വയോധികയെ പീഡിപ്പിക്കാൻ ശ്രമിച്ച ചുമട്ടുതൊഴിലാളി അറസ്റ്റിൽ

ക​ട്ട​പ്പ​ന: 65കാ​രി​യെ വീ​ട്ടി​ൽ അ​തി​ക്ര​മി​ച്ചു ക​യ​റി പീ​ഡി​പ്പി​ക്കാ​ൻ ശ്ര​മി​ച്ച ചു​മ​ട്ടു തൊ​ഴി​ലാ​ളി​യെ അ​റ​സ്റ്റ് ചെ​യ്തു. കൊ​ച്ചു കാ​മാ​ക്ഷി കൊ​ട്ട​ക്കാ​ട്ട് പ്ര​സാ​ദാ​ണ്​ (52) പി​ടി​യി​ലാ​യ​ത്. പീ​ഡ​ന ശ്ര​മ​ത്തി​നി​ടെ ദേ​ഹ​മാ​സ​ക​ലം പ​രി​ക്കേ​റ്റ വ​യോ​ധി​ക ആ​ശു​പ​ത്രി​യി​ൽ ചി​കി​ത്സ തേ​ടി.

ക​ട്ട​പ്പ​ന പൊ​ലീ​സ് സ്റ്റേ​ഷ​ൻ പ​രി​ധി​യി​ൽ തി​ങ്ക​ളാ​ഴ്ച വൈ​കീ​ട്ട് നാ​ല​ര​ക്കാ​ണ് സം​ഭ​വം. വീ​ട്ട​മ്മ​യു​ടെ അ​ല​ർ​ച്ച കേ​ട്ട് അ​യ​ൽ​വാ​സി​ക​ൾ എ​ത്തി​യ​പ്പോ​ൾ പ്ര​തി ഓ​ടി ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും നാ​ട്ടു​കാ​ർ പി​ടി​ച്ചു​​വെ​ച്ചു. തു​ട​ർ​ന്ന് ക​ട്ട​പ്പ​ന എ​സ്.​ഐ​യും സം​ഘ​വും സ്ഥ​ല​ത്തെ​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. പീ​ഡ​ന​ശ്ര​മ​ത്തി​നും വീ​ട്ടി​ൽ അ​തി​ക്ര​മി​ച്ച് ക​യ​റി​യ​തി​നു​മാ​ണ് കേ​സ്.

അ​തി​ജീ​വി​ത ദ​ലി​ത് വി​ഭാ​ഗ​ക്കാ​രി​യാ​യ​തി​നാ​ൽ പ​ട്ടി​ക​ജാ​തി, പ​ട്ടി​ക​വ​ർ​ഗ നി​യ​മ​പ്ര​കാ​ര​വും കേ​സെ​ടു​ത്തി​ട്ടു​ണ്ട്. കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു.

പ്രി​ൻ​സി​പ്പ​ൽ എ​സ്.​ഐ കെ.​ദി​ലീ​പ് കു​മാ​ർ, എ.​എ​സ്.​ഐ കെ.​വി. ജോ​സ​ഫ്, സി​വി​ൽ പൊ​ലീ​സ് ഓ​ഫി​സ​ർ​മാ​രാ​യ അ​രു​ൺ, ടെ​സി​മോ​ൾ ജോ​സ​ഫ് എ​ന്നി​വ​രാ​ണ് പ്ര​തി​യെ ക​സ്റ്റ​ഡി​യി​ൽ എ​ടു​ത്ത​ത്.