കേരളത്തിലേക്ക് കടത്താൻ സൂക്ഷിച്ച 10 ടൺ റേഷനരി പിടികൂടി; ഒരാൾ അറസ്റ്റിൽ

കു​മ​ളി: കേ​ര​ള​ത്തി​ലേ​ക്ക് ക​ട​ത്തി കൂ​ടി​യ വി​ല​യ്ക്ക്​ വി​ൽ​പ​ന​ക്ക്​ സൂ​ക്ഷി​ച്ച 10 ട​ൺ റേ​ഷ​ൻ അ​രി ത​മി​ഴ്നാ​ട് പൊ​ലീ​സ് പി​ടി​കൂ​ടി. സം​ഭ​വ​വു​മാ​യി ബ​ന്ധ​പ്പെ​ട്ട് ഒ​രാ​ളെ അ​റ​സ്റ്റ് ചെ​യ്തു. സം​സ്ഥാ​ന അ​തി​ർ​ത്തി ജി​ല്ല​യാ​യ തേ​നി കോ​ടാ​ങ്കി​പ്പെ​ട്ടി​യി​ലാ​ണ് അ​രി ഒ​ളി​പ്പി​ച്ചി​രു​ന്ന​ത്. കോ​ടാ​ങ്കി​പ്പെ​ട്ടി സ്വ​ദേ​ശി പാ​ൽ​പാ​ണ്ടി​യാ​ണ് അ​റ​സ്റ്റി​ലാ​യ​ത്. ഇ​യാ​ളെ തേ​നി കോ​ട​തി റി​മാ​ൻ​ഡ്​ ചെ​യ്തു. ത​മി​ഴ്നാ​ട്ടി​ൽ നാ​ട്ടു​കാ​ർ​ക്ക് സൗ​ജ​ന്യ​മാ​യി ന​ൽ​കു​ന്ന അ​രി തു​ച്ഛ​മാ​യ വി​ല ന​ൽ​കി വാ​ങ്ങി​യാ​ണ് ക​ട​ത്തു​ന്ന​ത്. കേ​ര​ള​ത്തി​ലെ വി​വി​ധ ഭാ​ഗ​ങ്ങ​ളി​ലു​ള്ള അ​രി മി​ല്ലു​ക​ളി​ൽ എ​ത്തി​ച്ചാ​ണ് റേ​ഷ​ന​രി കൂ​ടി​യ വി​ല​യ്ക്ക് വി​ൽ​ക്കു​ന്ന​ത്. മി​ല്ലു​ക​ളി​ൽ അ​രി​യി​ൽ നി​റം ചേ​ർ​ത്തും മ​റ്റ് കൃ​ത്രി​മ ജോ​ലി​ക​ൾ ചെ​യ്തും വ​ൻ വി​ല​യ്ക്കാ​ണ് വി​പ​ണി​യി​ൽ വി​റ്റ​ഴി​ക്കു​ന്ന​ത്.

കോ​ടാ​ങ്കി​പ്പെ​ട്ടി​യി​ലെ തെ​ങ്ങി​ൻ തോ​പ്പി​ലു​ള്ള ഗോ​ഡൗ​ണി​ലും വാ​ഹ​ന​ത്തി​ലു​മാ​ണ് അ​രി​ച്ചാ​ക്കു​ക​ൾ ക​ണ്ടെ​ത്തി​യ​ത്. മ​ല്ലി​യെ​ന്ന് ചാ​ക്കു​ക​ളി​ൽ രേ​ഖ​പ്പെ​ടു​ത്തി​യാ​ണ് റേ​ഷ​ന​രി അ​ധി​കൃ​ത​രു​ടെ ക​ണ്ണു​വെ​ട്ടി​ച്ച് അ​തി​ർ​ത്തി ക​ട​ത്തി​യി​രു​ന്ന​തെ​ന്ന് അ​രി പി​ടി​കൂ​ടി​യ പ്ര​ത്യേ​ക സ്ക്വാ​ഡി​ലെ ഉ​ദ്യോ​ഗ​സ്ഥ​ർ പ​റ​ഞ്ഞു.