മണ്ണിടിച്ചിൽ; ജനപ്രതിനിധികൾ രക്ഷപ്പെട്ടത് തലനാരിഴക്ക്

മൂ​ല​മ​റ്റം: വെ​ള്ളി​യാ​ഴ്ച വൈ​കീ​ട്ട്​ പൂ​ത്തേ​ട് ഉ​ണ്ടാ​യ വ​ൻ മ​ണ്ണി​ടി​ച്ചി​ലി​ൽ അ​റ​ക്കു​ളം പ​ഞ്ചാ​യ​ത്തി​ലെ മെ​മ്പ​ർ​മാ​ർ ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്. വാ​ഗ​മ​ൺ സ്റ്റേ​റ്റ് ഹൈ​വേ​യി​ലെ ശു​ചീ​ക​ര​ണ പ്ര​വൃ​ത്തി​ക​ൾ​ക്ക്​ ശേ​ഷം മൂ​ല​മ​റ്റ​ത്തേ​ക്ക് ജീ​പ്പി​ൽ വ​രു​മ്പോ​ഴാ​ണ് അ​പ​ക​ടം. വ​ൻ മ​ഴ​യി​ൽ പു​ത്തേ​ട്​ കട്ട​ക്ക​ൽ റോ​ഡി​ൽ കെ​ട്ടി​നി​ന്ന മ​ഴ​വെ​ള്ളം മ​ല ഇ​ടി​ച്ച് ഉ​രു​ൾ​പൊ​ട്ട​ലി​ന് സ​മാ​ന​മാ​യി വ​ലി​യ ശ​ബ്ദ​ത്തോ​ടെ റോ​ഡി​ലേ​ക്ക് പ​തി​ക്കു​ക​യാ​യി​രു​ന്നു. മൂ​ന്ന്​ മെ​മ്പ​ർ​മാ​രും, ആ​രോ​ഗ്യ പ്ര​വ​ർ​ത്ത​ക​രും അ​ട​ക്കം പ​ത്തോ​ളം പേ​ർ ജീ​പ്പി​ലു​ണ്ടാ​യി​രു​ന്നു. മ​ല ഇ​ടി​ഞ്ഞ് ഒ​ഴു​കി എ​ത്തി​യ ക​ല്ലും, മ​ണ്ണും, വെ​ള്ള​വും ജീ​പ്പി​ലേ​ക്ക് പ​തി​ക്കു​ക​യും, റോ​ഡ​രി​കി​ലെ വ​ലി​യ കൊ​ക്ക​ക്ക് സ​മീ​പം വ​രെ ഒ​ഴു​ക്കി കൊ​ണ്ട് പോ​വു​ക​യും ചെ​യ്തു. യാ​ത്ര​ക്കാ​ർ ജീ​പ്പി​ൽ നി​ന്ന് ചാ​ടി ര​ക്ഷ​പ്പെ​ടു​ക​യാ​യി​രു​ന്നു. ഒ​ഴു​ക്കി​ന്‍റെ ശ​ക്തി കു​റ​ഞ്ഞ​തും, വ​ണ്ടി​യു​ടെ ട​യ​ർ പ​ഞ്ച​റാ​യി റോ​ഡ​രി​കി​ൽ ത​ട​ഞ്ഞ് നി​ന്ന​തി​നാ​ലു​മാ​ണ് വ​ൻ അ​പ​ക​ടം ഒ​ഴി​വാ​യ​ത്.

പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ്​ സു​ബി ജോ​മോ​ൻ, മെ​മ്പ​ർ​മാ​രാ​യ ഓ​മ​ന ജോ​ൺ​സ​ൻ, എ​ലി​സ​ബ​ത്ത് ജോ​ൺ​സ​ൻ, ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ അ​ട​ക്കം വാ​ഹ​ന​ത്തി​ൽ ഉ​ണ്ടാ​യി​രു​ന്നു.പി​ന്നാ​ലെ വ​ന്ന പ​ഞ്ചാ​യ​ത്ത്​ മെ​മ്പ​ർ പി.​എ. വേ​ലു​ക്കു​ട്ട​നും പ​ഞ്ചാ​യ​ത്തി​ലെ ജീ​വ​ന​ക്കാ​രും നാ​ട്ടു​കാ​രും ചേ​ർ​ന്ന് മ​ണി​ക്കൂ​റു​ക​ളോ​ളം പ്ര​യ​ത്നി​ച്ച് മ​ണ്ണ് നീ​ക്കം ചെ​യ്ത ശേ​ഷ​മാ​ണ് പി​ക്ക​പ്പ് ഉ​പ​യോ​ഗി​ച്ച് കെ​ട്ടി വ​ലി​ച്ച് ജീ​പ്പ് ചെ​ളി​യി​ൽ നി​ന്നും ക​ര​ക്ക് ക​യ​റ്റി​യ​ത്. പ​ഞ്ചാ​യ​ത്ത് മെ​മ്പ​ർ ഷി​ബു ജോ​സ​ഫും മൂ​ല​മ​റ്റ​ത്തെ ടാ​ക്സി ഡ്രൈ​വ​ർ​മാ​രും കൂ​ടി എ​ത്തി​യ​തോ​ടെ​യാ​ണ്​ അ​പ​ക​ട​ത്തി​ൽ പെ​ട്ട വാ​ഹ​ന​ത്തി​ന്‍റെ ട​യ​റു​ക​ൾ മാ​റ്റി റോ​ഡി​ൽ നി​ന്നും നീ​ക്കാ​നാ​യ​ത്. തു​ട​ർ​ന്നാ​ണ്​ വാ​ഗ​മ​ണ്ണി​ലേ​ക്കു​ള്ള വാ​ഹ​ന ഗ​താ​ഗ​തം പു​നഃ​സ്ഥാ​പി​ച്ച​ത്. പി​ന്നീ​ട് ജെ.​സി.​ബി എ​ത്തി​ച്ച്​ റോ​ഡി​ൽ കെ​ട്ടി​ക്കി​ട​ന്ന ക​ല്ലും മ​ണ്ണും നീ​ക്കം ചെ​യ്​​തു. നൂ​റു ക​ണ​ക്കി​ന് വാ​ഹ​ന​ങ്ങ​ളാ​ണ്​ ര​ണ്ട്​ മ​ണി​ക്കൂ​റോ​ളം പൂ​ത്തേ​ട് ക​ട​ന്നു​പോ​കാ​നാ​കാ​തെ ദു​രി​ത​ത്തി​ലാ​യ​ത്.