സ്ത്രീപീഡനത്തിൽ കേരളം യു.പിയെ കടത്തിവെട്ടുന്നു –മഹിള കോൺഗ്രസ്

തൊടുപുഴ: പിണറായി വിജയ​െൻറ ഭരണകാലം കള്ളക്കടത്തും അഴിമതിയും മാത്രമല്ല, ദലിത് സ്ത്രീകൾക്കെതിരായ പീഡനങ്ങളിലും മുൻപന്തിയിലാണെന്ന് മഹിള കോൺഗ്രസ് ജില്ല കമ്മിറ്റി യോഗം ആരോപിച്ചു.

പീഡനക്കേസുകളുടെ കണക്കെടുത്താൽ കേരളം ഉത്തർപ്രദേശിനെ കവച്ചു​െവക്കും. പാലക്കാട്​ ജില്ലയിലെ വാളയാറിലും കണ്ണൂർ ജില്ലയിലെ പാലത്തായിയിലും സ്ത്രീപീഡന കേസുകളിൽ കേരള സർക്കാർ കടുത്ത അനീതിയാണ് കാണിച്ചത്. ജില്ലയിലെ കാഞ്ചിയാർ നരിയമ്പാറയിൽ പീഡിപ്പിക്കപ്പെട്ട പെൺകുട്ടി ആത്മഹത്യ ചെയ്തതിലും പ്രാരംഭഘട്ടത്തിൽ ​െപാലീസ്​ അലംഭാവം കാട്ടി.

നരിയമ്പാറയിൽ പീഡനത്തിൽ മനംനൊന്ത് ആത്മഹത്യചെയ്ത പെൺകുട്ടിയുടെ വീട് മഹിള കോൺഗ്രസ് നേതാക്കൾ സന്ദർശിക്കാനും തീരുമാനിച്ചു. ജില്ല പ്രസിഡൻറ്​ ഇന്ദു സുധാകരൻ അധ്യക്ഷത വഹിച്ചു.

സംസ്ഥാന വൈസ് പ്രസിഡന്റ് ലീലമ്മ ജോസ്, സുനിത തങ്കച്ചൻ, രാജമ്മ രാജൻ, ഷൈബി ജിജി, സാലി ബാബു, കുഞ്ഞുമോൾ ചാക്കോ, നൈറ്റ്സി കുര്യാക്കോസ്, മിനി പ്രിൻസ്, ആൻസി തോമസ്, വത്സമ്മ തുടങ്ങിയവർ സംസാരിച്ചു.