Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightഐ.​എ​ച്ച്.​ആ​ര്‍.​ഡി...

ഐ.​എ​ച്ച്.​ആ​ര്‍.​ഡി കോ​ള​ജ് അ​ട​ച്ചു​പൂ​ട്ട​ൽ ഭീ​ഷ​ണി​യി​ൽ

text_fields
bookmark_border
ഐ.​എ​ച്ച്.​ആ​ര്‍.​ഡി കോ​ള​ജ് അ​ട​ച്ചു​പൂ​ട്ട​ൽ ഭീ​ഷ​ണി​യി​ൽ
cancel

നെ​ടു​ങ്ക​ണ്ടം: സ്ഥ​ല​വും കെ​ട്ടി​ട​വും പ​ഠി​ക്കാ​ന്‍ വി​ദ്യാ​ര്‍ഥി​ക​ളു​മി​ല്ലാ​തെ അ​ട​ച്ചു​പൂ​ട്ട​ല്‍ ഭീ​ഷ​ണി​യി​ലാ​ണ് ഐ.​എ​ച്ച്.​ആ​ര്‍.​ഡി.​കോ​ള​ജ്. പ്ര​വേ​ശ​നം അ​വ​സാ​നി​ക്കാ​ന്‍ ആ​ഴ്ച​ക​ള്‍ മാ​ത്രം ശേ​ഷി​ക്കെ കു​ട്ടി​ക​ള്‍ ആ​രും ഇ​ങ്ങോ​​​​​​ട്ട്​ എ​ത്തി​നോ​ക്കി​യി​ട്ടി​ല്ല. നി​ല​വി​ൽ 22 കു​ട്ടി​ക​ള്‍ മാ​ത്ര​മാ​ണു​ള്ള​ത്. ഏ​റെ വി​വാ​ദ​ങ്ങ​ള്‍ക്കും പ്ര​തി​ഷേ​ധ​ങ്ങ​ള്‍ക്കു​മൊ​ടു​വി​ലാ​ണ് ഗ്രാ​മ പ​ഞ്ചാ​യ​ത്ത് പ​ച്ച​ടി​യി​ല്‍ അ​ഞ്ചേ​ക്ക​ര്‍ സ്ഥ​ലം വാ​ങ്ങി ഐ.​എ​ച്ച്.​ആ​ര്‍.​ഡി​ക്ക് 30 വ​ര്‍ഷ​ത്തേ​ക്ക് പാ​ട്ട​ത്തി​ന് ന​ല്‍കി​യ​ത്.

തു​ട​ര്‍ന്ന് കെ​ട്ടി​ട നി​ര്‍മാ​ണ​ത്തി​നാ​യി ധ​ന​കാ​ര്യ വ​കു​പ്പ് അ​ഞ്ചു കോ​ടി രൂ​പ അ​നു​വ​ദി​ച്ചു. എ​ന്നാ​ൽ കെ​ട്ടി​ടം നി​ര്‍മി​ക്കാ​ന്‍ ഭൂ​മി അ​നു​യോ​ജ്യ​മ​ല്ലെ​ന്ന ജി​യോ​ള​ജി​ക്ക​ല്‍ വ​കു​പ്പി​ന്‍റെ ക​ണ്ടെ​ത്ത​ല്‍ ഏ​റെ പ്ര​തി​സ​ന്ധി സൃ​ഷ്ടി​ച്ചി​രി​ക്കു​ക​യാ​ണ്. പു​തി​യ സ്ഥ​ലം ക​ണ്ടെ​ത്ത​ണ​മെ​ന്ന് പൊ​തു​മ​രാ​മ​ത്ത് പ​ഞ്ചാ​യ​ത്തി​നെ അ​റി​യി​ച്ചി​ട്ട് ആ​റ്​ മാ​സ​മാ​യി. 16 വ​ര്‍ഷ​മാ​യി ഈ ​സ്ഥാ​പ​നം ടൗ​ണി​ല്‍ വാ​ട​ക കെ​ട്ടി​ട​ത്തി​ലാ​ണ് പ്ര​വ​ര്‍ത്തി​ക്കു​ന്ന​ത്. ഇ​പ്പോ​ള്‍ ര​ണ്ടാ​മ​ത്തെ വാ​ട​ക കെ​ട്ടി​ട​ത്തി​ലാ​ണ് പ്ര​വ​ര്‍ത്ത​നം. കോ​ള​ജി​ന് അ​ഞ്ചേ​ക്ക​ര്‍ സ്ഥ​ലം വേ​ണ​മെ​ന്നാ​ണ്​ കേ​ന്ദ്ര സ​ര്‍ക്കാ​ര്‍ നി​ർ​ദേ​ശം.​കെ​ട്ടി​ട നി​ര്‍മാ​ണ​ത്തി​ന് അ​ഞ്ചു കോ​ടി അ​നു​വ​ദി​ച്ച് ആ​റ് വ​ര്‍ഷം പി​ന്നി​ട്ടി​ട്ടും ടെ​ൻ​ഡ​ർ ന​ട​പ​ടി​ക​ള്‍ പോ​ലും പൂ​ര്‍ത്തി​യാ​ക്കി​യി​രു​ന്നി​ല്ല.

പൂ​ട്ട​ൽ നോ​ട്ടീ​സ് ന​ൽ​കി​യ​ത് 12 വ​ട്ടം

പ്ര​വ​ര്‍ത്ത​നം ആ​രം​ഭി​ച്ച് 16 വ​ര്‍ഷ​ത്തി​നി​ട​യി​ല്‍ ഐ.​എ​ച്ച്.​ആ​ര്‍.​ഡി.​ക്ക് സ്വ​ന്ത​മാ​യി സ്ഥ​ല​വും കെ​ട്ടി​ട​വും ഇ​ല്ലാ​ത്ത​തി​നാ​ല്‍ അ​ട​ച്ചു പൂ​ട്ട​ലി​ന് സ​ർ​വ​ക​ലാ​ശാ​ല സി​ന്‍ഡി​ക്കേ​റ്റ് യോ​ഗം നോ​ട്ടീ​സ് ന​ല്‍കി​യ​ത് 12 ത​വ​ണ​. ആ​ദ്യം തീ​രു​മാ​ന​മെ​ടു​ക്കു​ന്ന​ത് 2015 ഡി​സം​ബ​റി​ലാ​യി​രു​ന്നൂ. നെ​ടു​ങ്ക​ണ്ട​ത്തി​ന് അ​നു​വ​ദി​ച്ച സ്ഥാ​പ​ന​ത്തി​ന് ര​ണ്ട് വ​ര്‍ഷ​ത്തി​ന​കം സ്വ​ന്ത​മാ​യി സ്ഥ​ലം വാ​ങ്ങി ന​ല്‍കാ​മെ​ന്ന വ്യ​വ​സ്ഥ​യി​ലാ​ണ് പ്ര​വ​ര്‍ത്ത​നം ആ​രം​ഭി​ച്ച​ത്.

അ​ട​ച്ചു​പൂ​ട്ടാ​ന്‍ സ​ർ​വ​ക​ലാ​ശാ​ല തീ​രു​മാ​ന​മെ​ടു​ത്ത​തോ​ടെ വി​വി​ധ സം​ഘ​ട​ന​ക​ളും വി​ദ്യാ​ർ​ഥി​ക​ളും സ​മ​ര​വു​മാ​യി രം​ഗ​ത്തെ​ത്തി. കോ​ള​ജ് യൂ​നി​യ​ൻ നേ​തൃ​ത്വ​ത്തി​ല്‍ പ​ഞ്ചാ​യ​ത്ത് ഓ​ഫി​സ് പ​ടി​ക്ക​ല്‍ അ​ര മ​ണി​ക്കൂ​റോ​ളം ക്ലാ​സെ​ടു​ത്ത്പ്ര​തി​ഷേ​ധി​ക്കു​ക​യും ചെ​യ്തു. ഒ​ടു​വി​ൽ പ​ഞ്ചാ​യ​ത്തും സ്‌​പോ​ണ്‍സ​റി​ങ് ക​മ്മി​റ്റി​യും ഇ​ട​പെ​ട്ട് ഒ​രു വ​ര്‍ഷ​ത്തി​ന​കം സ്ഥ​ലം വാ​ങ്ങി ന​ല്‍കാ​മെ​ന്ന്​ ഉ​റ​പ്പു ന​ൽ​കി​യ​തോ​ടെ തീ​രു​മാ​ന​ത്തി​ൽ നി​ന്നും സി​ന്‍ഡി​ക്കേ​റ്റ് താ​ല്‍ക്കാ​ലി​ക​മാ​യി പി​ന്‍മാ​റു​ക​യാ​യി​രു​ന്നു.

ഭൂ​മി വാ​ങ്ങ​ലി​ലും വി​വാ​ദം

ഇ​തി​നി​ടെ കോ​ള​ജി​ന് ഭൂ​മി വാ​ങ്ങു​ന്ന​തി​നെ ചൊ​ല്ലി​യും വി​വാ​ദ​മു​ണ്ടാ​യി. വാ​ങ്ങു​ന്ന പ്ര​ദേ​ശ​ത്തെ ചൊ​ല്ലി​യും വി​ല​യെ ചൊ​ല്ലി​യും അ​ന്ന​ത്തെ പ​ഞ്ചാ​യ​ത്ത് ഭ​ര​ണ സ​മി​തി​യി​ല്‍ രൂ​ക്ഷ​മാ​യ ത​ര്‍ക്ക​മാ​ണ്​ ന​ട​ന്ന​ത്. നെ​ടു​ങ്ക​ണ്ടം ടൗ​ണി​ന​ടു​ത്ത് പ​ച്ച​ടി​യി​ല്‍ എ​ല്ലാ​വി​ധ സൗ​ക​ര്യ​ങ്ങ​ളോ​ടും കൂ​ടി​യ സ്ഥ​ലം ഏ​ക്ക​റി​ന് 7,90,000 രൂ​പ നി​ര​ക്കി​ല്‍ ന​ല്‍കാ​ന്‍ ഭൂ ​ഉ​ട​മ​ക​ള്‍ ത​യാ​റാ​യി​രു​ന്നു.

അ​ത്​ വാ​ങ്ങാ​തെ കി​ലോ​മീ​റ്റ​റു​ക​ള്‍ അ​ക​ലെ രാ​മ​ക്ക​ല്‍മേ​ടി​ന​ടു​ത്ത് കൂ​ടി​യ വി​ല​ക്ക് സൗ​ക​ര്യ​ങ്ങ​ളി​ല്ലാ​ത്ത ഭൂ​മി വാ​ങ്ങാ​ന്‍ ചി​ല അം​ഗ​ങ്ങ​ള്‍ ശ്ര​മി​ക്കു​ന്ന​താ​യി ആ​രോ​പി​ച്ച് ഭ​ര​ണ ക​ക്ഷി​യി​ലെ ത​ന്നെ ചി​ല​ര്‍ രം​ഗ​ത്തെ​ത്തി​യി​രു​ന്നു. ടൗ​ണ്‍ കേ​ന്ദ്രീ​ക​രി​ച്ച് സ്ഥ​ലം ഏ​റ്റെ​ടു​ത്ത് യൂ​നി​വേ​ഴ്‌​സി​റ്റി​ക്ക് വി​ട്ടു കൊ​ടു​ക്കാ​ന്‍ 35 ല​ക്ഷം രൂ​പ അ​നു​വ​ദി​ച്ചി​രു​ന്നു. ഇ​തി​നാ​യി ക്ഷ​ണി​ച്ച ക്വ​ട്ടേ​ഷ​നി​ല്‍ പ​ച്ച​ടി​യി​ല്‍നി​ന്നു​ള്ള വി​വി​ധ സ്ഥ​ലം ഉ​ട​മ​ക​ള്‍ പ​ങ്കെ​ടു​ത്തി​രു​ന്നെ​ങ്കി​ലും ഇ​ത് മ​ര​വി​പ്പി​ച്ച് പു​തി​യ ക്വ​ട്ടേ​ഷ​ൻ ക്ഷ​ണി​ച്ചു.

ഇ​തി​ല്‍ രാ​മ​ക്ക​ല്‍മേ​ടി​ന​ടു​ത്ത് കോ​മ്പ​മു​ക്കി​ലെ ര​ണ്ട് സ്ഥ​ല​മു​ട​മ​ക​ള്‍ കൂ​ടി​യ വി​ല​ക്ക് ന​ല്‍കി​യ ക്വ​ട്ടേ​ഷ​നു​ക​ള്‍ പ്ര​കാ​രം സ്ഥ​ലം വാ​ങ്ങാ​നു​ള്ള നീ​ക്ക​മാ​ണ്​ ഭ​ര​ണ ക​ക്ഷി​യി​ല്‍ ഭി​ന്ന​ത രൂ​ക്ഷ​മാ​ക്കി​യ​ത്. പി​ന്നീ​ടാ​ണ് പ​ച്ച​ടി​യി​ല്‍ സ്ഥ​ലം വാ​ങ്ങി​യ​ത്. ഈ ​സ്ഥ​ല​മാ​ണ്​ കെ​ട്ടി​ട നി​ർ​മാ​ണ​ത്തി​ന്​ അ​നു​യോ​ജ്യ​മ​ല്ലെ​ന്ന് ജി​യോ​ള​ജി വ​കു​പ്പ് ക​ണ്ട​ത്തി​യി​രി​ക്കു​ന്ന​ത്. താ​ലൂ​ക്കാ​സ്ഥാ​ന​മാ​യ നെ​ടു​ങ്ക​ണ്ട​ത്ത് 2009 ല്‍ ​പ്ര​വ​ര്‍ത്ത​നം ആ​രം​ഭി​ച്ച കോ​ള​ജ് ഓ​ഫ് അ​പ്ലൈ​ഡ് സ​യ​ന്‍സ് നി​ല​നി​ൽ​നി​ൽ​പ്പ് ഭീ​ഷ​ണി നേ​രി​ടു​ക​യാ​ണ്.

നി​ല​വി​ല്‍ ബി.​എ​സ്.​സി് ക​മ്പ്യൂ​ട്ട​ര്‍, ബി.​കോം ക​മ്പ്യൂ​ട്ട​ര്‍ എ​ന്നി​ങ്ങ​നെ ര​ണ്ട് കോ​ഴ്‌​സു​ക​ളാ​ണു​ള്ള​ത്. എം.​കോം,ബി.​കോം ട്രാ​ന്‍സേ​ഴ്‌​സ് എ​ന്നി​ങ്ങ​നെ ര​ണ്ട് കോ​ഴ്‌​സു​ക​ള്‍ക്കു കൂ​ടി അ​പേ​ക്ഷ ന​ല്‍കി​യി​രു​ന്നു​വെ​ങ്കി​ലും കെ​ട്ടി​ട​ത്തി​ന്‍റെ അ​സൗ​ക​ര്യം മൂ​ലം ല​ഭി​ച്ചി​ട്ടി​ല്ല. 25 ഓ​ളം വി​ദ്യാ​ര്‍ഥി​ക​ളും അ​ധ്യാ​പ​ക​ര​ട​ക്കം 13 ഓ​ളം ജീ​വ​ന​ക്കാ​രു​മാ​ണു​ള്ള​ത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Local NewsIdukki NewsIHRD collegeLatest News
News Summary - I.H.R.D. College under threat of closure
Next Story