സ്ഥലംമാറ്റം വേണോ? കാണേണ്ടപോലെ കണ്ടേ പറ്റൂ

ഇ​ടു​ക്കി: ജി​ല്ല​യി​ലെ ആ​രോ​ഗ്യ മേ​ഖ​ല​യി​ൽ നി​യ​മ​ന​ത്തി​നും സ്ഥ​ലം​മാ​റ്റ​ത്തി​നും ലൈ​സ​ൻ​സി​നും കാ​ണേ​ണ്ട​വ​രെ കാ​ണേ​ണ്ട പോ​ലെ ക​ണ്ടാ​ലേ കാ​ര്യം ന​ട​ക്കൂ എ​ന്ന്​ വ്യാ​പ​ക പ​രാ​തി. ജി​ല്ല​ക്ക്​ പു​റ​ത്തു​നി​ന്നു​​ള്ള​വ​രാ​ണ്​ ഇ​ടു​ക്കി​യി​ലെ ആ​രോ​ഗ്യ മേ​ഖ​ല​യി​ൽ പ്ര​വ​ർ​ത്തി​ക്കു​ന്ന​വ​രി​ൽ ഏ​റെ​യും. നി​യ​മ​നം കി​ട്ടി ഏ​​റെ വൈ​കും മു​മ്പു ത​ന്നെ ഇ​വ​ർ അ​വ​ധി​യെ​ടു​ത്തോ സ്ഥ​ലം മാ​റ്റം വാ​ങ്ങി​യോ പോ​കു​ന്ന​ത്​ മ​റ​യാ​ക്കി​യാ​ണ്​ അ​ഴി​മ​തി വാ​ഴു​ന്ന​ത്.

ആ​രോ​ഗ്യ രം​ഗ​​ത്തെ ഉ​ദ്യോ​ഗ​സ്ഥ​ർ അ​ട​ക്കം പ​ല​ർ​ക്കും ഇ​തി​ൽ അ​തൃ​പ്തി​യു​ണ്ടെ​ങ്കി​ലും ഈ ​സം​ഘ​ത്തി​ന്‍റെ സ്വാ​ധീ​നം ഭ​യ​ന്ന്​ പു​റ​ത്തു പ​റ​യാ​ൻ മ​ടി​ക്കു​ക​യാ​ണെ​ന്ന്​ അ​വ​ർ ത​ന്നെ സ​മ്മ​തി​ക്കു​ന്നു. ഇ​തി​നെ​തി​രെ ആ​രോ​ഗ്യ വ​കു​പ്പ്​ ഉ​ന്ന​ത​ർ​ക്കു ചി​ല​ർ ര​ഹ​സ്യ​മാ​യി പ​രാ​തി ന​ൽ​കി​യി​ട്ടു​ണ്ട്.

ആ​രോ​ഗ്യ​വ​കു​പ്പി​ൽ നി​ന്ന്​ വി​ര​മി​ച്ച ചി​ല​രു​ടെ നേ​തൃ​ത്വ​ത്തി​ൽ സ്ഥ​ലം മാ​റ്റ​ത്തി​നും ​താ​ൽ​ക്കാ​ലി​ക നി​യ​മ​ന​ത്തി​നു​മാ​യി ഇ​ട​നി​ല​ക്കാ​രു​ടെ സം​ഘം പ്ര​വ​ർ​ത്തി​ക്കു​ന്നു​ണ്ട്. മ​റ്റ്​ ജി​ല്ല​ക​ളി​ൽ നി​ന്ന്​ വ​രു​ന്ന​വ​ർ സ്ഥ​ലം മാ​റു​ക​യോ അ​വ​ധി​യെ​ടു​ത്ത്​ പോ​കു​ക​യോ ചെ​യ്യു​​മ്പോ​ൾ ഉ​ണ്ടാ​കു​ന്ന ഒ​ഴി​വു​ക​ളി​ൽ താ​ൽ​ക്കാ​ലി​ക നി​യ​മ​നം ന​ട​ത്തു​ക​യാ​ണ്​ പ​തി​വ്. ഈ ​സ്ഥാ​ന​ങ്ങ​ളി​ൽ നി​യ​മ​നം കി​ട്ട​ണ​​മെ​ങ്കി​ലും കാ​​േണ​ണ്ട​വ​രെ ക​ണ്ടേ മ​തി​യാ​കൂ എ​ന്ന​താ​ണ്​ അ​വ​സ്​​ഥ​യെ​ന്ന്​ ആ​രോ​ഗ്യ​വ​കു​പ്പി​ലെ ചി​ല ഉ​ദ്യോ​ഗ​സ്ഥ​ർ ത​ന്നെ ചൂ​ണ്ടി​ക്കാ​ണി​ക്കു​ന്നു.

ഇ​തി​നു പു​റ​മെ​യാ​ണ്​ കോ​ഴി - പ​ന്നി ഫാ​മു​ക​ൾ​ക്കും റി​സോ​ർ​ട്ടു​ക​ൾ​ക്കും ലൈ​സ​ൻ​സ്​ സം​ഘ​ടി​പ്പി​ച്ച്​ കൊ​ടു​ക്കു​ന്ന​തി​നും ഇ​ട​നി​ല​ക്കാ​ർ പ്ര​വ​ർ​ത്തി​ക്കു​ന്ന​ത്. ലാ​ബു​ക​ളു​ടെ പ്ര​വ​ർ​ത്ത​നാ​നു​മ​തി​ക്ക്​ എ​ൻ.​ഒ.​സി​ക്ക്​ അ​പേ​ക്ഷി​ച്ചാ​ലും ‘കൈ​മ​ട​ക്ക്​’ കൊ​ടു​ക്കാ​ൻ മ​ടി​ച്ചാ​ൽ മു​ട്ടാ​പ്പോ​ക്കു​ക​ൾ പ​റ​ഞ്ഞ്​ വ​ട്ടം​ക​റ​ക്ക​ലാ​ണ്​ ഉ​ദ്യോ​ഗ​സ്ഥ ത​ല​ത്തി​ലെ ചി​ല​രു​ടെ സ്ഥി​രം പ​രി​പാ​ടി എ​ന്ന്​ ലാ​ബു​ട​മ​ക​ൾ ത​ന്നെ പ​റ​യു​ന്നു. ചി​ല ഉ​ദ്യോ​ഗ​സ്ഥ​ർ​ക്കെ​തി​രെ ന​ട​പ​ടി ഉ​ണ്ടാ​യെ​ങ്കി​ലും സ്വാ​ധീ​നം ഉ​പ​യോ​ഗി​ച്ച്​ അ​വ​രെ​ല്ലാം ഊ​രി​പ്പോ​കു​ന്ന​തി​നാ​ൽ പ​രാ​തി​പ്പെ​ടാ​നും മ​ടി​യാ​ണെ​ന്നാ​ണ്​ ലാ​ബു​ട​മ​ക​ളി​ൽ ചി​ല​ർ പ​റ​യു​ന്ന​ത്.