ജില്ല പഞ്ചായത്ത് ബജറ്റ് 2025; 125 കോടിയുടെ പദ്ധതികൾ

ഇ​ടു​ക്കി: ആ​രോ​ഗ്യം, അ​ടി​സ്ഥാ​ന സൗ​ക​ര്യ വി​ക​സ​നം, കൃ​ഷി, വി​ദ്യാ​ഭ്യാ​സം തു​ട​ങ്ങി​യ മേ​ഖ​ല​ക​ൾ​ക്ക്​ ഊ​ന്ന​ൽ ന​ൽ​കി​യു​ള്ള ബ​ജ​റ്റ്​ ജി​ല്ല പ​ഞ്ചാ​യ​ത്ത്​ അ​വ​ത​രി​പ്പി​ച്ചു. 124,43,85,500 കോ​ടി രൂ​പ​യു​ടെ വ​ര​വും 73,21,479 രൂ​പ പ്രാ​രം​ഭ ബാ​ക്കി​യും അ​ട​ക്കും 125,17,06,979 രൂ​പ​യു​ടെ ബ​ജ​റ്റാ​ണ് അ​വ​ത​രി​പ്പി​ച്ച​ത്. 124.47 കോ​ടി രൂ​പ ചെ​ല​വ് പ്ര​തീ​ക്ഷി​ക്കു​ന്ന ബ​ജ​റ്റി​ൽ 69,42,479 നീ​ക്കി​യി​രി​പ്പ് വ​ക​യി​രു​ത്തി.

ആ​രോ​ഗ്യ രം​ഗ​ത്ത് 3.45 കോ​ടി രൂ​പ​യു​ടെ പ​ദ്ധ​തി​ക​ളാ​ണ് ന​ട​പ്പാ​ക്കു​ന്ന​ത്. ജി​ല്ല ആ​ശു​പ​ത്രി​ക​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും മ​രു​ന്നു​ക​ൾ വാ​ങ്ങു​ന്ന​തി​നും ഒ​രു കോ​ടി രൂ​പ വീ​തം വ​ക​യി​രു​ത്തി. പാ​ലി​യേ​റ്റീ​വ് പ​ദ്ധ​തി​ക്ക് 40 ല​ക്ഷം, വ​യോ​ജ​ന​ങ്ങ​ൾ​ക്ക് ഔ​ഷ​ധ ദാ​നം ചെ​യ്യു​ന്ന വ​യോ​ര​ക്ഷ പ​ദ്ധ​തി​യി​ൽ ഉ​ൾ​പ്പെ​ടു​ത്തി ജി​ല്ല ആ​യു​ർ​വേ​ദ ആ​ശു​പ​ത്രി​ക്ക് 50 ല​ക്ഷം, കാ​ൻ​സ​ർ സു​ര​ക്ഷ പ​ദ്ധ​തി​ക്ക്​ അ​ഞ്ച്​ ല​ക്ഷം, ജി​ല്ല ആ​ശു​പ​ത്രി കീ​മോ തെ​റ​പ്പി യൂ​നി​റ്റി​ന് 10 ല​ക്ഷം, അ​വ​യ​വ മാ​റ്റ ശ​സ്ത്ര​ക്രി​യ ക​ഴി​ഞ്ഞ​വ​ർ​ക്ക് മ​രു​ന്ന് ന​ൽ​കു​ന്ന ആ​യു​ർ​താ​ളം പ​ദ്ധ​തി​ക്ക്​ 10 ല​ക്ഷം, കാ​രു​ണ്യ സ്പ​ർ​ശം ഡ​യാ​ലി​സി​സ് ധ​ന​സ​ഹാ​യ​ത്തി​ന് 30 ല​ക്ഷം എ​ന്നി​ങ്ങ​​നെ 3.45 കോ​ടി രൂ​പ​യു​ടെ എ​ട്ട് പ​ദ്ധ​തി​യാണ് ആ​രോ​ഗ്യ മേ​ഖ​ല​ക്കാ​യി ബ​ജ​റ്റി​ൽ അ​വ​ത​രി​പ്പി​ച്ച​ത്.

വി​ദ്യാ​ഭ്യാ​സ മേ​ഖ​ല​യി​ൽ 6.90 കോ​ടി രൂ​പ​യു​ടെ പ​ദ്ധ​തി​ക​ൾ ന​ട​പ്പാ​ക്കും. സ്കൂ​ളു​ക​ളു​ടെ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​ന് ആ​റ്​ കോ​ടി​യും സ്കൂ​ൾ കെ​ട്ടി​ട​ങ്ങ​ളു​ടെ അ​റ്റ​കു​റ്റ​പ്പ​ണി​ക്ക്​ 1.50 കോ​ടി​യും എ​സ്.​എ​സ്.​കെ ഗ്രാ​ന്‍റ്​ 50 ല​ക്ഷ​വും ലൈ​ബ്ര​റി ഡി​ജി​റ്റ​ലൈ​സേ​ഷ​ന്​ 10 ല​ക്ഷ​വും വ​ക​യി​രു​ത്തി. എ​സ്.​എ​സ്.​എ​ൽ.​സി വി​ദ്യാ​ർ​ഥി​ക​ൾ​ക്ക് സ്പെ​ഷ​ൽ ട്രെ​യി​നി​ങ്​ പ​ദ്ധ​തി​യാ​യ വി​ജ്ഞാ​ന ദീ​പം പ​ദ്ധ​തി​ക്ക് 10 ല​ക്ഷം രൂ​പ​യും വ​ക​യി​രു​ത്തി.

സൈ​ക്കോ-​സോ​ഷ്യ​ൽ കൗ​ൺ​സി​ലേ​ഴ്സ് നി​യ​മ​ന​ത്തി​ന് 10 ല​ക്ഷം, സ്റ്റു​ഡ​ന്‍റ്​​സ് പൊ​ലീ​സ് കാ​ഡ​റ്റു​ക​ൾ​ക്ക് റീ​ഫ്ര​ഷ്​​മെ​ന്‍റ്​ 20 ല​ക്ഷം, അ​മൃ​തം പ്ര​ഭാ​ത ഭ​ക്ഷ​ണ പ​ദ്ധ​തി​ക്ക്​ 20 ല​ക്ഷം, വി​ജ​യ​വീ​ഥി പ്ല​സ് ടു ​വി​ദ്യാ​ർ​ഥി​ക​ൾ​ക്ക് ക​രി​യ​ർ ഗൈ​ഡ​ൻ​സ് പ​ദ്ധ​തി​ക്കാ​യി 5 ല​ക്ഷം എ​ന്നി​ങ്ങ​നെ നീ​ക്കി​വെ​ച്ചു.

കാ​ർ​ഷി​ക മേ​ഖ​ല​യു​ടെ വി​ക​സ​ന​ത്തി​ന് 4.14 കോ​ടി രൂ​പ​യു​ടെ പ​ദ്ധ​തി​ക​ളാ​ണ് ന​ട​പ്പാ​ക്കു​ന്ന​ത്. മ​ണ്ണ് ജ​ല സം​ര​ക്ഷ​ണ പ​ദ്ധ​തി, വി​വി​ധ ജ​ല​സേ​ച​ന പ​ദ്ധ​തി​ക​ൾ, ഫാ​മു​ക​ളു​ടെ അ​ടി​സ്ഥാ​ന സൗ​ക​ര്യ വി​ക​സ​നം എ​ന്നി​വ​ക്കാ​യി ഒ​രു കോ​ടി വീ​തം മൂ​ന്ന്​ കോ​ടി രൂ​പ വ​ക​യി​രു​ത്തി.

നെ​ൽ​ക​ർ​ഷ​ക​ർ​ക്ക് സ​ബ്സി​ഡി ന​ൽ​കാ​ൻ പൊ​ൻ​ക​തി​ർ പ​ദ്ധ​തി​യി​ൽ 25 ല​ക്ഷം രൂ​പ, മ​ത്സ്യ വി​ത്ത് നി​ക്ഷേ​പ​ത്തി​ന് 5 ല​ക്ഷം രൂ​പ, അ​രീ​ക്കു​ഴ ജി​ല്ല കൃ​ഷി​തോ​ട്ടം ഫാം ​ടൂ​റി​സം, ഫാം ​ഫെ​സ്റ്റ്, ജൈ​വ കീ​ട​നാ​ശി​നി യൂ​ണി​റ്റ്, മൂ​ല്യ​വ​ർ​ദ്ധി​ത ഉ​ത്പ​ന്ന നി​ർ​മ്മാ​ണ യൂ​ണി​റ്റ് എ​ന്നി​വ​ക്കാ​യി 14 ല​ക്ഷം രൂ​പ​യും നീ​ക്കി​വ​ച്ചു. അ​രീ​ക്കു​ഴ ടി​ഷ്യു ക​ൾ​ച്ച​ർ ലാ​ബി​ന് 20 ല​ക്ഷം, കാ​ർ​ഷി​ക വി​പ​ണ​ന കേ​ന്ദ്ര​ങ്ങ​ളു​ടെ പ്ര​വ​ർ​ത്ത​ന​ത്തി​ന് 50 ല​ക്ഷം രൂ​പ​യും വ​ക​യി​രു​ത്തി.

വ്യ​വ​സാ​യ പാ​ർ​ക്കു​ക​ൾ, പു​ൽ​ത്തൈ​ലം, ഏ​ലം/​കു​രു​മു​ള​ക് പ്രൊ​സ​സി​ങ്​ യൂ​നി​റ്റു​ക​ൾ​ക്ക് 25 ല​ക്ഷം രൂ​പ​യും ജി​ല്ല വ്യ​വ​സാ​യ കേ​ന്ദ്ര​ങ്ങ​ളു​ടെ പ്ര​വ​ർ​ത്ത​ന​ങ്ങ​ൾ​ക്ക് 25 ല​ക്ഷം രൂ​പ​യും വ​ക​യി​രു​ത്തി. ലൈ​ഫ്, പി.​എം.​എ.​വൈ ഭ​വ​ന പ​ദ്ധ​തി​ക​ൾ​ക്ക് 11.90 കോ​ടി രൂ​പ വ​ക​യി​രു​ത്തി. വി​വി​ധ കു​ടി​വെ​ള്ള പ​ദ്ധ​തി​ക​ൾ​ക്കും ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ​ക്കു​മാ​യി 3.5 കോ​ടി രൂ​പ വ​ക​യി​രു​ത്തി. മാ​ലി​ന്യ സം​സ്ക​ര​ണ​ത്തി​ന് 1.50 കോ​ടി, ബ​യോ പാ​ർ​ക്കി​ന്​ 2. 65 കോ​ടി, സ്കൂ​ളു​ക​ളി​ലെ മാ​ലി​ന്യ സം​സ്ക​ര​ണ സം​വി​ധാ​ന​ത്തി​ന് 50 ല​ക്ഷം രൂ​പ​യും ഉ​ൾ​പ്പെ​ടെ വി​വി​ധ പ​ദ്ധ​തി​ക​ൾ​ക്കാ​യി 10.22 കോ​ടി രൂ​പ ബ​ജ​റ്റി​ൽ വ​ക​യി​രു​ത്തി.

വി​നോ​ദ സ​ഞ്ചാ​ര മേ​ഖ​ല​യി​ൽ 35 ല​ക്ഷം ചെ​ല​വ​ഴി​ക്കും. അ​ടി​സ്ഥാ​ന പ​ശ്ചാ​ത്ത​ല വി​ക​സ​ന​ത്തി​ൽ 23 കോ​ടി​യും വ​ക​യി​രു​ത്തി. റോ​ഡ് പു​ന​രു​ദ്ധാ​ര​ണ​ത്തി​ന് 18 കോ​ടി​യും റോ​ഡ് നി​ർ​മാ​ണ​ത്തി​ന് മൂ​ന്ന്​ കോ​ടി​യും ഇ​തി​ൽ ഉ​ൾ​പ്പെ​ടു​ന്നു. സാ​മൂ​ഹി​ക ക്ഷേ​മ​ത്തി​ന് 25 ല​ക്ഷ​വും, ഭി​ന്ന​ശേ​ഷി​ക്കാ​രു​ടെ ക്ഷേ​മ​ത്തി​ന് 2.20 കോ​ടി രൂ​പ​യും വ​ക​യി​രു​ത്തി.

സൈ​ഡ് വീ​ൽ ഘ​ടി​പ്പി​ച്ച സ്കൂ​ട്ട​ർ ന​ൽ​കു​ന്ന ‘സ​ഫ​ല​മീ യാ​ത്ര’ പ​ദ്ധ​തി​ക്ക് 1.40 കോ​ടി രൂ​പ വ​ക​യി​രു​ത്തി. വ​നി​ത ശി​ശു ക്ഷേ​മ​ത്തി​ന് 1.45 കോ​ടി രൂ​പ​യും വ​ക​യി​രു​ത്തി. വ​യോ​ജ​ന ക്ഷേ​മ​ത്തി​ന് 40 ല​ക്ഷം, കാ​യി​ക യു​വ​ജ​ന ക്ഷേ​മം 51 ല​ക്ഷം എ​ന്നി​ങ്ങ​നെ​യാ​ണ് വി​വി​ധ ക്ഷേ​മ പ​ദ്ധ​തി​ക​ൾ​ക്ക് പ​ണം വ​ക​യി​രു​ത്തി​യി​ട്ടു​ള്ള​ത്. എ​സ്.​സി/​എ​സ്.​ടി വി​ക​സ​ന​ത്തി​ന് 11 കോ​ടി 30ല​ക്ഷം രൂ​പ​യും വ​ക​യി​രു​ത്തി.

മൃ​ഗ സം​ര​ക്ഷ​ണ​ത്തി​നും ക്ഷീ​ര വി​ക​സ​ന​വും ല​ക്ഷ്യം വ​ച്ച് 7.70 കോ​ടി രൂ​പ​യു​ടെ പ​ദ്ധ​തി​ക​ളും ബ​ജ​റ്റി​ൽ വ​ക​യി​രു​ത്തി. ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ ആ​ശ ആ​ന്‍റ​ണി ബ​ജ​റ്റ് അ​വ​ത​രി​പ്പി​ച്ചു. പ​ഞ്ചാ​യ​ത്ത് പ്ര​സി​ഡ​ന്റ് രാ​രി​ച്ച​ൻ നീ​ർ​ണാ​കു​ന്നേ​ൽ ആ​മു​ഖ പ്ര​ഭാ​ഷ​ണം ന​ട​ത്തി.

ആ​വ​ർ​ത്ത​നം മാ​ത്രം - പ്ര​തി​പ​ക്ഷം

ചെ​റു​തോ​ണി: ജി​ല്ല പ​ഞ്ചാ​യ​ത്ത് ബ​ജ​റ്റ് മു​ന്‍വ​ര്‍ഷ​ങ്ങ​ളി​ലെ ത​നി​യാ​വ​ര്‍ത്ത​ന​മാ​ണെ​ന്നും പു​തി​യ​താ​യി പ​ദ്ധ​തി​ക​ൾ പ്ര​ഖ്യാ​പി​ച്ചി​ട്ടി​ല്ലെ​ന്നും പ്ര​തി​പ​ക്ഷ​മാ​യ യു.​ഡി.​എ​ഫ് അം​ഗ​ങ്ങ​ൾ ആ​രോ​പി​ച്ചു. ക​ഴി​ഞ്ഞ വ​ര്‍ഷം അ​നു​വ​ദി​ച്ച തു​ക​യി​ല്‍ 30 ശ​ത​മാ​ന​ത്തി​ല്‍ താ​ഴെ മാ​ത്ര​മേ ചെ​ല​വ​ഴി​ച്ചി​ട്ടു​ള്ളു​വെ​ന്നും വ​ന്യ​മൃ​ഗ​ങ്ങ​ളു​ടെ ആ​ക്ര​മ​ണ​ങ്ങ​ളി​ല്‍ കൃ​ഷി ന​ഷ്ട​പ്പെ​ട്ട​വ​ര്‍ക്കു​ള്ള സ​ഹാ​യം പ്ര​ഖ്യാ​പി​ച്ചി​ട്ടി​ല്ലെ​ന്നും, വ​ന്യ മൃ​ഗ​ങ്ങ​ളെ ത​ട​യാ​ന്‍ ഒ​രു പ​ദ്ധ​തി​യും പ്ര​ഖ്യാ​പി​ച്ചി​ട്ടി​ല്ലെ​ന്നുംപ്ര​തി​പ​ക്ഷം ആ​രോ​പി​ച്ചു.

പ​ണം മ​ന​പൂ​ർ​വം ചെ​ല​വ​ഴി​ക്കാ​ത്ത​താ​ണെ​ന്നും ജി​ല്ല​ക്ക് അ​നു​വ​ദി​ച്ച തു​ക ഇ​ത്ത​വ​ണ​യും ന​ഷ്ട​മാ​യെ​ന്നും അം​ഗ​ങ്ങ​ൾ പ​റ​ഞ്ഞു. എ.​ബി.​സി പ​ദ്ധ​തി​യില്‍ ക​ഴി​ഞ്ഞ വ​ര്‍ഷം 2.5 കോ​ടി രൂ​പ അ​നു​വ​ദി​ച്ചെ​ങ്കി​ലും ക​ല്ലി​ട്ട​ത​ല്ലാ​തെ നി​ര്‍മാ​ണം ന​ട​ത്തി​യി​ല്ല. ര​ണ്ട​ര കോ​ടി ലാ​പ്സാ​യ​തി​നെ​ത്തു​ട​ര്‍ന്ന് ഈ ​വ​ര്‍ഷം മൂ​ന്ന​ര​കോ​ടി അ​നു​വ​ദി​ച്ച​ത് വി​രോ​ധാ​ഭാ​സ​മാ​ണെ​ന്നും ബ​ജ​റ്റ് ച​ര്‍ച്ച​യി​ല്‍ പു​തി​യ നി​ർ​ദേ​ശം വെ​ക്കു​മെ​ന്നും പ്ര​തി​പ​ക്ഷം പ​റ​ഞ്ഞു.