ഇടുക്കി ജില്ല കലോത്സവം; കട്ടപ്പനയോളം

ക​ട്ട​പ്പ​ന: ഏ​ഴ് ഉപ ജി​ല്ല​ക​ളി​ൽ നി​ന്നാ​യി 4500ഓ​ളം ക​ലാ​പ്ര​തി​ഭ​ക​ൾ. ക​ല​യു​ടെ പ​ത്ത​ര മാ​റ്റു​ര​യ്ക്കാ​ൻ പ​ത്ത് വേ​ദി​ക​ൾ. ക​ലാ​ഭ​രി​ത​മാ​യ നാ​ലു നാ​ളു​ക​ൾ വി​ളം​ബ​രം ചെ​യ്ത് ജി​ല്ലാ സ്കൂ​ൾ ക​ലോ​ത്സ​വ​ത്തി​ന് ക​ട്ട​പ്പ​ന​യി​ൽ തു​ട​ക്ക​മാ​യി. ​താ​ള​വും മേ​ള​വു​മാ​യി അ​ര​ങ്ങു​ണ​ർ​ന്ന വേ​ദി​ക​ൾ​ക്ക് നൃ​ത്ത​ച്ചു​വ​ടു​ക​ൾ ച​ടു​ല​ത​യേ​കി​യ​പ്പോ​ൾ ആ​ദ്യ ദി​നം ത​ന്നെ ക​ട്ട​പ്പ​ന ഓ​ള​ത്തി​ലാ​യി. തൊ​ടു​പു​ഴ സ​ബ് ജി​ല്ല​യു​ടെ കു​തി​പ്പു​മാ​യാ​ണ് ആ​ദ്യ ദി​നം ക​ലോ​ത്സ​വം കൊ​ഴു​ത്ത​ത്. ആ​തി​ഥേ​യ​രാ​യ ക​ട്ട​പ്പ​ന ഉ​പ​ജി​ല്ല​യാ​ണ് ര​ണ്ടാ​മ​ത്. തൊ​ട്ടു​പി​ന്നി​ൽ അ​ടി​മാ​ലി​യു​മു​ണ്ട്.

പ്ര​ധാ​ന വേ​ദി​യാ​യ സെ​ന്റ് ജോ​ർ​ജ് ഹ​യ​ർ സെ​ക്ക​ൻ​ഡ​റി സ്കൂ​ളി​ന്റെ മൈ​താ​നി​യി​ൽ നി​ന്നും ആ​രം​ഭി​ച്ച് ന​ഗ​രം ചു​റ്റി​യ വി​ളം​ബ​ര ജാ​ഥ​യോ​ടെ​യാ​ണ് ഇ​ടു​ക്കി റ​വ​ന്യു ജി​ല്ലാ സ്കൂ​ൾ ക​ലോ​ത്സ​വ​ത്തി​ന് നാ​ന്ദി കു​റി​ച്ച​ത്. ഒ​സ്സാ​നം ഇം​ഗ്ലീ​ഷ് മീ​ഡി​യം സ്കൂ​ൾ, ബൈ​പാ​സ് റോ​ഡി​ലൂ​ടെ ഇ​ടു​ക്കി ക​വ​ല​യി​ലെ​ത്തി​യ ജാ​ഥ സെ​ൻ​ട്ര​ൽ ജം​ഗ്ഷ​ൻ, ഗാ​ന്ധി സ്‌​ക്വ​യ​ർ, ഗു​രു​മ​ന്ദി​രം റോ​ഡ് വ​ഴി ടി.​ബി ജ​ങ്ഷ​ൻ, പ​ള്ളി​ക്ക​വ​ല വ​ഴി സ്കൂ​ൾ ഗ്രൗ​ണ്ടി​ൽ പ്ര​ധാ​ന വേ​ദി​ക്ക് മു​മ്പി​ലെ​ത്തി​യാ​ണ് സ​മാ​പി​ച്ച​ത്. ക​ട്ട​പ്പ​ന ഡി​വൈ.​എ​സ്.​പി വി.​എ നി​ഷാ​ദ് മോ​ൻ റാ​ലി ഫ്ലാ​ഗ് ഓ​ഫ് ചെ​യ്തു.

നി​ശ്ച​ല ദൃ​ശ്യ​ങ്ങ​ളും എ​ൻ.​സി.​സി, സ്കൗ​ട്ട് ആ​ൻ​ഡ് ഗൈ​ഡ്, ജൂ​നി​യ​ർ റെ​ഡ് ക്രോ​സ്, സ്റ്റു​ഡ​ന്റ​സ് പൊ​ലീ​സ് കേ​ഡ​റ്റ്സ്, ത്രി​ത​ല പ​ഞ്ചാ​യ​ത്ത് പ്ര​തി​നി​ധി​ക​ൾ, ന​ഗ​ര സ​ഭാ കൗ​ൺ​സി​ല​ർ​മാ​ർ, സാം​സ്‌​കാ​രി​ക പ്ര​വ​ർ​ത്ത​ക​ർ, വ്യാ​പാ​രി പ്ര​തി​നി​ധി​ക​ൾ, അ​ധ്യാ​പ​ക സം​ഘ​ട​ന നേ​താ​ക്ക​ൾ തു​ട​ങ്ങി​യ​വ​ർ റാ​ലി​യി​ൽ അ​ണി​നി​ര​ന്നു. ന​ഗ​ര​ത്തി​ൽ ഗ​താ​ഗ​ത​ക്കു​രു​ക്കു​ണ്ടാ​ക്കാ​തെ ചി​ട്ട​യോ​ടെ​യാ​യി​രു​ന്നു വി​ളം​ബ​ര ജാ​ഥ ക​ട​ന്നു​പോ​യ​ത്. ക​ട്ട​പ്പ​ന സെ​ന്റ് ജോ​ർ​ജ് ഹൈ​സ്കൂ​ളി​ലെ കു​ട്ടി​ക​ൾ ഗാ​ന്ധി സ്‌​ക്വ​യ​റി​ൽ ഫ്ലാ​ഷ് മോ​ബോ​ടെ​യാ​ണ് ജാ​ഥ​യെ വ​ര​വേ​റ്റ​ത്.

തൊടുപുഴയുടെ തേരോട്ടം

ക​ട്ട​പ്പ​ന: 34-ാമ​ത് റ​വ​ന്യൂ ജി​ല്ലാ സ്‌​കൂ​ള്‍ ക​ലോ​ത്സ​വ​ത്തി​ന്റെ ആ​ദ്യ ദി​നം തൊ​ടു​പു​ഴ ഉ​പ​ജി​ല്ല​യു​ടെ തേ​രോ​ട്ടം. ഒ​ന്നാം ദി​നം പി​ന്നി​ടു​മ്പോ​ള്‍ തൊ​ടു​പു​ഴ 236 പോ​യ​ന്റു​മാ​യി ഒ​ന്നാം സ്ഥാ​ന​ത്ത് മു​ന്നേ​റു​ക​യാ​ണ്. തൊ​ട്ട​ടു​ത്ത സ്ഥാ​ന​ത്ത് 201 പോ​യ​ന്റു​മാ​യി ക​ട്ട​പ്പ​ന ഉ​പ​ജി​ല്ല​യു​ണ്ട്. 183 പോ​യ​ന്റു​മാ​യി അ​ടി​മാ​ലി ഉ​പ​ജി​ല്ല​യാ​ണ് മൂ​ന്നാം സ്ഥാ​ന​ത്ത്.

ഉള്ളാനിയുടെ തന്ത്രികൾ മീട്ടുന്നത് ഇരട്ടശ്രുതി

ക​ട്ട​പ്പ​ന: പാ​ശ്ചാ​ത്യ​വും പൗ​ര​സ്ത്യ​വു​മാ​യ ഈ​ണ​ങ്ങ​ളി​ൽ വ​യ​ലി​ൻ നാ​ദം പൊ​ഴി​യു​ന്ന ഒ​രു വീ​ടു​ണ്ട് ക​ട്ട​പ്പ​ന​യി​ൽ. ജി​ൻ​സ് ജോ​ൺ - ഷീ​ന ജോ​ൺ ദ​മ്പ​തി​ക​ളു​ടെ ഉ​ള്ളാ​നി​ക്ക​ൽ വീ​ട്. ജി​ല്ലാ സ്കൂ​ൾ ക​ലോ​ത്സ​വ​ത്തി​ൽ ഹൈ​സ്കൂ​ൾ വി​ഭാ​ഗ​ത്തി​ലും ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ലും വ​യ​ലി​നി​ൽ ഒ​ന്നാം സ്ഥാ​ന​ക്കാ​രാ​യ​ത് ഇ​വ​രു​ടെ മ​ക്ക​ളാ​ണ്.

ക​ട്ട​പ്പ​ന സെ​ന്റ് ജോ​ർ​ജ് ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ​ത്താം ക്ലാ​സ് വി​ദ്യാ​ർ​ഥി​യാ​യ ഡെ​യ്ൻ ജി​ൻ​സി​നാ​ണ് ഹൈ​സ്കൂ​ൾ വി​ഭാ​ഗം വ​യ​ലി​ൻ (പാ​ശ്ചാ​ത്യ​വും പൗ​ര​സ്ത്യ​വും) ഒ​ന്നാ​മ​നാ​യി സം​സ്ഥാ​ന ക​ലോ​ത്സ​വ​ത്തി​ലേ​ക്ക് യോ​ഗ്യ​ത നേ​ടി​യ​ത്. ഇ​തേ സ്കൂ​ളി​ലെ പ്ല​സ് ടു ​വി​ദ്യാ​ർ​ഥി​യാ​യ ദി​യ ജി​ൻ​സി​നാ​ണ് ​ഹ​യ​ർ സെ​ക്ക​ൻ​ഡ​റി വി​ഭാ​ഗം വ​യ​ലി​നി​ൽ (പാ​ശ്ചാ​ത്യം) ഒ​ന്നാ​മ​തെ​ത്തി​യ​ത്.

ഡെ​യ്നി​നാ​യി​രു​ന്നു ക​ഴി​ഞ്ഞ​വ​ർ​ഷ​വും ജി​ല്ല​യി​ൽ ഒ​ന്നാം സ്ഥാ​നം. സം​സ്ഥാ​ന ക​ലോ​ത്സ​വ​ത്തി​ൽ സി ​ഗ്രേ​ഡും നേ​ടി​യി​രു​ന്നു. പാ​ല​ക്കാ​ട്ടു​കാ​രി ക​ലാ​മ​ണ്ഡ​ലം ഹ​രി​ത​യാ​ണ് ഇ​വ​രെ പൗ​ര​സ്ത്യ വ​യ​ലി​ൻ അ​ഭ്യ​സി​പ്പി​ക്കു​ന്ന​ത്. പാ​ശ്ചാ​ത്യ വ​യ​ലി​ൻ അ​ഭ്യ​സി​പ്പി​ക്കു​ന്ന​ത് കൃ​ഷ്ണ​പ്രി​യ​യാ​ണ്. ഡെ​യ്ന്റെ​യും ദി​യ​യു​ടെ​യും പി​താ​വ് ജി​ൻ​സ് ജോ​ണും ഇ​തേ സ്കൂ​ളി​ലെ ലാ​ബ് അ​സി​സ്റ്റ​ന്റാ​ണ്. അ​മ്മ ഷീ​ജ വ​ലി​യ​തോ​വാ​ള ക്രി​സ്തു​രാ​ജ സ്കൂ​ളി​ലെ അ​ധ്യാ​പി​ക​യാ​ണ്.

സംവിധാനം അച്ഛൻ

ക​ട്ട​പ്പ​ന: പൊ​തു​പ്ര​വ​ർ​ത്ത​നം ത​ട്ട​ക​മാ​ക്കി​യ അ​ച്ഛ​ൻ ത​ന്നെ ഗു​രു​വാ​യ​പ്പോ​ൾ യു.​പി വി​ഭാ​ഗം മോ​ണോ ആ​ക്ടി​ൽ നെ​ഫി സൂ​സ​ൻ സി​ജു​വി​ന് ഒ​ന്നാം സ്ഥാ​നം. കൊ​ച്ചു​തോ​വാ​ള സെ​ന്റ് ജോ​സ​ഫ് യു.​പി.​എ​സ് വി​ദ്യാ​ര്‍ഥി​നി​യാ​യ നെ​ഫി അ​വ​ത​രി​പ്പി​ച്ച​ത് സു​ഗ​ത​കു​മാ​രി​യു​ടെ ‘കൊ​ല്ലേ​ണ്ട​തെ​ങ്ങി​നെ..’ എ​ന്ന ക​വി​ത​യു​ടെ ഭാ​വാ​വി​ഷ്കാ​ര​മാ​യി​രു​ന്നു.

ക​ട്ട​പ്പ​ന ന​ഗ​ര​സ​ഭാ സ്റ്റാ​ന്‍ഡി​ങ് ക​മ്മി​റ്റി ചെ​യ​ര്‍മാ​നും കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്റു​മാ​യ സി​ജു ച​ക്കും​മൂ​ട്ടി​ലാ​ണ് നെ​ഫി​യു​​ടെ പി​താ​വ്. അ​ഭി​നേ​താ​വ് കൂ​ടി​യാ​യ സി​ജു​വാ​ണ് മോ​ണോ ആ​ക്ടി​ല്‍ സു​ഗ​ത​കു​മാ​രി​യു​ടെ ക​വി​ത പ്ര​മേ​യ​മാ​ക്കാ​ന്‍ നി​ര്‍ദേ​ശി​ച്ച​തും വേ​ണ്ട പ​രി​ശീ​ല​നം ന​ൽ​കി​യ​തും.

മു​ത്ത സ​ഹോ​ദ​രി നേ​ഹ​ല്‍ സാ​റ സി​ജു ച​വി​ട്ടു നാ​ട​ക​ത്തി​ല്‍ ഉ​പ​ജി​ല്ല​യി​ലേ​ക്ക് മ​ത്സ​രി​ച്ചി​രു​ന്നു. നെ​സി അ​ന്ന സി​ജു​വാ​ണ് സ​ഹോ​ദ​രി. അ​മ്മ അ​നു​മോ​ള്‍ എ​ബ്ര​ഹാം.