നാലു പതിറ്റാണ്ട്​, നീണ്ട വാഗ്ദാനങ്ങൾ, ഒരൊറ്റ റോഡ്

മൂ​ല​മ​റ്റം: ഇ​നി അ​ടു​ത്ത തെ​ര​ഞ്ഞെ​ടു​പ്പ്​ വ​രാ​തെ മൂ​ല​മ​റ്റം - കോ​ട്ട​മ​ല എ​ന്ന പേ​രു​പോ​ലും കേ​ൾ​ക്കാ​ൻ സാ​ധ്യ​ത​ കു​റ​വാ​ണ്. നാ​ല്​ പ​തി​റ്റാ​ണ്ടു​ക​ളി​ലൂ​ടെ ക​ട​ന്നു​പോ​യ തെ​ര​ഞ്ഞെ​ടു​പ്പു​ക​ളി​ൽ കേ​ട്ട്​ പ​ഴ​കി​യ വാ​ഗ്ദാ​ന​മാ​ണ്​ മൂ​ല​മ​റ്റം - കോ​ട്ട​മ​ല റോ​ഡ്. ഇ​ക്ക​ഴി​ഞ്ഞ തെ​ര​ഞ്ഞെ​ടു​പ്പി​ലും പ​തി​വ്​ തെ​റ്റി​ച്ചി​ല്ല. അ​ടു​ത്ത​യാ​​ഴ്ച ടാ​റി​ങ്​ എ​ന്നൊ​ക്കെ ത​ട്ടി​വി​ടും. എം.​എ​ൽ.​എ, മ​ന്ത്രി തു​ട​ങ്ങി​യ​വ​ർ​ക്കൊ​ക്കെ അ​ഭി​ന​ന്ദ​നം അ​റി​യി​ച്ച്​ ഫ്ല​ക്സും ബോ​ർ​ഡും ഒ​ക്കെ വെ​ക്കും. പ​ക്ഷേ, റോ​ഡ്​ മാ​ത്രം ഇ​നി​യും വ​ന്നി​ട്ടി​ല്ല.

തൊ​ടു​പു​ഴ നി​ന്ന്​ ക​ട്ട​പ്പ​ന​ക്കു​ള്ള ദൂ​ര​ത്തി​ൽ 20 കി​ലോ​മീ​റ്റ​റെ​ങ്കി​ലും കു​റ​ക്കാ​ൻ ക​ഴി​യു​ന്ന ഈ ​റോ​ഡി​​ന്‍റെ നി​ർ​മാ​ണം ആ​രം​ഭി​ച്ച​ത്​ ര​ണ്ട്​ ത​ല​മു​റ മു​മ്പാ​ണ്. പൊ​തു​മ​രാ​മ​ത്ത് വ​കു​പ്പ് റോ​ഡ്​ ഏ​റ്റെ​ടു​ത്തി​ട്ട് 25 വ​ർ​ഷം പൂ​ർ​ത്തി​യാ​യി. ജ​ല​ന്ത​ർ വാ​ർ​ഡി​ൽ ഉ​പ​തെ​ര​ഞ്ഞെ​ടു​പ്പ് ന​ട​ന്ന​പ്പോ​ൾ ഭ​ര​ണ​ക​ക്ഷി​യു​ടെ ഏ​റ്റ​വും വ​ലി​യ വാ​ഗ്ദാ​ന​വും മൂ​ല​മ​റ്റം - കോ​ട്ട​മ​ല റോ​ഡ് ടെ​ൻ​ഡ​ർ ആ​യെ​ന്നാ​ണ്.

മൂ​ല​മ​റ്റം - കോ​ട്ട​മ​ല റോ​ഡി​ന്റെ അ​വ​സാ​ന റീ​ച്ചി​ന്റെ നി​ർ​മാ​ണ​മാ​ണ് ഇ​നി പൂ​ർ​ത്തി​യാ​കാ​നു​ള്ള​ത്. അ​റ​ക്കു​ളം പ​ഞ്ചാ​യ​ത്തി​ന്റെ പ​തി​റ്റാ​ണ്ടു​ക​ളാ​യു​ള്ള സ്വ​പ്ന​മാ​ണ് മൂ​ല​മ​റ്റം -കോ​ട്ട​മ​ല റോ​ഡ്. ഇ​തി​നാ​യി നാ​ല്​ പ​തി​റ്റാ​ണ്ടി​ലേ​റെ ശ്ര​മം ആ​രം​ഭി​ച്ച​താ​ണ്.

മൂ​ല​മ​റ്റ​ത്തി​ന്റെ വി​ക​സ​ന​ത്തി​ൽ ഏ​റെ പ്ര​യോ​ജ​നം ചെ​യ്യു​ന്ന പാ​ത​യാ​ണി​ത്. ഇ​നി 1200 മീ​റ്റ​ർ കൂ​ടി ടാ​റി​ങ് പൂ​ർ​ത്തി​യാ​ക്കി​യാ​ൽ മാ​ത്ര​മേ റോ​ഡ് പൂ​ർ​ണ​മാ​യും ഗ​താ​ഗ​ത​യോ​ഗ്യ​മാ​വു​ക​യു​ള്ളു. ക​ഴി​ഞ്ഞ തെ​ര​ഞ്ഞെ​ടു​പ്പു​ക​ളി​ലെ​ല്ലാം ഈ ​റോ​ഡി​നാ​യി കോ​ടി​ക​ൾ അ​നു​വ​ദി​ച്ച​താ​യി ഫ്ല​ക്സ് വെ​ച്ച​ത​ല്ലാ​തെ ഒ​രു​വി​ക​സ​ന​വും ന​ട​ന്നി​ട്ടി​ല്ല. ഫ്ല​ക്സ് വെ​ച്ച പ​ണ​മു​ണ്ടെ​ങ്കി​ൽ റോ​ഡ് പൂ​ർ​ത്തി​യാ​ക്കാ​മാ​യി​രു​ന്നെ​ന്നാ​ണ് നാ​ട്ടു​കാ​ർ ത​മാ​ശ പ​റ​യു​ന്ന​ത്.

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ കി​ഫ്ബി​യി​ൽ പെ​ടു​ത്തി 30 കോ​ടി അ​നു​വ​ദി​ച്ച റോ​ഡാ​ണി​ത്. ര​ണ്ട്​ മാ​സം മു​മ്പ്​ ന​ട​ന്ന പ​ഞ്ചാ​യ​ത്ത് വാ​ർ​ഡി​ലെ ഉ​പ​തെ​ര​ഞ്ഞെ​ടു​പ്പി​ൽ ആ​റ്​ കോ​ടി അ​നു​വ​ദി​ച്ച​താ​യി പ്ര​ച​രി​പ്പി​ച്ചാ​ണ്​ ആ​റാം വാ​ർ​ഡി​ലെ ഉ​പ​തെ​ര​ഞ്ഞെ​ടു​പ്പി​നെ എ​ൽ.​ഡി.​എ​ഫ് നേ​രി​ട്ട​ത്. എ​ന്നാ​ൽ ഇ​ത് പ​തി​വാ​ണെ​ന്ന​റി​ഞ്ഞ നാ​ട്ടു​കാ​ർ വാ​ഗ്ദാ​നം വി​ശ്വ​സി​ച്ചി​ല്ല. ഒ​ന്നേ​കാ​ൽ കി​ലോ​മീ​റ്റ​ർ റോ​ഡ് കൂ​ടി പൂ​ർ​ത്തി​യാ​കു​ന്ന​തോ​ടെ കോ​ട്ട​മ​ല, ച​ക്കി​മാ​ലി, ക​പ്പ​ക്കാ​നം, മു​ല്ല​ക്കാ​നം, ഉ​ളു​പ്പൂ​ണി പ്ര​ദേ​ശ​ത്തു​ള്ള​വ​ർ​ക്ക് കു​റ​ഞ്ഞ സ​മ​യ​ത്തി​ൽ മൂ​ല​മ​റ്റ​ത്ത് എ​ത്താം.

റോ​ഡ് നി​ർ​മി​ക്ക​ണ​മെ​ന്നാ​വ​ശ്യ​പ്പെ​ട്ട് നാ​ട്ടു​കാ​ര​ട​ക്കം കോ​ട​തി​യെ സ​മീ​പി​ച്ച​താ​ണ്. കോ​ട​തി നി​ർ​മാ​ണം പൂ​ർ​ത്തി​യാ​ക്കാ​ൻ വി​ധി​ച്ചെ​ങ്കി​ലും അ​തും ന​ട​ന്നി​ല്ല. അ​ടു​ത്ത​യി​ടെ കെ.​എ​സ്.​ആ​ർ.​ടി.​സി ക​നി​ഞ്ഞ് ഇ​തു​വ​ഴി മേ​മ്മു​ട്ടം ക​വ​ല വ​രെ ബ​സ് സ​ർ​വീ​സ് തു​ട​ങ്ങാ​ൻ ന​ട​പ​ടി​യാ​യി​ട്ടു​ണ്ട് എ​ന്ന​താ​ണ്​ ഏ​ക ആ​ശ്വാ​സം.

7.5 കി.മീ. റോഡിന്​ 7.5 കോടി; കരാറുകാരനെ കണ്ടവരുണ്ടോ?

റോ​ഡു​പ​ണി മു​ട​ങ്ങി​യി​ട്ട്​ മാ​സ​ങ്ങ​ൾ; ക​രാ​റു​കാ​ര​ൻ പാ​തി​വ​ഴി​യി​ല്‍ ഉ​പേ​ക്ഷി​ച്ച് മു​ങ്ങി

നെ​ടു​ങ്ക​ണ്ടം: ആ​ദി​യാ​ര്‍പു​രം-​തെ​ക്കെ കു​രി​ശു​മ​ല റോ​ഡ് പണി പാതിവഴിയിൽ ഉപേക്ഷിച്ച്​ കരാറുകാരൻ മുങ്ങി. പാ​മ്പാ​ടും​പാ​റ പ​ഞ്ചാ​യ​ത്തി​ലെ ഉ​ള്‍നാ​ട​ന്‍ ഗ്രാ​മീ​ണ മേ​ഖ​ല​ക​ളാ​യ ആ​ദി​യാ​ര്‍പു​രം, തെ​ക്കെ കു​രി​ശു​മ​ല പ്ര​ദേ​ശ​ങ്ങ​ളി​ലു​ടെ ക​ട​ന്നു​പോ​കു​ന്ന പാ​ത​യു​ടെ നി​ര്‍മാ​ണ​മാ​ണ് എട്ട്​ മാ​സ​ങ്ങ​ളാ​യി മു​ട​ങ്ങി​യ​ത്.

പി.​എം.​ജി.​എ​സ്.​വൈ പ​ദ്ധ​തി​യി​ല്‍ ഉ​ള്‍പ്പെ​ടു​ത്തി 2022 ജ​നു​വ​രി​യി​ലാ​ണ് മു​ണ്ടി​യെ​രു​മ-​പാ​മ്പാ​ടും​പാ​റ- തെ​ക്കേ കു​രി​ശു​മ​ല റോ​ഡ് നി​ര്‍മാ​ണം ആ​രം​ഭി​ച്ച​ത്. ആ​ദി​യാ​ര്‍പു​രം, തെ​ക്കേ കു​രി​ശു​മ​ല മേ​ഖ​ല​യി​ല്‍ ഉ​ള്ള​വ​ര്‍ക്ക് പു​റം​ലോ​ക​ത്ത് എ​ത്താ​നു​ള്ള ഏ​ക​മാ​ര്‍ഗ​മാ​ണി​ത്. 7.5 കി​ലോ​മീ​റ്റ​റോ​ളം വ​രു​ന്ന പാ​ത​ക്ക്​ 7.5 കോടി രൂപ​യാ​ണ് അ​നു​വ​ദി​ച്ച​ത്. 2023 ജ​നു​വ​രി​യി​ല്‍ നി​ര്‍മാ​ണം പൂ​ര്‍ത്തീ​ക​രി​ക്കു​മെ​ന്നാ​യി​രു​ന്നു ക​രാ​ര്‍. എ​ന്നാ​ല്‍, ഇ​തു​വ​രെ പാ​തി​പോ​ലും പൂ​ര്‍ത്തീ​ക​രി​ച്ചി​ട്ടി​ല്ല. നി​ല​വി​ല്‍ പ​ല ഭാ​ഗ​ത്തും ടാ​റി​ങി​നാ​യി മെ​റ്റ​ല്‍ നി​ര​ത്തി​യി​ട്ടു​ണ്ട്. മെ​റ്റ​ല്‍ ഉ​റ​പ്പി​ക്കാ​ത്ത​തി​നാ​ല്‍ ഇ​രു​ച​ക്ര വാ​ഹ​ന​ങ്ങ​ള്‍ അ​പ​ക​ട​ത്തി​ല്‍പെ​ടു​ന്ന​ത് പ​തി​വാ​ണ്. റോ​ഡി​ന്‍റെ അ​ലൈ​ന്‍മെ​ന്‍റ്​ സം​ബ​ന്ധി​ച്ചും നാ​ട്ടു​കാ​ര്‍ ആ​രോ​പ​ണം ഉ​ന്ന​യി​ക്കു​ന്നു.

വെ​ള്ളം ശ​ക്ത​മാ​യി ഒ​ഴു​കു​ന്ന ഭാ​ഗ​ങ്ങ​ളി​ല്‍ പോ​ലും ക​ലു​ങ്കു​ക​ള്‍ ഇ​ല്ല. റോ​ഡി​ന്‍റെ വ​ശ​ങ്ങ​ളും കോ​ണ്‍ക്രീ​റ്റ് ചെ​യ്തി​ട്ടി​ല്ല. ഇ​തു​മൂ​ലം സ്‌​കൂ​ള്‍ ബ​സു​ക​ള്‍ പോ​ലും എ​ത്താ​റി​ല്ല. റോ​ഡ് ആ​രം​ഭി​ക്കു​ന്ന മേ​ഖ​ല​യി​ല്‍ ടാ​റി​ങ് ന​ട​ത്തി​യതി​നാ​ല്‍ ഇ​തു​വ​ഴി ക​ട​ന്ന് വ​ന്ന് പ്ര​തി​സ​ന്ധി​യി​ലാ​കു​ന്ന വാ​ഹ​ന​ങ്ങ​ളും നി​ര​വ​ധി. അ​തേ​സ​മ​യം, എ​സ്റ്റി​മേ​റ്റി​ലെ അ​പാ​ക​ത​യാ​ണ്​ നി​ര്‍മാ​ണം പൂ​ര്‍ത്തി​യാ​ക്കാ​ൻ ക​ഴി​യാ​ത്ത​തെ​ന്നാ​ണ് ക​രാ​റു​കാ​ര​ന്‍റെ വി​ശ​ദീ​ക​ര​ണം. നി​ല​വി​ലെ എ​സ്റ്റി​മേ​റ്റ് പ്ര​കാ​രം മി​ക​ച്ച രീ​തി​യി​ല്‍ നി​ര്‍മാ​ണം ന​ട​ത്താ​നാ​വി​ല്ലെ​ന്നും ഇ​ക്കാ​ര്യ​ങ്ങ​ള്‍ പ​ല​ത​വ​ണ അ​ധി​കൃ​ത​രെ അ​റി​യി​ച്ചി​ട്ടും ന​ട​പ​ടി ഉ​ണ്ടാ​യി​ല്ലെ​ന്നു​മാ​ണ് ക​രാ​റു​കാ​ര​ന്‍ പ​റ​യു​ന്ന​ത്.