കാഞ്ഞാർ പാർക്ക് സുന്ദരിയാകും; എം.വി.ഐ.പി മനസ്സുവെച്ചാൽ

കാ​ഞ്ഞാ​ർ: കാ​ഞ്ഞാ​ർ പാ​ർ​ക്ക് ന​വീ​ക​ര​ണ​ത്തി​ന്​ മൂ​വാ​റ്റു​പു​ഴ വാ​ലി ഇ​റി​ഗേ​ഷ​ൻ (എം.​വി.​ഐ.​പി) ത​ട​സ്സം നി​ൽ​ക്കു​ന്നു. എം.​വി.​ഐ.​പി​യു​ടെ അ​ധീ​ന​ത​യി​ലാ​ണ് ഈ ​സ്ഥ​ലം. പാ​ട്ട വ്യ​വ​സ്ഥ​യി​ൽ എം.​വി.​ഐ.​പി യി​ൽ നി​ന്നും സ്ഥ​ലം ഏ​റ്റെ​ടു​ത്താ​ണ് ഇ​ടു​ക്കി ബ്ലോ​ക്ക് പ​ഞ്ചാ​യ​ത്ത് പാ​ർ​ക്ക് ആ​രം​ഭി​ച്ച​ത്. എ​ന്നാ​ൽ, പാ​ട്ട​ത്തി​ന് എ​ടു​ത്ത സ്ഥ​ല​ത്ത് ഫ​ണ്ട് ചെല​വ​ഴി​ച്ച​തോ​ടെ ഓ​ഡി​റ്റ് വി​ഭാ​ഗം ത​ട​സ്സം ഉ​ന്ന​യി​ച്ചു. ഇ​തോ​ടെ പി​ന്നീ​ട് ത​ന​ത് ഫ​ണ്ട് അ​നു​വ​ദി​ക്കാ​നാ​യി​ല്ല. ക​ഴി​ഞ്ഞ​വ​ർ​ഷം ടേ​ക്ക് എ ​ബ്രേ​ക്ക് പ​ദ്ധ​തി​യി​ൽ ഉ​ൾ​പ്പെ​ടു​ത്തി ക​ഫ​റ്റീ​രി​യ​യും ശൗ​ചാ​ല​യ​വും നി​ർ​മി​ക്കാ​ൻ 10 ല​ക്ഷം വ​ക​യി​രു​ത്തി​യെ​ങ്കി​ലും നി​യ​മ​ത​ട​സ്സം മൂ​ലം പ​ദ്ധ​തി തു​ട​ങ്ങാ​നാ​യി​ല്ല.

അ​റ​ക്കു​ളം ഗ്രാ​മ​പ​ഞ്ചാ​യ​ത്ത്​ പാ​ർ​ക്ക് ന​വീ​ക​രി​ക്കാ​ൻ സ​ന്ന​ദ്ധ​ത അ​റി​യി​ച്ച് എം.​വി.​ഐ.​പി യെ ​സ​മീ​പി​ച്ചി​ട്ടു​ണ്ട്. ഇ​തി​ന് പു​റ​മെ കെ.​എ​സ്.​ഇ.​ബി​യും മ​ന്ത്രി റോ​ഷി അ​ഗ​സ്റ്റി​നും പാ​ർ​ക്ക് വി​പു​ല​പ്പെ​ടു​ത്താ​ൻ ശ്ര​മി​ച്ചി​രു​ന്നു. എ​ന്നാ​ൽ, എം.​വി.​ഐ.​പി ആ​ർ​ക്കും സ്ഥ​ലം വി​ട്ടു​ന​ൽ​കാ​ൻ ത​യാ​റ​ല്ല. എ​ന്നാ​ൽ, സ്ഥ​ല​ത്ത് നി​ർ​മാ​ണം ന​ട​ത്താ​ൻ നി​രാ​ക്ഷേ​പ പ​ത്ര​മോ പാ​ട്ട​മോ ന​ൽ​കും. അ​തു​കൊ​ണ്ടു​ത​ന്നെ കെ​ട്ടി​ട​മോ മ​റ്റ് നി​ർ​മി​ച്ചാ​ലും അ​ത് എം.​വി.​ഐ.​പി​യു​ടെ അ​ധീ​ന​ത​യി​ൽ ത​ന്നെ​യാ​കും. സ്വ​ന്തം ആ​സ്തി​യി​ൽ വ​രാ​തെ കെ​ട്ടി​ടം നി​ർ​മി​ക്കാ​ൻ ത്രി​ത​ല പ​ഞ്ചാ​യ​ത്തു​ക​ൾ​ക്കും പ​രി​മി​തി ഉ​ണ്ട്. എ​ന്നാ​ൽ, മ​ന്ത്രി​ത​ല​ത്തി​ൽ അ​നു​മ​തി ല​ഭി​ച്ചാ​ൽ ത്രി​ത​ല പ​ഞ്ചാ​യ​ത്തു​ക​ൾ​ക്ക് ഇ​വി​ടെ പ​ണം ചി​ല​വ​ഴി​ക്കാ​നാ​വും. ഇ​തി​നാ​യി ഇ​ടു​ക്കി ബ്ലോ​ക്ക് പ​ഞ്ചാ​യ​ത്ത് സ​ർ​ക്കാ​രി​ലേ​ക്ക് അ​പേ​ക്ഷ സ​മ​ർ​പ്പി​ച്ചെ​ങ്കി​ലും മ​റു​പ​ടി കി​ട്ടി​യി​ട്ടി​ല്ല.

ഒ​രു​വ​ശം മ​ല​ങ്ക​ര ജ​ലാ​ശ​യ​വും മ​റു​വ​ശം സം​സ്ഥാ​ന പാ​ത​യു​മു​ള്ള മ​നോ​ഹ​ര പ്ര​ദേ​ശ​ത്താ​ണ് കാ​ഞ്ഞാ​ർ ബ​യോ ഡൈ​വേ​ഴ്സി​റ്റി പാ​ർ​ക്ക് സ്ഥി​തി ചെ​യ്യു​ന്ന​ത്. തൊ​ടു​പു​ഴ - പു​ളി​യ​ൻ​മ​ല സം​സ്ഥാ​ന പാ​ത​യോ​ര​ത്താ​ണ് വാ​ട്ട​ർ തീം ​പാ​ർ​ക്ക് സ്ഥി​തി ചെ​യ്യു​ന്ന​ത്.

പി.​ജെ ജോ​സ​ഫ് ജ​ല​സേ​ച​ന മ​ന്ത്രി ആ​യി​രി​ക്കെ സം​യോ​ജി​ത നീ​ർ​ത്ത​ട പ​രി​പാ​ല​ന പ​ദ്ധ​തി പ്ര​കാ​രം നി​ർ​മി​ച്ച​താ​ണ് പാ​ർ​ക്ക്. ചെ​റി​യ മു​ത​ൽ മു​ട​ക്ക് മാ​ത്രം ന​ട​ത്തി​യാ​ൽ പ്ര​തി​മാ​സം ആ​യി​ര​ക്ക​ണ​ക്കി​ന് രൂ​പ വ​രു​മാ​നം ല​ഭി​ക്കു​മെ​ന്ന് ഉ​റ​പ്പു​ള്ള പ​ദ്ധ​തി​യാ​ണ് കാ​ഞ്ഞാ​ർ ടൂ​റി​സം പ​ദ്ധ​തി. 13 ല​ക്ഷം ചെ​ല​വ​ഴി​ച്ചാ​ണ്​ ആ​ദ്യ​ഘ​ട്ട പ​ദ്ധ​തി​ക​ൾ ബ്ലോ​ക്ക് പ​ഞ്ചാ​യ​ത്ത് ന​ട​പ്പാ​ക്കി​യ​ത്. ഇ​രി​പ്പി​ട​ങ്ങ​ൾ, ചെ​റു ഷെ​ഡു​ക​ൾ, ജ​ലാ​ശ​യ​ത്തി​ന് സം​ര​ക്ഷ​ണ​ഭി​ത്തി, ജ​ലാ​ശ​യ​ത്തി​ലേ​ക്ക് ഇ​റ​ങ്ങാ​നാ​യി ന​ട​പ്പാ​ത​ക​ൾ എ​ന്നി​വ നി​ർ​മി​ക്കേ​ണ്ട​തു​ണ്ട്. മ​ല​ങ്ക​ര ജ​ലാ​ശ​യം റോ​ഡി​ൽ നി​ന്ന്​ ഏ​റ്റ​വും കൂ​ടു​ത​ൽ കാ​ണാ​ൻ ക​ഴി​യു​ന്ന പ്ര​ദേ​ശ​മാ​ണി​വി​ടം. അ​തു​കൊ​ണ്ടു​ത​ന്നെ ഇ​ടു​ക്കി​യി​ലേ​ക്കു​ള്ള യാ​ത്ര​ക്കാ​ർ ഏ​റെ​യും ഇ​ട​ത്താ​വ​ള​മാ​ക്കി ഇ​വി​ടെ ഇ​റ​ങ്ങാ​റു​ണ്ട്. ഓ​ലി​ക്ക​ൽ ക​ട​വു​മു​ത​ൽ മ​ണ്ണൂ​ർ സ്‌​കൂ​ൾ വ​രെ​യു​ള്ള അ​ര​കി​ലോ​മീ​റ്റ​ർ ദൂ​ര​ത്താ​ണ്​ പാ​ർ​ക്ക്​.