ശമ്പളം ലഭിച്ചിട്ട് മാസങ്ങൾ; പ്രൈമറി പാലിയേറ്റിവ് നഴ്സുമാർ ദുരിതത്തിൽ

ഇ​ടു​ക്കി: പ്രൈ​മ​റി പാ​ലി​യേ​റ്റീ​വ് പ​രി​ച​ര​ണ​ത്തി​നാ​യി നി​യോ​ഗി​ക്ക​പ്പെ​ട്ട ജി​ല്ല​യി​ലെ ന​ഴ്സു​മാ​ർ​ക്ക് ശ​മ്പ​ളം ല​ഭി​ച്ചി​ട്ട് മാ​സ​ങ്ങ​ളാ​യി. ആ​റു​മു​ത​ൽ പ​ത്ത് മാ​സം വ​രെ ശ​മ്പ​ളം കു​ടി​ശ്ശി​ക​യു​ള്ള പാ​ലി​യേ​റ്റീ​വ് ന​ഴ്സു​മാ​രു​ടെ ജീ​വി​തം ഇ​തോ​ടെ ദു​രി​ത​ത്തി​ലാ​യി. പ​ഞ്ചാ​യ​ത്തി​ൽ പാ​ലി​യേ​റ്റീ​വ് പ​രി​ച​ര​ണ​ത്തി​നും രോ​ഗി​ക​ൾ​ക്കും മ​റ്റും മ​രു​ന്നും സാ​ധ​ന​സാ​മ​ഗ്രി​ക​ളും വാ​ങ്ങാ​നു​ള്ള പ്രൊ​ജ​ക്ട് പ​ഞ്ചാ​യ​ത്ത് നി​ർ​ബ​ന്ധ​മാ​യും വെ​ക്ക​ണ​മെ​ന്നാ​ണ് നി​യ​മം.

ഈ ​പ്രൊ​ജ​ക്ട് വെ​ച്ചാ​ൽ മാ​ത്ര​മെ മ​റ്റു​പ്രൊ​ജ​ക്ടു​ക​ൾ പാ​സാ​കാ​റു​ള്ളൂ. പാ​സാ​ക്കി​യ പ്രൊ​ജ​ക്ട് പ​ഞ്ചാ​യ​ത്ത് ഭ​ര​ണ​സ​മി​തി​ക​ൾ പി​ന്നീ​ട് വ​ക​മാ​റ്റി ചെ​ല​വാ​ക്കാ​റു​ണ്ട്. ഇ​ത് മൂ​ല​മാ​ണ് ഇ​വ​ർ​ക്ക് ശ​മ്പ​ളം ന​ൽ​കാ​ൻ പ​റ്റാ​തെ പോ​കു​ന്ന​തെ​ന്നാ​ണ്​ ആ​ക്ഷേ​പം. ജി​ല്ല​യി​ലെ ഒ​ട്ടു​മി​ക്ക പ​ഞ്ചാ​യ​ത്തു​ക​ളി​ലും ഇ​വ​ർ​ക്ക് ജോ​ലി ചെ​യ്താ​ൽ കൂ​ലി ല​ഭി​ക്കാ​ത്ത അ​വ​സ്ഥ​യാ​ണ്. 53 ന​ഴ്സു​മാ​രാ​ണ് പ്രൈ​മ​റി​ത​ല​ത്തി​ൽ ജോ​ലി ചെ​യ്യു​ന്ന​ത്.

ഇ​തോ​ടെ ഇ​വ​രു​ടെ കു​ടും​ബ​വും പ​ട്ടി​ണി​യു​ടെ വ​ക്കി​ലാ​ണ്. പാ​ലീ​യേ​റ്റീ​വ് പ​രി​ച​ര​ണ​ത്തി​ൽ ക​ഴി​യു​ന്ന രോ​ഗി​ക​ൾ​ക്ക് മ​രു​ന്നി​ല്ല, പ്രാ​ഥ​മി​കാ​വ​ശ്യ​ങ്ങ​ൾ നി​റ​വേ​റ്റു​ന്ന​തി​നു​പ​യോ​ഗി​ക്കു​ന്ന ഡ​യ​പ്പ​ർ, മ​രു​ന്ന് ഉ​ൾ​പ്പ​ടെ നി​ല​ച്ചി​രി​ക്കു​ക​യാ​ണ്. ഇ​തോ​ടെ കി​ട​പ്പി​ലാ​യ രോ​ഗി​ക​ളെ എ​ങ്ങ​നെ പ​രി​ച​രി​ക്കു​മെ​ന്ന ആ​ശ​ങ്ക​യി​ലാ​ണ് പാ​ലി​യേ​റ്റീ​വ് പ്രൈ​മ​റി ന​ഴ്‌​സു​മാ​ർ.