ലാൽജിയുടെ ലൈബ്രറി വീട്...

ചെ​റു​തോ​ണി: വീ​ടു​നി​റ​യെ പു​സ്ത​ക​ങ്ങ​ൾ. അ​ത് ഭം​ഗി​യാ​യി അ​ടു​ക്കും ചി​ട്ട​യോ​ടെ​യും സൂ​ക്ഷി​ച്ചി​രി​ക്കു​ന്നു. ത​ക​ഴി, മു​ട്ട​ത്തു​വ​ർ​ക്കി, എ​സ്.​കെ. പൊ​റ്റ​ക്കാ​ട്ട്, കെ.​ആ​ർ. മീ​ര തു​ട​ങ്ങി പ​ഴ​യ​തും പു​തി​യ​തു​മാ​യ ത​ല​മു​റ​യി​ലു​ള്ള എ​​​ഴു​ത്തു​കാ​രു​ടെ മൂ​വാ​യി​ര​ത്തോ​ളം പു​സ്ത​ക​ങ്ങ​ളാ​ണ് വാ​ഴ​ത്തോ​പ്പ് ല​ക്ഷം​ക​വ​ല സ്വ​ദേ​ശി ചു​ണ്ട​ക്കു​ഴി അ​ബ്ദു​ൽ റ​ഷീ​ദ് (49) എ​ന്ന ലാ​ൽ​ജി​യു​ടെ വീ​ട്ടി​ലെ ലൈ​ബ്ര​റി​യി​ലു​ള്ള​ത്. വി​ദ്യാ​ർ​ഥി​യാ​യി​രി​ക്കു​മ്പോ​ൾ ത​ന്നെ ലാ​ൽ​ജി വാ​യ​ന​യു​ടെ ലോ​ക​ത്തേ​ക്ക്​ ആ​കൃ​ഷ്ട​നാ​യി​രു​ന്നു.

വ​ഴി​കാ​ട്ടി​യ​ത്​ സ്കൂ​ൾ അ​ധ്യാ​പ​ക​നാ​യ അ​മ്മാ​വ​ൻ ഇ​ബ്രാ​ഹിം മാ​സ്റ്റ​റു​ടെ വീ​ട്ടി​ലെ ലൈ​ബ്ര​റി​യാ​യി​രു​ന്നു. ക​ൽ​പ​റ്റ​യി​ലാ​യി​രു​ന്നു ലാ​ൽ​ജി​യു​ടെ വീ​ട്. സ​ഞ്ചാ​രം ഏ​റെ ഇ​ഷ്ട​പ്പെ​ട്ടി​രു​ന്ന ഇ​ദ്ദേ​ഹം മി​ക്ക സം​സ്ഥാ​ന​ങ്ങ​ളി​ലും ടൂ​റി​സ്റ്റ് ഗൈ​ഡാ​യി ജോ​ലി ചെ​യ്തു. അ​പ്പോ​ഴൊ​ക്കെ എ​വി​ടെ പു​സ്ത​ക​ങ്ങ​ൾ ക​ണ്ടാ​ലും വാ​ങ്ങു​ക​യും വാ​യി​ക്കു​ക​യും ചെ​യ്യു​ന്ന​ത്​ ശീ​ല​മാ​യി​രു​ന്നു. പ​ത്തോ​ളം ഭാ​ഷ​ക​ൾ അ​നാ​യാ​സം സം​സാ​രി​ക്കും. സ​ഞ്ചാ​ര​മൊ​ക്കെ നി​ർ​ത്തി 15 വ​ർ​ഷം മു​മ്പ്​ ഇ​ടു​ക്കി ചെ​റു​തോ​ണി​യി​ലെ​ത്തി ലാ​ൽ​ജി വ്യാ​പാ​ര സ്ഥാ​പ​നം തു​ട​ങ്ങി​യെ​ങ്കി​ലും വാ​യ​ന കൈ​വി​ട്ടി​ല്ല. ക​ച്ച​വ​ട​ത്തി​നി​ട​യി​ലും ഏ​റെ സ​മ​യം നീ​ക്കി​വെ​ച്ച​ത്​ വാ​യ​ന​ക്കാ​ണ്. എ​ല്ലാ പു​സ്ത​ക​ങ്ങ​ളും നി​ധി​പോ​ലെ​യാ​ണ്​ സൂ​ക്ഷി​ക്കു​ന്ന​ത്.

വാ​യ​ന​യു​ടെ ലോ​ക​ത്തു​നി​ന്നാ​ണ് ജീ​വി​ത​സ​ഖി​യെ​യും ക​ണ്ടെ​ത്തി​യ​ത്. ത‍െൻറ സ്ഥാ​പ​ന​ത്തി​ൽ സ്ഥി​ര​മാ​യി വ​രു​മാ​യി​രു​ന്ന പെ​ൺ​കു​ട്ടി​യു​ടെ കൈ​യി​ൽ പ്ര​മു​ഖ സാ​ഹി​ത്യ​കാ​ര​ന്മാ​രു​ടെ പു​സ്ത​ക​ങ്ങ​ൾ കാ​ണാ​ൻ തു​ട​ങ്ങി​യ​തോ​ടെ പ​രി​ച​യ​പ്പെ​ട്ടു. പി​ന്നെ അ​തു പ്ര​ണ​യ​ത്തി​ലേ​ക്കും വി​വാ​ഹ​ത്തി​ലേ​ക്കും എ​ത്തി. നോ​വ​ലു​ക​ൾ ക​വി​ത, ക​ഥ ച​രി​ത്രം പൊ​തു​വി​ജ്ഞാ​നം എ​ന്നി​വ​ക്ക്​ പു​റ​മെ ആ​നു​കാ​ലി​ക പ്ര​സി​ദ്ധീ​ക​ര​ണ​ങ്ങ​ളും ലാ​ൽ​ജി​യു​ടെ ലൈ​ബ്ര​റി​യി​ലു​ണ്ട്. എ​ല്ലാ പു​സ്ത​ക​ങ്ങ​ളും മ​ഹ​ത്ത​ര​മാ​ണെ​ന്നാ​ണ് ഇ​ദ്ദേ​ഹ​ത്തി‍െൻറ പ​ക്ഷം. ത‍‍െൻറ ലൈ​ബ്ര​റി​യി​ൽ​നി​ന്ന്​ പു​സ്ത​കം കൊ​ണ്ടു​പോ​യാ​ൽ ചി​ട്ട​യാ​യി വാ​യി​ച്ച്​ കൃ​ത്യ​മാ​യി തി​രി​ച്ചേ​ൽ​പി​ക്ക​ണ​മെ​ന്ന നി​ർ​ബ​ന്ധ​ബു​ദ്ധി​യു​മു​ണ്ട്. ഇ​ങ്ങ​നെ ചെ​യ്യാ​ത്ത​വ​ർ​ക്ക് പി​ന്നീ​ട് പു​സ്ത​ക​ങ്ങ​ൾ ന​ൽ​കി​ല്ല.

പ​ല​രും പേ​രി​നു​വേ​ണ്ടി പു​സ്ത​ക​ങ്ങ​ൾ കൊ​ണ്ടു​പോ​കാ​ൻ തു​ട​ങ്ങി​യ​തോ​ടെ ഇ​നി പു​സ്ത​ക​ങ്ങ​ൾ കൊ​ടു​ത്തു​വി​ടി​ല്ലെ​ന്ന്​ തീ​രു​മാ​നി​ച്ചു. എ​ന്നാ​ൽ, ഏ​താ​നും വ​ർ​ഷ​ങ്ങ​ളാ​യി വാ​യ​ന​യെ സ്​​നേ​ഹി​ക്കു​ന്ന ഏ​താ​നും പേ​ർ ലാ​ൽ​ജി​യു​ടെ ലൈ​ബ്ര​റി​യി​ലെ സ്ഥി​രാം​ഗ​ങ്ങ​ളാ​ണ്. ഇ​വ​ർ​ക്ക് മെം​ബ​ർ​ഷി​പ്പി​ല്ല.ആ​വ​ശ്യാ​നു​സ​ര​ണം പു​സ്ത​കം കൊ​ണ്ടു​പോ​കാം. കൃ​ത്യ​മാ​യി തി​രി​ച്ചേ​ൽ​പി​ക്ക​ണം. പു​സ്ത​ക​വു​മാ​യി മ​ട​ങ്ങി എ​ത്തു​മ്പോ​ൾ വാ​യി​ച്ചോ എ​ന്ന​റി​യാ​ൻ കൊ​ണ്ടു​പോ​യ പു​സ്​​ത​ക​ത്തി​ലെ ഏ​താ​നും ചോ​ദ്യ​ങ്ങ​ളും ചോ​ദി​ക്കും. ഭാ​ര്യ: മും​താ​സ്. മ​ക്ക​ൾ: സു​ൽ​ത്താ​ന, അ​മീ​ർ.