മറയൂരിൽ അജ്ഞാത വാഹനമിടിച്ച് പുലിക്കുഞ്ഞ് ചത്തു

മറയൂർ: മറയൂർ-മൂന്നാർ റോഡിൽ അജ്ഞാത വാഹനമിടിച്ച് എട്ടുമാസം പ്രായമുള്ള പുലിക്കുഞ്ഞ് ചത്തു. ഞായറാഴ്​ച രാവിലെ ആറോടെയാണ് ലക്കം വെള്ളച്ചാട്ടത്തിന് സമീപം പുലിക്കുഞ്ഞിനെ ചത്തനിലയിൽ കണ്ടത്. ഈ വഴിയിലൂടെ സഞ്ചരിച്ച് യാത്രികർ ലക്കം ഫോറസ്​റ്റ്​ സ്​റ്റേഷനിൽ വിവരമറിയിച്ചതിനെ തുടർന്ന് ഉദ്യോഗസ്ഥരെത്തി പുലിക്കുഞ്ഞിനെ പരിശോധനകൾക്കുശേഷം മറവുചെയ്തു.