കുമളി പഞ്ചായത്തിലെ അഴിമതികൾ വിജിലൻസ് അന്വേഷിക്കണം -കോൺഗ്രസ്

കു​മ​ളി: കു​മ​ളി ഗ്രാ​മ​പ​ഞ്ചാ​യ​ത്തി​ൽ 2022-23 സാ​മ്പ​ത്തി​ക വ​ർ​ഷ​ത്തി​ൽ ന​ട​പ്പാ​ക്കി​യ വി​വി​ധ പ​ദ്ധ​തി​ക​ളി​ൽ വ​ലി​യ ക്ര​മ​ക്കേ​ടു​ക​ൾ ന​ട​ന്ന​താ​യി ലോ​ക്ക​ൽ ഫ​ണ്ട് ഓ​ഡി​റ്റ് വി​ഭാ​ഗം ക​ണ്ടെ​ത്തി​യ​ത് സം​ബ​ന്ധി​ച്ച് വി​ജി​ല​ൻ​സ് അ​ന്വേ​ഷി​ക്ക​ണ​മെ​ന്ന് കോ​ൺ​ഗ്ര​സ്​ ആ​വ​ശ്യ​പ്പെ​ട്ടു. സ്ഥ​ലം വാ​ങ്ങ​ലു​മാ​യി ബ​ന്ധ​പ്പെ​ട്ട് വ​ലി​യ ക്ര​മ​ക്കേ​ടാ​ണ് ന​ട​ന്ന​ത്. പ്രൊ​ക്യു​ർ​മെ​ന്റ് ക​മ്മി​റ്റി​യു​ടെ​യും സ്റ്റി​യ​റി​ങ് ക​മ്മി​റ്റി​യു​ടെ​യും തീ​രു​മാ​ന​ത്തി​ന്റെ അ​ടി​സ്ഥാ​ന​ത്തി​ൽ മാ​ത്ര​മാ​ണ് പ്രോ​ജ​ക്ട് ആ​വി​ഷ്ക​രി​ച്ചി​ട്ടു​ള്ള​ത് . 6.5 കോ​ടി​യു​ടെ ഭൂ​മി വാ​ങ്ങ​ൽ പ​ദ്ധ​തി ന​ട​പ്പാ​ക്കാ​ൻ പ​ഞ്ചാ​യ​ത്ത് ക​മ്മി​റ്റി തീ​രു​മാ​നം കൈ​ക്കൊ​ണ്ടി​ട്ടി​ല്ല.

ഡി.​പി.​സി​യു​ടെ അം​ഗീ​കാ​രം ല​ഭി​ക്കും മു​മ്പ്​ ക്വ​ട്ടേ​ഷ​ൻ ന​ട​പ​ടി​യു​മാ​യി ഭ​ര​ണ സ​മി​തി മു​ന്നോ​ട്ടു​പോ​യ​ത് ക്ര​മ​വി​രു​ദ്ധ​മാ​ണ്. പ​ഞ്ചാ​യ​ത്ത്​ ഭൂ​മി വാ​ങ്ങി​യ​ത്​ ക്ര​മ വി​രു​ദ്ധ​മാ​യാ​ണെ​ന്നും അ​ധി​ക തു​ക ന​ൽ​കി​യ​താ​യും കോ​ൺ​ഗ്ര​സ്​ ആ​രോ​പി​ച്ചു. നി​യ​മോ​പ​ദേ​ശം അ​ട​ക്കം മ​റി​ക​ട​ന്നു. ത​ഹ​സി​ൽ​ദാ​റു​ടെ മൂ​ല്യ​നി​ർ​ണ​യ സാ​ക്ഷ്യ​പ​ത്രം പ്ര​കാ​രം സെ​ന്‍റി​ന്​ 1,13,360 രൂ​പ​യാ​ണെ​ന്നി​രി​ക്കെ സ്ഥ​ലം ഉ​ട​മ​ക​ളു​മാ​യി വി​ല​പേ​ശ​ലി​ന് ത​യാ​റാ​കാ​തെ 12.91 ശ​ത​മാ​നം തു​ക കൂ​ട്ടി സ്ഥ​ലം ഉ​ട​മ​ക​ൾ പ​റ​ഞ്ഞി​രു​ന്ന 1,28,000 രൂ​പ​ക്ക്​ ഭൂ​മി വാ​ങ്ങാ​നു​ള്ള തീ​രു​മാ​ന​വും അ​ഴി​മ​തി വ്യ​ക്ത​മാ​ക്കു​ന്നു.

പ​ഞ്ചാ​യ​ത്തി‍െൻറ മാ​ലി​ന്യ സം​സ്ക​ര​ണ പ്ലാ​ന്റു​മാ​യി ബ​ന്ധ​പ്പെ​ട്ട് ഇ​ൻ​സു​ലേ​റ്റ​ർ സ്ഥാ​പി​ച്ച​തി​ലും മാ​ലി​ന്യ​സം​സ്ക​ര​ണ പ​ദ്ധ​തി​യു​ടെ ന​ട​ത്തി​പ്പി​ന് ടി​പ്പ​ർ വാ​ട​ക​ക്ക്​ കൊ​ടു​ക്കു​ന്ന​തി​ലും ഇ​ല​ക്​​ട്രി​ക്​ ഓ​ട്ടോ വാ​ങ്ങി​യ​തി​ലെ​ല്ലാം വ​ലി​യ അ​ഴി​മ​തി​ക​ളാ​ണ് ന​ട​ന്നി​ട്ടു​ള്ള​ത്. അ​ഴി​മ​തി​ക​ൾ വി​ജി​ല​ൻ​സ് അ​ന്വേ​ഷി​ച്ച് കു​റ്റ​ക്കാ​ർ​ക്കെ​തി​രെ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് പ്ര​തി​പ​ക്ഷ പ​ഞ്ചാ​യ​ത്ത് അം​ഗ​ങ്ങ​ളാ​യ റോ​ബി​ൻ കാ​ര​ക്കാ​ട്ട്, ഷൈ​ല​ജ ഹൈ​ദ്രോ​സ്, എം. ​വ​ർ​ഗീ​സ്, എം.​എ​ൽ. സു​ലു​മോ​ൾ, ജ​യ​മോ​ൾ മ​നോ​ജ് ,ജി​സ് ബി​നോ​യ് എ​ന്നി​വ​ർ ആ​വ​ശ്യ​പ്പെ​ട്ടു.