ചുരുളി വെള്ളച്ചാട്ടം സഞ്ചാരികൾക്കായി തുറന്നു

കു​മ​ളി: കോ​വി​ഡി​നെ തു​ട​ർ​ന്ന് ര​ണ്ടു​വ​ർ​ഷ​മാ​യി പ്ര​വേ​ശ​നം വി​ല​ക്കി​യി​രു​ന്ന അ​തി​ർ​ത്തി​യി​ലെ ചു​രു​ളി വെ​ള്ള​ച്ചാ​ട്ടം സ​ഞ്ചാ​രി​ക​ൾ​ക്കാ​യി വ്യാ​ഴാ​ഴ്ച വ​നം വ​കു​പ്പ് തു​റ​ന്ന്​ കൊ​ടു​ത്തു.

കു​മ​ളി​യി​ൽ​നി​ന്ന്​ തേ​നി ജി​ല്ല​യി​ലെ ക​മ്പം പോ​കും​വ​ഴി 10 കി​ലോ​മീ​റ്റ​റോ​ളം ഉ​ള്ളി​ലേ​ക്ക് യാ​ത്ര ചെ​യ്താ​ണ് ചു​രു​ളി വെ​ള്ള​ച്ചാ​ട്ട​ത്തി​ൽ എ​ത്താ​നാ​കു​ക.

തേ​ക്ക​ടി​യി​ലെ​ത്തു​ന്ന വി​നോ​ദ​സ​ഞ്ചാ​രി​ക​ൾ​ക്കു പു​റ​മെ ത​മി​ഴ്നാ​ടി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്നും ധാ​രാ​ളം പേ​ർ വെ​ള്ള​ച്ചാ​ട്ടം കാ​ണാ​നും കു​ളി​ക്കാ​നും ഇ​വി​ടെ എ​ത്താ​റു​ണ്ട്. പെ​രി​യാ​ർ വ​ന്യ​ജീ​വി സ​ങ്കേ​ത​ത്തോ​ടു ചേ​ർ​ന്നു​ള്ള മേ​ഘ​മ​ല ക​ടു​വ സ​ങ്കേ​ത​ത്തി​നു​ള്ളി​ലാ​ണ് ചു​രു​ളി വെ​ള്ള​ച്ചാ​ട്ടം. വ​ന​മേ​ഖ​ല​യി​ൽ​നി​ന്ന്​ ഒ​ഴു​കി​വ​രു​ന്ന വെ​ള്ള​മാ​യ​തി​നാ​ൽ ഇ​തി​ന് ഔ​ഷ​ധ​ഗു​ണ​മു​ണ്ടെ​ന്ന പേ​രി​ലാ​ണ് പ​ല സ്ഥ​ല​ത്തു​നി​ന്നും ഇ​വി​ടെ കു​ളി​ക്കാ​ൻ എ​ത്തു​ന്ന​ത്.

കോ​വി​ഡ് ത​മി​ഴ്നാ​ട്ടി​ൽ വ്യാ​പ​ക​മാ​യ​തോ​ടെ​യാ​ണ് ചു​രു​ളി വെ​ള്ള​ച്ചാ​ട്ട​ത്തി​ലേ​ക്ക്​ പ്ര​വേ​ശ​നം വ​നം വ​കു​പ്പ് ര​ണ്ടു​വ​ർ​ഷം മു​മ്പ് നി​ർ​ത്തി​യ​ത്. നി​യ​ന്ത്ര​ണ​ങ്ങ​ളി​ൽ ഇ​ള​വ് അ​നു​വ​ദി​ച്ച​പ്പോ​ഴും ചു​രു​ളി ഉ​ൾ​പ്പെ​ടെ മേ​ഖ​ല​ക​ളി​ൽ വി​ല​ക്ക് നി​ല​നി​ന്നി​രു​ന്നു. എ​ന്നാ​ൽ, ത​മി​ഴ്നാ​ട്ടി​ൽ ത​ദ്ദേ​ശ സ്ഥാ​പ​ന​ങ്ങ​ളി​ലേ​ക്ക് തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തോ​ടെ 'ചു​രു​ളി വി​ല​ക്ക്' പ്ര​ചാ​ര​ണ വി​ഷ​യ​മാ​കു​മെ​ന്ന് വ്യ​ക്ത​മാ​യ​തോ​ടെ​യാ​ണ് നി​യ​ന്ത്ര​ണം പി​ൻ​വ​ലി​ച്ച​ത്. തേ​ക്ക​ടി​ക്കു പി​ന്നാ​ലെ ചു​രു​ളി​യി​ലേ​ക്കും പ്ര​വേ​ശ​നം അ​നു​വ​ദി​ച്ച​ത് മേ​ഖ​ല​യി​ലെ വി​നോ​ദ​സ​ഞ്ചാ​ര രം​ഗ​ത്തി​ന് ഉ​ണ​ർ​വ് ന​ൽ​കു​മെ​ന്നാ​ണ് പ്ര​തീ​ക്ഷ.