മദ്യവിൽപനശാല പുതിയ കെട്ടിടത്തിലേക്ക്​ മാറ്റി; മിനിറ്റുകൾക്കുള്ളിൽ പൂട്ടിച്ചു

കു​മ​ളി: സ​ർ​ക്കാ​ർ മ​ദ്യ​വി​ൽ​പ​ന​ശാ​ല ചെ​ളി​മ​ട​യി​ലെ കെ​ട്ടി​ട​ത്തി​ലേ​ക്ക് മാ​റ്റി പ്ര​വ​ർ​ത്ത​നം തു​ട​ങ്ങി മി​നി​റ്റു​ക​ൾ​ക്കു​ള്ളി​ൽ പൂ​ട്ടി​ച്ചു. അ​ട്ട​പ്പ​ള്ള​ത്ത് വ​ർ​ഷ​ങ്ങ​ളാ​യി പ്ര​വ​ർ​ത്തി​ച്ചി​രു​ന്ന മ​ദ്യ​വി​ൽ​പ​ന​ശാ​ല ശ​നി​യാ​ഴ്ച രാ​വി​ലെ​യാ​ണ് ദേ​ശീ​യ പാ​ത​യോ​ര​ത്തെ ചെ​ളി​മ​ട​യി​ലെ കെ​ട്ടി​ട​ത്തി​ൽ പ്ര​വ​ർ​ത്ത​നം തു​ട​ങ്ങി​യ​ത്. ശ​നി​യാ​ഴ്ച രാ​വി​ലെ ഒ​മ്പ​തി​ന്​ മ​ദ്യ​വി​ൽ​പ​ന ആ​രം​ഭി​ച്ച് മി​നി​റ്റു​ക​ൾ ക​ഴി​ഞ്ഞ​പ്പോ​ൾ ഒ​രു വി​ഭാ​ഗം ആ​ളു​ക​ൾ സം​ഘ​ടി​ച്ചെ​ത്തി അ​ട​പ്പി​ക്കു​ക​യാ​യി​രു​ന്നു. പീ​രു​മേ​ട് എം.​എ​ൽ.​എ യു​ടെ വ​ഴി​വി​ട്ട നീ​ക്ക​മാ​ണ് ക​ട മാ​റ്റ​ത്തി​ന് പി​ന്നി​ലെ​ന്ന് അ​ട്ട​പ്പ​ള്ള​ത്തെ കെ​ട്ടി​ട ഉ​ട​മ സിം​സ​ൺ പ​റ​യു​ന്നു. മു​ൻ​കൂ​ട്ടി അ​റി​യി​ക്കാ​തെ​യാ​ണ് മ​റ്റൊ​രു കെ​ട്ടി​ട​ത്തി​ലേ​ക്ക് മാ​റ്റി​യ​ത്.

ക​രാ​ർ പ്ര​കാ​രം അ​ട്ട​പ്പ​ള്ള​ത്തെ കെ​ട്ടി​ട​ത്തി​ൽ​നി​ന്ന് മാ​റ്റേ​ണ്ട സ​മ​യ​മാ​യി​ട്ടി​ല്ല. ര​ണ്ട​ര വ​ർ​ഷം കൂ​ടി ഇ​വി​ടെ പ്ര​വ​ർ​ത്തി​ക്കാ​ൻ ക​രാ​ർ ഉ​ണ്ട​ന്നാ​ണ് കെ​ട്ടി​ട ഉ​ട​മ പ​റ​യു​ന്ന​ത്. ര​ണ്ട്​ വ​ർ​ഷം മു​മ്പ്​ മു​ത​ൽ മ​ദ്യ​ശാ​ല ടൗ​ണി​ന്​ സ​മീ​പ​ത്തേ​ക്ക് മാ​റ്റാ​ൻ ആ​ലോ​ചി​ച്ച് വ​രി​ക​യാ​യി​രു​ന്നു​വെ​ന്ന് ബി​വ​റേ​ജ് അ​ധി​കൃ​ത​രും പ​റ​യു​ന്നു.