ജലവിഭവ വകുപ്പ്​ തടയണ നിർമിച്ചു, പഞ്ചായത്ത്​ കൈവിട്ടു; ജലക്ഷാമം അതേപടി

മൂ​ന്നാ​ർ: മൂ​ന്നാ​റി​ലെ ശു​ദ്ധ​ജ​ല​ക്ഷാ​മം പ​രി​ഹ​രി​ക്കാ​ൻ കോ​ടി​ക​ൾ ചെ​ല​വി​ട്ട് ര​ണ്ട​ര​വ​ർ​ഷം മു​മ്പ്​ നി​ർ​മി​ച്ച ര​ണ്ട്​ ത​ട​യ​ണ​ക​ൾ തു​ട​ർ ന​ട​പ​ടി​ക​ളി​ല്ലാ​തെ ന​ശി​ക്കു​ന്നു. ത​ട​യ​ണ​ക​ൾ ഏ​റ്റെ​ടു​ത്ത് തു​ട​ർ ന​ട​പ​ടി​ക​ൾ ന​ട​പ്പാ​ക്കേ​ണ്ടെ​ന്ന് പ​ഞ്ചാ​യ​ത്ത് തീ​രു​മാ​ന​മെ​ടു​ത്ത​തോ​ടെ​യാ​ണ് ത​ട​യ​ണ​ക​ൾ ര​ണ്ടും ഉ​പേ​ക്ഷി​ക്ക​പ്പെ​ട്ട​ത്. മേ​ഖ​ല​യി​ലെ ശു​ദ്ധ​ജ​ല ക്ഷാ​മം പ​രി​ഹ​രി​ക്കാ​നാ​ണ് ടൗ​ണി​നു സ​മീ​പ​മു​ള്ള പെ​രി​യ​വ​ര​ക​വ​ല, പെ​രി​യ​വ​ര​പാ​ലം എ​ന്നി​വി​ട​ങ്ങ​ളി​ലാ​യി ക​ന്നി​യാ​റി​നു കു​റു​കെ 3.53 കോ​ടി രൂ​പ ചെ​ല​വി​ൽ ര​ണ്ട​ര വ​ർ​ഷം മു​മ്പ്​ ര​ണ്ട്​ ത​ട​യ​ണ നി​ർ​മി​ച്ച​ത്.

2022 മാ​ർ​ച്ച് 31നാ​ണ് ഇ​വ​യു​ടെ നി​ർ​മാ​ണം പൂ​ർ​ത്തീ​ക​രി​ച്ച​ത്. ചെ​റു​കി​ട ജ​ല​വി​ഭ​വ വ​കു​പ്പാ​ണ് ത​ട​യ​ണ​ക​ൾ നി​ർ​മി​ച്ച​ത്. ത​ട​യ​ണ​ക​ളി​ൽ വെ​ള്ളം ശേ​ഖ​രി​ച്ച് സ​മീ​പ​ത്തെ സു​ബ്ര​ഹ്മ​ണ്യ​സ്വാ​മി ക്ഷേ​ത്ര​ത്തി​നു സ​മീ​പ​ത്ത് നി​ർ​മി​ക്കു​ന്ന സം​ഭ​ര​ണി​യി​ലെ​ത്തി​ച്ച് ശു​ദ്ധീ​ക​രി​ച്ച് മേ​ഖ​ല​യി​ൽ വി​ത​ര​ണം ചെ​യ്യു​ന്ന​തി​നാ​ണ് ല​ക്ഷ്യ​മി​ട്ടി​രു​ന്ന​ത്.

ത​ട​യ​ണ​ക​ൾ കൈ​മാ​റി​യ ശേ​ഷ​മു​ള്ള സം​ഭ​ര​ണി നി​ർ​മാ​ണ​മു​ൾ​പ്പെ​ടെ​യു​ള്ള കാ​ര്യ​ങ്ങ​ൾ പ​ഞ്ചാ​യ​ത്തു​ത​ല​ത്തി​ൽ ന​ട​പ്പാ​ക്കാ​നാ​യി​രു​ന്നു ല​ക്ഷ്യ​മി​ട്ടി​രു​ന്ന​ത്. എ​ന്നാ​ൽ, പ​ദ്ധ​തി പ്ര​കാ​രം ത​ട​യ​ണ​യി​ൽ​നി​ന്ന് 500 അ​ടി​യി​ലേ​റെ ഉ​യ​ര​ത്തി​ലു​ള്ള മ​ല​മു​ക​ളി​ലേ​ക്ക് വെ​ള്ളം എ​ത്തി​ക്കു​ന്ന​തും റ​വ​ന്യൂ ഭൂ​മി​യി​ൽ സം​ഭ​ര​ണി, ശു​ദ്ധീ​ക​ര​ണ സം​വി​ധാ​നം എ​ന്നി​വ നി​ർ​മി​ക്കാ​നു​ള്ള ത​ട​സ്സ​വും വ​ൻ ചെ​ല​വും ഉ​ൾ​പ്പെ​ടെ പ​ദ്ധ​തി ന​ട​പ്പാ​ക്കു​ന്ന​ത് അ​പ്രാ​യോ​ഗി​ക​മാ​ണെ​ന്നും ക​ണ്ടെ​ത്തി​യ​തോ​ടെ​യാ​ണ് പ​ഞ്ചാ​യ​ത്ത് ക​മ്മി​റ്റി പ​ദ്ധ​തി ഏ​റ്റെ​ടു​ക്കേ​ണ്ട എ​ന്ന തീ​രു​മാ​ന​ത്തി​ലെ​ത്തി​യ​ത്. പ​ഞ്ചാ​യ​ത്ത് കൈ​യൊ​ഴി​ഞ്ഞ​തോ​ടെ കോ​ടി​ക​ൾ ചെ​ല​വ​ഴി​ച്ചു നി​ർ​മി​ച്ച ത​ട​യ​ണ​ക​ൾ ഉ​പേ​ക്ഷി​ച്ച നി​ല​യി​ൽ കി​ട​ക്കു​ക​യാ​ണ്.