ചരിത്രം വഴിമാറുന്നു; ഇടമലക്കുടിയിലേക്ക് ഇനി കോണ്‍ക്രീറ്റ് റോഡ്

തൊ​ടു​പു​ഴ: മി​ക​ച്ച റോ​ഡി​നാ​യി പ​തി​റ്റാ​ണ്ടു​ക​ളാ​യു​ള്ള ഇ​ട​മ​ല​ക്കു​ടി​ക്കാ​രു​ടെ സ്വ​പ്നം യാ​ഥാ​ര്‍ഥ്യ​മാ​കു​ന്നു. കൊ​ടും വ​ന​ത്തി​ലു​ള്ള കേ​ര​ള​ത്തി​ലെ ഏ​ക ഗോ​ത്ര​വ​ര്‍ഗ പ​ഞ്ചാ​യ​ത്താ​യ ഇ​ട​മ​ല​ക്കു​ടി​യി​ലേ​ക്കു​ള്ള കോ​ണ്‍ക്രീ​റ്റ് റോ​ഡി​ന്റെ നി​ർ​മാ​ണോ​ദ്ഘാ​ട​നം തി​ങ്ക​ളാ​ഴ്ച പ​ട്ടി​ക​വ​ര്‍ഗ വി​ക​സ​ന മ​ന്ത്രി കെ. ​രാ​ധാ​കൃ​ഷ്ണ​ന്‍ നി​ര്‍വ​ഹി​ക്കും. ഇ​ട​ലി​പ്പാ​റ​ക്കു​ടി​യി​ല്‍ ന​ട​ക്കു​ന്ന പ​രി​പാ​ടി​യി​ല്‍ അ​ഡ്വ. എ. ​രാ​ജ അ​ധ്യ​ക്ഷ​ത വ​ഹി​ക്കും. ജ​ല​വി​ഭ​വ മ​ന്ത്രി റോ​ഷി അ​ഗ​സ്റ്റി​ന്‍ മു​ഖ്യാ​തി​ഥി​യാ​വും.

പെ​ട്ടി​മു​ടി മു​ത​ല്‍ സൊ​സൈ​റ്റി​ക്കു​ടി വ​രെ 12.5 കി​ലോ​മീ​റ്റ​റി​ലാ​ണ് വ​ന​ത്തി​ലൂ​ടെ റോ​ഡ് നി​ർ​മി​ക്കു​ന്ന​ത്. പ​ട്ടി​ക​വ​ര്‍ഗ വി​ക​സ​ന വ​കു​പ്പ് അ​നു​വ​ദി​ച്ച 18.45 കോ​ടി ഉ​പ​യോ​ഗി​ച്ച് പൊ​തു​മ​രാ​മ​ത്ത് വ​കു​പ്പാ​ണ് മൂ​ന്ന് മീ​റ്റ​ര്‍ വീ​തി​യി​ല്‍ റോ​ഡ് നി​ര്‍മി​ക്കു​ക. പെ​ട്ടി​മു​ടി മു​ത​ല്‍ ഇ​ട​ലി​പ്പാ​റ വ​രെ 7.5 കി​ലോ​മീ​റ്റ​ര്‍, തു​ട​ര്‍ന്ന് സൊ​സൈ​റ്റി​ക്കു​ടി വ​രെ 4.75 കി​ലോ​മീ​റ്റ​ര്‍ എ​ന്നി​ങ്ങ​നെ ര​ണ്ട് ഘ​ട്ട​മാ​യാ​ണ് നി​ര്‍മാ​ണം. ഇ​ട​മ​ല​ക്കു​ടി​യി​ൽ ഇ​ന്റ​ര്‍നെ​റ്റ് ക​ണ​ക്റ്റി​വി​റ്റി സൗ​ക​ര്യം ഏ​ര്‍പ്പെ​ടു​ത്താ​നു​ള്ള പ്ര​വൃ​ത്തി​ക​ളും പു​രോ​ഗ​മി​ക്കു​ന്നു​ണ്ട്. 4.37 കോ​ടി ചെ​ല​വി​ല്‍ മൂ​ന്നാ​റി​ല്‍നി​ന്ന്​ 40 കി​ലോ​മീ​റ്റ​ര്‍ ഒ​പ്റ്റി​ക്ക​ല്‍ ഫൈ​ബ​ര്‍ കേ​ബി​ളു​ക​ള്‍ സ്ഥാ​പി​ച്ചാ​ണ് ക​ണ​ക്റ്റി​വി​റ്റി ഒ​രു​ക്കു​ന്ന​ത്.

റോ​ഡും നെ​റ്റ് ക​ണ​ക്റ്റി​വി​റ്റി​യും പൂ​ര്‍ത്തി​യാ​കു​ന്ന​തോ​ടെ പ​ഞ്ചാ​യ​ത്ത് ഓ​ഫി​സി​ന്റെ പ്ര​വ​ര്‍ത്ത​നം പൂ​ർ​ണ​മാ​യും ഇ​ട​മ​ല​ക്കു​ടി​യി​ലേ​ക്ക് മാ​റ്റാ​ന്‍ ക​ഴി​യും. നി​ല​വി​ല്‍ കു​ടി​യി​ല്‍നി​ന്ന് 38 കി​ലോ​മീ​റ്റ​ര്‍ അ​ക​ലെ ദേ​വി​കു​ള​ത്താ​ണ് പ​ഞ്ചാ​യ​ത്ത് ഓ​ഫി​സ്.2008ല്‍ ​സ്പീ​ക്ക​റാ​യി​രി​ക്കെ കെ. ​രാ​ധാ​കൃ​ഷ്ണ​ന്‍ ഇ​ട​മ​ല​ക്കു​ടി സ​ന്ദ​ര്‍ശി​ച്ചി​രു​ന്നു. തു​ട​ര്‍ ച​ര്‍ച്ച​ക​ളു​ടെ ഫ​ല​മാ​യാ​ണ് മൂ​ന്നാ​ര്‍ പ​ഞ്ചാ​യ​ത്തി​ലെ ഒ​രു വാ​ര്‍ഡ് മാ​ത്ര​മാ​യി​രു​ന്ന ഇ​ട​മ​ല​ക്കു​ടി​യെ 2010ല്‍ ​പ​ഞ്ചാ​യ​ത്താ​ക്കി മാ​റ്റി​യ​ത്. കു​ടും​ബാ​രോ​ഗ്യ കേ​ന്ദ്ര​ത്തി​ന്റെ ഉ​ദ്ഘാ​ട​ന​വും ക​ഴി​ഞ്ഞ വ്യാ​ഴാ​ഴ്ച ഇ​ട​മ​ല​ക്കു​ടി​യി​ല്‍ ന​ട​ന്നി​രു​ന്നു.

ഇ​ട​മ​ല​ക്കു​ടി നി​വാ​സി​ക​ള്‍ക്കു​ള്ള സ​ര്‍ക്കാ​റി​ന്റെ ര​ണ്ടാം വാ​ര്‍ഷി​ക സ​മ്മാ​ന​മാ​ണ് റോ​ഡും ഇ​ന്റ​ര്‍നെ​റ്റ് ക​ണ​ക്റ്റി​വി​റ്റി​യു​മെ​ന്ന് മ​ന്ത്രി പ​റ​ഞ്ഞു.24 കു​ടി​ക​ളി​ലാ​യി 106 ച​തു​ര​ശ്ര കി​ലോ​മീ​റ്റ​ര്‍ വ​ന​ത്തി​നു​ള്ളി​ല്‍ മു​തു​വാ​ന്‍ വി​ഭാ​ഗ​ക്കാ​രാ​യ 806 കു​ടും​ബ​ങ്ങ​ളാ​ണ് പ​ഞ്ചാ​യ​ത്തി​ലു​ള്ള​ത്. ആ​കെ ജ​ന​സം​ഖ്യ 2255.