ത്ത നി​ല​യി​ല്‍ ക​ണ്ട​തും പു​ലി​യു​ടെ ആ​ക്ര​മ​ണ​മെ​ന്നാ​ണ് സൂ​ച​ന. വ​നം​വ​കു​പ്പു​ദ്യോ​ഗ​സ്ഥ​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. ഇ​തി​നി​ടെ പു​ലി​യെ കൂ​ടി​ന​ടു​ത്തേ​ക്ക്​ ആ​ക​ര്‍ഷി​ക്കാ​ന്‍ ഇ​തി​നു സ​മീ​പ​ത്തു ത​ന്നെ മ​റ്റൊ​രു കൂ​ടും സ​ജ്ജ​മാ​ക്കി. ഇ​തി​ല്‍ ആ​ടി​നെ കെ​ട്ടി​യി​ട്ട് പു​ലി​യെ ആ​ക​ര്‍ഷി​ക്കാ​നാ​ണ് പു​തി​യ കൂ​ടു സ​ജ്ജ​മാ​ക്കി​യ​ത്. പു​ലി​യെ വീ​ഴ്ത്താ​നാ​യി ത​യാ​റാ​ക്കി​യി​രി​ക്കു​ന്ന കൂ​ട്ടി​ല്‍ ച​ത്ത കോ​ഴി​യെ ആ​ണ് ഇ​ട്ടി​രി​ക്കു​ന്ന​ത്. ക​ഴി​ഞ്ഞ ദി​വ​സം ഇ​ട്ട ച​ത്ത കോ​ഴി​യെ മാ​റ്റി വേ​റെ കോ​ഴി​യെ ഇ​ട്ടു. പു​ലി ഉ​ട​ന്‍ ത​ന്നെ കൂ​ട്ടി​ലാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് മു​ട്ടം റേ​ഞ്ച് ഓ​ഫി​സ​ര്‍ പ​റ​ഞ്ഞു.

ര​ണ്ടു മാ​സ​ത്തി​ലേ​റെ​യാ​യി ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മേ​ഖ​ല പു​ലി​യു​ടെ ഭീ​തി​യി​ലാ​ണ്. ഇ​വി​ടെ ഒ​ട്ടേ​റെ വ​ള​ര്‍ത്തു മൃ​ഗ​ങ്ങ​ളെ​യാ​ണ് പു​ലി ആ​ക്ര​മി​ച്ചു കൊ​ന്ന​ത്. അ​ജ്ഞാ​ത ജീ​വി വ​ള​ര്‍ത്തു​മൃ​ഗ​ങ്ങ​ളെ ആ​ക്ര​മി​ക്കു​ക​യാ​ണെ​ന്നാ​യി​രു​ന്നു ആ​ദ്യ ഘ​ട്ട​ത്തി​ലെ നി​ഗ​മ​നം. കൂ​ടാ​തെ പ്ര​ദേ​ശ​വാ​സി​ക​ളാ​യ പ​ല​രും പു​ലി​യോ​ട് സ​മാ​ന​മാ​യ ജീ​വി​യെ കാ​ണു​ക​യും ചെ​യ്തു. ക​ഴി​ഞ്ഞ 16ന് ​വ​നം​വ​കു​പ്പ് പ്ര​ദേ​ശ​ത്ത് സ്ഥാ​പി​ച്ച കാ​മ​റ​യി​ല്‍ പു​ലി​യു​ടെ ദൃ​ശ്യം പ​തി​ഞ്ഞ​തോ​ടെ​യാ​ണ് ഇ​ക്കാ​ര്യ​ത്തി​ല്‍ സ്ഥി​രീ​ക​ര​ണ​മു​ണ്ടാ​യ​ത്. തു​ട​ര്‍ന്നാ​ണ് പെ​രി​യാ​ര്‍ ടൈ​ഗ​ര്‍ റി​സ​ര്‍വി​ല്‍ നി​ന്നെ​ത്തി​ച്ച കൂ​ട് ഇ​വി​ടെ സ്ഥാ​പി​ച്ച​ത്. പു​ലി​യു​ടെ സാ​ന്നി​ധ്യം കൂ​ടു​ത​ലാ​യി ക​ണ്ട ഇ​ല്ലി​ചാ​രി മ​ല​യു​ടെ മു​ക​ളി​ലാ​യാ​ണ് കൂ​ട് സ്ഥാ​പി​ച്ചി​രി​ക്കു​ന്ന​ത്. കൂ​ടു സ്ഥാ​പി​ച്ച് ഒ​രാ​ഴ്ച തി​ക​ഞ്ഞി​ട്ടും പു​ലി ഇ​തി​നു സ​മീ​പ​ത്തേ​ക്ക്​ എ​ത്തി​യി​ട്ടി​ല്ലെ​ന്നാ​ണ് സൂ​ച​ന. ഇ​ത് നാ​ട്ടു​കാ​രെ ആ​ശ​ങ്ക​യി​ലാ​ഴ്ത്തി​യി​ട്ടു​ണ്ട്.

പുലിയെ പിടികൂടാൻ അടിയന്തര നടപടി വേണം -പി.ജെ. ജോസഫ്

ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി മേ​ഖ​ല​യി​ലും മ​റ്റും ഭീ​തി പ​ര​ത്തു​ന്ന പു​ലി​യെ പി​ടി​കൂ​ടാ​ൻ കൂ​ടു​ത​ൽ കൂ​ടു​ക​ൾ സ്ഥാ​പി​ക്കാ​ൻ വ​നം വ​കു​പ്പ് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്ന് പി.​ജെ. ജോ​സ​ഫ് എം.​എ​ൽ.​എ ആ​വ​ശ്യ​പ്പെ​ട്ടു. വ​നം വ​കു​പ്പ് സ്ഥാ​പി​ച്ച ക്യാ​മ​റ​യി​ൽ പു​ലി​യു​ടെ ചി​ത്രം വ്യ​ക്ത​മാ​കു​ക​യും തു​ട​ർ​ന്ന് ഒ​രു കൂ​ട് സ്ഥാ​പി​ക്കു​ക​യും ചെ​യ്തി​രു​ന്നു. ഇ​ത് അ​പ​ര്യാ​പ്ത​മാ​ണ്. നി​രീ​ക്ഷ​ണ കാ​മ​റ​ക​ളും കൂ​ടു​ക​ളും കൂ​ടു​ത​ലാ​യി സ്ഥാ​പി​ക്ക​ണം. പ​രി​സ​ര​വാ​സി​ക​ൾ​ക്കു​ണ്ടാ​യ ആ​ശ​ങ്ക പ​രി​ഹ​രി​ക്കാ​ൻ ഊ​ർ​ജി​ത ന​ട​പ​ടി വേ​ണ​മെ​ന്നും ജോ​സ​ഫ് ആ​വ​ശ്യ​പ്പെ​ട്ടു.