വിനോദസഞ്ചാരികളുടെ തിരക്ക്; മറയൂരിൽ ഗതാഗതക്കുരുക്ക്
text_fieldsമറയൂർ-മൂന്നാർ റോഡിൽ ഞായറാഴ്ച അനുഭവപ്പെട്ട
ഗതാഗതക്കുരുക്ക്
മറയൂർ: വേനൽ അവധിയിൽ വിനോദസഞ്ചാരികളുടെ തിരക്ക് മൂന്നാർ- മറയൂർ റോഡിൽ വർധിച്ചു. വേനൽ ചൂടിൽനിന്ന് ആശ്വാസത്തിനായി ഒന്നോ രണ്ടോ ദിവസം ഹൈറേഞ്ചിലെത്തുന്ന വിനോദസഞ്ചാരികൾ ഇതേതുടർന്ന് ഗതാഗതക്കുരുക്കിൽ പെട്ട് വീർപ്പുമുട്ടുകയാണ്. ഞായറാഴ്ച മറയൂർ-മൂന്നാർ റോഡിൽ ലക്കം വെള്ളച്ചാട്ടത്തിൽ എത്തിയവരുടെ വാഹനങ്ങളും മറ്റു യാത്രക്കാരുടെ വാഹനങ്ങളും റോഡ് വശങ്ങളിൽ തിങ്ങിനിറഞ്ഞതിനാൽ മൂന്ന് മണിക്കൂറോളം ഗതാഗതക്കുരുക്ക് ഉണ്ടായി.
ലക്കം വെള്ളച്ചാട്ടത്തിൽ എത്തുന്നവരുടെയും ഇരവികുളം ദേശീയോദ്യാനത്തിൽ എത്തുന്നവരുടെയും വാഹനങ്ങൾ സംസ്ഥാന പാതയായ മറയൂർ-മൂന്നാർ റോഡിൽ പാർക്ക് ചെയ്യുന്നതാണ് കൂടുതലും ഗതാഗതക്കുരുക്ക് സൃഷ്ടിക്കുന്നത്. വനംവകുപ്പ് വിനോദസഞ്ചാരികൾ നിന്നും ഉയർന്ന ഫീസ് ഇടാക്കുന്നുണ്ടെങ്കിലും അതിനുള്ള സൗകര്യം ഒരുക്കിയിരിക്കുന്നത് പരിമിതമായ നിലയിലാണ്. അടിയന്തരമായി പ്രശ്നത്തിന് പരിഹാരം കാണണമെന്നാണ് നാട്ടുകാരുടെയും വിനോദസഞ്ചാരികളുടെയും ആവശ്യം.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.