അധ്യാപികയുടെ കൊലപാതകം: പൊലീസിനെ വട്ടംകറക്കി വ്യാജ സന്ദേശം

ക​ട്ട​പ്പ​ന: കാ​ഞ്ചി​യാ​റി​ലെ ന​ഴ്സ​റി സ്കൂ​ൾ അ​ധ്യാ​പി​ക​യു​ടെ കൊ​ല​പാ​ത​ക​ത്തി​ൽ ക​ട്ട​പ്പ​ന പൊ​ലീ​സി​നെ വ​ട്ടം​ക​റ​ക്കി സ​മൂ​ഹ മാ​ധ്യ​മ​ങ്ങ​ളി​ലെ വ്യാ​ജ സ​ന്ദേ​ശ​ങ്ങ​ൾ. രാ​ത്രി​യും പ​ക​ലും പ്ര​തി​യെ തേ​ടി നെ​ട്ടോ​ട്ട​ത്തി​ലാ​ണ്​ പൊ​ലീ​സ്.

ചൊ​വ്വാ​ഴ്ച രാ​ത്രി അ​നി​മോ​ളു​ടെ മൃ​ത​ദേ​ഹം ക​ണ്ടെ​ത്തി​യ​തി​ന് പി​ന്നാ​ലെ ഭ​ര്‍ത്താ​വ് വി​ജേ​ഷി​നെ തേ​ടി ക​ട്ട​പ്പ​ന പൊ​ലീ​സ് അ​ന്വേ​ഷ​ണം ആ​രം​ഭി​ച്ചി​രു​ന്നു. ഇ​തി​നി​ടെ​യാ​ണ് വ്യാ​ജ സ​ന്ദേ​ശ​ങ്ങ​ളും പ്ര​ച​രി​ച്ചു​തു​ട​ങ്ങി​യ​ത്. വി​ജേ​ഷി​നെ മേ​പ്പാ​റ​യി​ല്‍ തൂ​ങ്ങി​മ​രി​ച്ച നി​ല​യി​ല്‍ ക​ണ്ടെ​ത്തി​യെ​ന്നാ​യി​രു​ന്നു ആ​ദ്യം പ്ര​ച​രി​ച്ച സ​ന്ദേ​ശം. തു​ട​ര്‍ന്ന്, ചൊ​വ്വാ​ഴ്ച രാ​ത്രി നാ​ട്ടു​കാ​രും പൊ​ലീ​സും പ്ര​ദേ​ശ​ത്ത് പ​രി​ശോ​ധ​ന ന​ട​ത്തി.

ഇ​തി​നി​ടെ കു​ള​ത്തി​ല്‍ മൃ​ത​ദേ​ഹം ക​ണ്ടെ​ന്ന പ്ര​ചാ​ര​ണ​വു​മു​ണ്ടാ​യി. ഇ​വി​ടെ​യും പൊ​ലീ​സ് തി​ര​ച്ചി​ല്‍ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. ഇ​തി​നി​ടെ വി​ജേ​ഷി​ന്‍റെ മൊ​ബൈ​ല്‍ ഫോ​ൺ കു​മ​ളി​യി​ൽ ഉ​പേ​ക്ഷി​ച്ച​താ​യി ക​ണ്ടെ​ത്തി​യി​ട്ടു​ണ്ട്. ഇ​യാ​ള്‍ ​ഫോ​ൺ ഉ​പേ​ക്ഷി​ച്ച​ശേ​ഷം സ്ഥ​ലം വി​ട്ടി​രി​ക്കാ​നാ​ണ് സാ​ധ്യ​ത​യെ​ന്നാ​ണ് ക​രു​തു​ന്ന​ത്.