ഇടമലക്കുടി റേഷൻ വിതരണം: മറിച്ചുവിറ്റത്​ ടൺകണക്കിന്​ അരി; സ്റ്റോർ കീപ്പർമാരെ നീക്കി

മൂ​ന്നാ​ർ: ഇ​ട​മ​ല​ക്കു​ടി​യി​ലെ ഗോ​ത്ര​വ​ർ​ഗ​ക്കാ​ർ​ക്കു​ള്ള റേ​ഷ​നി​ൽ​നി​ന്ന്​ 10,000 കി​ലോ അ​രി സ്വ​കാ​ര്യ​വി​പ​ണി​യി​ൽ മ​റി​ച്ചു​വി​റ്റു. പെ​ട്ടി​മു​ടി​യി​ലെ ഗോ​ഡൗ​ണി​ലു​ള്ള സ്റ്റോ​ക്കി​ൽ 10 ട​ണ്ണി​ല​ധി​കം അ​രി​യു​ടെ കു​റ​വ്​ ക​ണ്ടെ​ത്തി​യ​തി​നെ​ത്തു​ട​ർ​ന്ന്​ സ്റ്റോ​ർ കീ​പ്പ​ർ​മാ​രാ​യ ര​ണ്ടു​പേ​രെ ചു​മ​ത​ല​യി​ൽ​നി​ന്ന്​ നീ​ക്കി. ഗി​രി​ജ​ൻ സൊ​സൈ​റ്റി മു​ൻ സെ​ക്ര​ട്ട​റി​യെ​യും സ​ഹോ​ദ​ര​നെ​യു​മാ​ണ്​ നീ​ക്കി​യ​ത്.

സി​വി​ൽ സ​പ്ലൈ​സ് വ​കു​പ്പി​ലെ ചി​ല താ​ൽ​ക്കാ​ലി​ക ജീ​വ​ന​ക്കാ​രു​ടെ സ​ഹാ​യ​ത്തോ​ടെ​യാ​ണ് അ​രി മ​റി​ച്ചു​വി​റ്റ​തെ​ന്നാ​ണ്​ സൂ​ച​ന. ഇ​ട​മ​ല​ക്കു​ടി​യി​ലെ ആ​ദി​വാ​സി​ക​ൾ​ക്ക്​ ന​വം​ബ​റി​ലെ റേ​ഷ​ൻ 21 ദി​വ​സ​മാ​യി ത​ട​സ്സ​പ്പെ​ട്ട്​ കി​ട​ക്കു​ക​യാ​ണെ​ന്ന വാ​ർ​ത്ത ക​ഴി​ഞ്ഞ​ദി​വ​സം പു​റ​ത്തു​വ​ന്ന​തി​ന്​ പി​ന്നാ​ലെ​യാ​ണ്​ റെ​യ്​​ഡും ന​ട​പ​ടി​യും. ക​ല​ക്ട​റു​ടെ ഇ​ട​പെ​ട​ലി​ൽ ഇ​ട​മ​ല​ക്കു​ടി​യി​ൽ അ​ഞ്ച​ര ട​ൺ റേ​ഷ​ൻ അ​ടി​യ​ന്ത​ര​മാ​യി എ​ത്തി​ക്കു​ന്ന​തി​നും ന​ട​പ​ടി​യു​ണ്ടാ​യി.

അ​ഞ്ച​ര ട​ൺ റേ​ഷ​ൻ സാ​ധ​ന​ങ്ങ​ൾ ര​ണ്ടു റേ​ഷ​ൻ ക​ട​യി​​ലെ​ത്തി​യ​തോ​ടെ ചൊ​വ്വാ​ഴ്ച രാ​വി​ലെ മു​ത​ൽ ഇ​ട​മ​ല​ക്കു​ടി​യി​ൽ റേ​ഷ​ൻ വി​ത​ര​ണം പു​ന​രാ​രം​ഭി​ച്ചു.

ക​ല​ക്ട​ർ വി. ​വി​ഘ്നേ​ശ്വ​രി​യു​ടെ നി​ർ​ദേ​ശ​പ്ര​കാ​രം ദേ​വി​കു​ളം താ​ലൂ​ക്ക് സ​പ്ലൈ ഓ​ഫി​സ​ർ, ഇ​ട​മ​ല​ക്കു​ടി​യി​ൽ റേ​ഷ​ൻ വി​ത​ര​ണ​ത്തി​ന്റെ ചു​മ​ത​ല​യു​ള്ള ഗി​രി​ജ​ൻ സൊ​സൈ​റ്റി അ​ധി​കൃ​ത​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം പെ​ട്ടി​മു​ടി​യി​ലെ റേ​ഷ​ൻ ഗോ​ഡൗ​ൺ, സൊ​സൈ​റ്റി​ക്കു​ടി, പ​ര​പ്പ​യാ​ർ എ​ന്നി​വി​ട​ങ്ങ​ളി​ലെ റേ​ഷ​ൻ ക​ട​ക​ൾ എ​ന്നി​വ സ​ന്ദ​ർ​ശി​ച്ച് സ്ഥി​തി വി​ല​യി​രു​ത്തി. ഇ​ട​മ​ല​ക്കു​ടി​യി​ൽ റേ​ഷ​ൻ സാ​ധ​ന​ങ്ങ​ൾ വി​ത​ര​ണം ചെ​യ്യാ​തെ പെ​ട്ടി​മു​ടി​യി​ലെ ഗോ​ഡൗ​ണി​ൽ കൂ​ട്ടി​യി​ട്ടി​രി​ക്കു​ന്ന​താ​ണ്​ വാ​ർ​ത്ത​യാ​യ​ത്.

പെ​ട്ടി​മു​ടി​യി​ലെ ഗോ​ഡൗ​ണി​ൽ​നി​ന്ന്​ പ്ര​ത്യേ​ക വാ​ഹ​ന സൗ​ക​ര്യ​മൊ​രു​ക്കി​യാ​ണ് അ​രി ഉ​ൾ​പ്പെ​ടെ സാ​ധ​ന​ങ്ങ​ൾ എ​ത്തി​ക്കാ​ൻ തു​ട​ങ്ങി​യ​ത്.

ന​വം​ബ​ർ മാ​സം റേ​ഷ​ൻ അ​രി ഉ​ൾ​പ്പെ​ടെ ല​ഭി​ക്കാ​തെ വ​ന്ന​തോ​ടെ ഗോ​ത്ര​വ​ർ​ഗ​ക്കാ​ർ മൂ​ന്നാ​ർ, മാ​ങ്കു​ളം എ​ന്നി​വി​ട​ങ്ങ​ളി​ലെ​ത്തി പൊ​തു വി​പ​ണി​യി​ൽ​നി​ന്ന്​ കൂ​ടി​യ വി​ല ന​ൽ​കി​യാ​ണ് സാ​ധ​ന​ങ്ങ​ൾ വാ​ങ്ങി​യി​രു​ന്ന​ത്. പെ​ട്ടി​മു​ടി​യി​നി​ന്ന്​ റേ​ഷ​ൻ ക​ട​ക​ളി​ലേ​ക്ക് സാ​ധ​ന​ങ്ങ​ളെ​ത്തി​ക്കു​ന്ന​തി​നു​ള്ള വാ​ഹ​ന ക​രാ​ർ സം​ബ​ന്ധി​ച്ച് തീ​രു​മാ​ന​മാ​കാ​ത്ത​താ​ണ് റേ​ഷ​ൻ വി​ത​ര​ണം ത​ട​സ്സ​പ്പെ​ടാ​ൻ ഇ​ട​യാ​ക്കി​യ​ത്.

അ​തി​നി​ടെ​യാ​ണ്​ ദേ​വി​കു​ളം താ​ലൂ​ക്ക് സ​പ്ലൈ ഓ​ഫി​സ​ർ സ​ഞ്ജ​യ് നാ​ഥ​ൻ, റേ​ഷ​നി​ങ് ഇ​ൻ​സ്പെ​ക്ട​ർ ജ​യ​കു​മാ​ർ, ഇ​ട​മ​ല​ക്കു​ടി​യി​ലെ റേ​ഷ​ൻ വി​ത​ര​ണ​ത്തി​ന്റെ ചു​മ​ത​ല​യു​ള്ള ദേ​വി​കു​ളം ഗി​രി​ജ​ൻ സൊ​സൈ​റ്റി അ​ധി​കൃ​ത​ർ എ​ന്നി​വ​ർ ക​ല​ക്ട​റു​ടെ നി​ർ​ദേ​ശ​പ്ര​കാ​ര​മെ​ത്തി ന​ട​ത്തി​യ പ​രി​ശോ​ധ​ന​യി​ലാ​ണ്​ റേ​ഷ​ൻ സാ​ധ​ന​ങ്ങ​ൾ മ​റി​ച്ചു​വി​റ്റ​ത്​ ക​ണ്ടെ​ത്തി​യ​ത്.