ചൂട്: ക്ഷീര മേഖല തളരുന്നു; പാൽ ഉൽപാദനത്തിൽ പ്രതിദിനം 20,000 ലിറ്ററിന്‍റെ കുറവ്

തൊ​ടു​പു​ഴ: വേ​ന​ൽ ക​ടു​ത്ത​തോ​ടെ ജി​ല്ല​യി​ൽ ക്ഷീ​ര മേ​ഖ​ല പ്ര​തി​സ​ന്ധി നേ​രി​ട്ടു​തു​ട​ങ്ങി. ശ​ക്ത​മാ​യ ചൂ​ടു​മൂ​ലം പാ​ലു​ൽ​പാ​ദ​നം കു​റ​യു​ന്ന​തും പ​ച്ച​പ്പു​ല്ലി​ന്‍റെ ക്ഷാ​മ​വു​മാ​ണ്​ നി​ല​വി​ലെ പ്ര​തി​സ​ന്ധി​ക്ക്​ കാ​ര​ണം. വേ​ന​ലി​ന്​ മു​മ്പ്​​ 1,70,000 ലി​റ്റ​ർ പാ​ലാ​ണ്​ ജി​ല്ല​യി​ൽ പ്ര​തി​ദി​നം ല​ഭി​ച്ചി​രു​ന്ന​ത്. ഫെ​ബ്രു​വ​രി എ​ത്തി​യ​തോ​ടെ അ​ത്​ 1,50,000 ലി​റ്റ​റാ​യി. 20,000 ലി​റ്റ​റി​ന്‍റെ കു​റ​വാ​ണ്​ അ​നു​ഭ​വ​പ്പെ​ടു​ന്ന​ത്. വേ​ന​ൽ അ​ധി​ക​രി​ക്കു​മ്പോ​ൾ പൊ​തു​വെ പാ​ലു​ൽ​പാ​ദ​ന​ത്തി​ൽ കു​റ​വ് അ​നു​ഭ​വ​പ്പെ​ടാ​റു​ണ്ട്.

ഏ​പ്രി​ൽ-​മേ​യ്​ മാ​സ​ങ്ങ​ളി​ൽ ഇ​നി​യും പാ​ലി​ന്‍റെ അ​ള​വി​ൽ ഗ​ണ്യ​മാ​യ കു​റ​വു​ണ്ടാ​കു​മെ​ന്നാ​ണ്​ ക​ർ​ഷ​ക​ർ ചൂ​ണ്ടി​ക്കാ​ട്ടു​ന്ന​ത്. പ​ച്ച​പ്പു​ല്ലി​ന്റെ ക്ഷാ​മം, വെ​ള്ള​ത്തി​ന്റെ ല​ഭ്യ​ത​ക്കു​റ​വ് എ​ന്നി​വ​യെ​ല്ലാം പാ​ൽ ഉ​ൽ​പാ​ദ​ന​ത്തെ ബാ​ധി​ക്കാ​റു​ണ്ട്. ക്ഷീ​ര വി​ക​സ​ന വ​കു​പ്പി​ന്‍റെ നേ​തൃ​ത്വ​ത്തി​ൽ വേ​ന​ൽ​ക്കാ​ല ഇ​ൻ​സെ​ന്‍റി​വ്​ ന​ൽ​കി ഇ​തി​നെ നേ​രി​ടാ​ൻ ശ്ര​മ​ങ്ങ​ൾ ന​ട​ക്കു​ന്നു​ണ്ട്. ചൂ​ട്​ കൂ​ടു​ന്ന​തി​നെ തു​ട​ർ​ന്ന്​ കാ​ലി​ക​ളി​ൽ രോ​ഗ​ങ്ങ​ൾ വ​ർ​ധി​ക്കു​ന്ന​തും ആ​ശ​ങ്ക​ക്കി​ട​യാ​ക്കു​​ന്നു.

പ​ശു, ആ​ട്​ എ​ന്നി​വ​യ​ക്ക്​ അ​ണു​ബാ​ധ​ക​ൾ കൂ​ടി​വ​രു​ക​യാ​ണ്. രോ​ഗ​പ്ര​തി​രോ​ധ ശേ​ഷി കു​റ​ഞ്ഞ്​ അ​കി​ട്​ വീ​ക്കം പോ​ലു​ള്ള രോ​ഗ​ങ്ങ​ൾ​ക്കും പ​ച്ച​പ്പു​ല്ലി​ന്‍റെ കു​റ​വ്​ ഭ​ക്ഷ​ണ​ത്തി​ലെ പോ​ഷ​ക​ക്കു​റ​വി​നും കാ​ര​ണ​മാ​കു​ന്നു​ണ്ട്. ച​ർ​മു​ഴ രോ​ഗ​വും മ​​റ്റൊ​രു വെ​ല്ലു​വി​ളി​യാ​ണ്. പ്ര​തി​രോ​ധ കു​ത്തി​വെ​പ്പ്​ തു​ട​ങ്ങി​യ​തോ​ടെ ഇ​തി​ന്‍റെ വ്യാ​പ​ന​ത്തി​ന്​ ത​ട​യി​ട​നാ​യ​താ​യി മൃ​ഗ​സം​ര​ക്ഷ​ണ വ​കു​പ്പ്​ ചൂ​ണ്ടി​ക്കാ​ട്ടു​ന്നു.

ജാ​ഗ്ര​ത വേ​ണം- മൃ​ഗ​സം​ര​ക്ഷ​ണ വ​കു​പ്പ്​

ക​ടു​ത്ത താ​പ​നി​ല​യും വ​ര​ണ്ട കാ​ലാ​വ​സ്ഥ​യും മ​നു​ഷ്യ​രേ​തി​നേ​ക്കാ​ൾ കാ​ലി​ക​ളി​ൽ പ​ല​വി​ധ ആ​രോ​ഗ്യ പ്ര​ശ്ന​ങ്ങ​ൾ ഉ​ണ്ടാ​ക്കു​ന്ന​താ​യി മൃ​ഗ​സം​ര​ക്ഷ വ​കു​​പ്പ്​ ചൂ​ണ്ടി​ക്കാ​ട്ടു​ന്നു. ഈ ​സാ​ഹ​ച​ര്യ​ത്തി​ൽ ഇ​ടു​ക്കി​യി​ലെ ക്ഷീ​ര ക​ർ​ഷ​ക​ർ മു​ൻ​ക​രു​ത​ലു​ക​ൾ സ്വീ​ക​രി​ക്ക​ണ​മെ​ന്നാ​ണ്​ മൃ​ഗ​സം​ര​ക്ഷ​ണ വ​കു​പ്പി​ന്‍റെ മു​ന്ന​റി​യി​പ്പ്. വേ​ന​ൽ​ക്കാ​ല​ത്ത്​ കാ​ലി​ക​ളു​ടെ തീ​റ്റ​യി​ൽ പെ​ട്ടെ​ന്ന്​ വ്യ​തി​യാ​നം വ​രാ​തെ ശ്ര​ദ്ധി​ക്ക​ണം, അ​ത്യാ​വ​ശ്യ​മെ​ങ്കി​ൽ പ​ടി​പ​ടി​യാ​യി മാ​ത്രം തീ​റ്റ​യി​ൽ മാ​റ്റം വ​രു​ത്ത​ണം.

വേ​ന​ൽ​ക്കാ​ല ഭ​ക്ഷ​ണ​ത്തി​ൽ ഊ​ർ​ജ​ദാ​യ​ക​മാ​യ കൊ​ഴു​പ്പി​ന്റെ​യും മാം​സ്യ​ത്തി​ന്റെ​യും അ​ള​വ് കൂ​ട്ടാ​ൻ പ​രു​ത്തി​ക്കു​രു, സോ​യാ​ബീ​ൻ എ​ന്നി​വ ഉ​ൾ​പ്പെ​ടു​ത്ത​ണം. ഖ​രാ​ഹാ​രം രാ​വി​ലെ​യും വൈ​കീ​ട്ടു​മാ​യി പ​രി​മി​ത​പ്പെ​ടു​ത്തു​ക, പ​ച്ച​പ്പു​ല്ല് കു​റ​വാ​ണെ​ങ്കി​ൽ പ​ച്ചി​ല​ക​ൾ, ഈ​ർ​ക്കി​ൽ ക​ള​ഞ്ഞ് മു​റി​ച്ച ഓ​ല എ​ന്നി​വ ന​ൽ​കാം. ധാ​തു​ല​വ​ണ​ങ്ങ​ളും വി​റ്റാ​മി​ൻ മി​ശ്രി​ത​വും ന​ൽ​ക​ണം. വേ​ന​ൽ​ക്കാ​ല​ത്ത്​ പേ​ൻ, ഉ​ണ്ണി, ചെ​ള്ള് എ​ന്നി​വ​യെ നി​യ​ന്ത്രി​ച്ചി​ല്ലെ​ങ്കി​ൽ ഗു​രു​ത​ര രോ​ഗ​ങ്ങ​ൾ പ​ര​ക്കാ​ൻ സാ​ധ്യ​ത​യു​ണ്ട്.

ഒ​ന്നോ ര​ണ്ടോ ത​വ​ണ​യെ​ങ്കി​ലും പ​ശു​ക്ക​ളെ കു​ളി​പ്പി​ക്ക​ണം. വെ​യി​ല​ത്ത് തു​റ​സാ​യ സ്ഥ​ല​ങ്ങ​ളി​ൽ കെ​ട്ടി​യി​ടു​ക​യോ മേ​യാ​ൻ വി​ടു​ക​യോ ചെ​യ്യ​രു​ത്. ന​ല്ല ത​ണ​ലു​ള്ള സ്ഥ​ല​ത്ത് മാ​ത്രം നി​ർ​ത്ത​ണം. അ​മി​ത​മാ​യ ഉ​മി​നീ​രൊ​ലി​പ്പി​ക്ക​ൽ, ത​ള​ർ​ച്ച, പൊ​ള്ള​ൽ തു​ട​ങ്ങി​യ സൂ​ര്യ​ഘാ​ത​ത്തി​ന്റെ പ്രാ​രം​ഭ ല​ക്ഷ​ണ​ങ്ങ​ൾ ക​ണ്ടാ​ൽ ഉ​ട​ൻ ചി​കി​ത്സ തേ​ട​ണ​മെ​ന്നും തെ​രു​വു മൃ​ഗ​ങ്ങ​ൾ​ക്കും പ​ക്ഷി​ക​ൾ​ക്കു​മ​ട​ക്കം കു​ടി​ക്കാ​നു​ള്ള വെ​ള്ളം ഒ​രു​ക്കി വെ​ക്കാ​നു​ള്ള സ​ന്മ​ന​സ്സ്​​ ഉ​ണ്ടാ​വ​ണ​മെ​ന്നും വ​കു​പ്പ്​ അ​ധി​കൃ​ത​ർ നി​ർ​ദേ​ശി​ക്കു​ന്നു.