സന്ദർശകത്തിരക്കിൽ മൂന്നാർ

മൂ​ന്നാ​ർ: മ​ധ്യ​വേ​ന​ൽ അ​വ​ധി​ക്കാ​ലം ക​ഴി​ഞ്ഞ് മ​ൻ​സൂ​ണി​ന് തു​ട​ക്ക​മാ​യി​ട്ടും മൂ​ന്നാ​റി​ലേ​ക്ക് സ​ഞ്ചാ​രി​ക​ളു​ടെ നി​ല​ക്കാ​ത്ത പ്ര​വാ​ഹം. പ്ര​ള​യ​വും കോ​വി​ഡും നാ​ശം​വി​ത​ച്ച മൂ​ന്നാ​ർ ടൂ​റി​സം മേ​ഖ​ല ഈ ​വ​ർ​ഷം അ​തി​ന്റെ പ്ര​താ​പം വീ​ണ്ടെ​ടു​ക്കു​ന്ന വി​ധ​ത്തി​ലാ​യി​രു​ന്നു സ​ഞ്ചാ​രി​ക​ളു​ടെ തി​ര​ക്ക്. ഏ​പ്രി​ൽ, മേ​യ് മാ​സ​ങ്ങ​ളി​ലാ​ണ് മൂ​ന്നാ​റി​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തു​ന്ന​ത്.

മേ​യ് അ​വ​സാ​നം​വ​രെ ആ ​ഒ​ഴു​ക്ക് തു​ട​രു​ന്ന​താ​ണ് രീ​തി. എ​ന്നാ​ൽ, ഇ​ക്കു​റി ജൂ​ൺ പി​റ​ന്നി​ട്ടും സ​ന്ദ​ർ​ശ​ക​ത്തി​ര​ക്കി​ൽ വീ​ർ​പ്പു​മു​ട്ടു​ക​യാ​ണ് മൂ​ന്നാ​ർ. റോ​ഡു​ക​ളി​ൽ എ​വി​ടെ​യും ഗ​താ​ഗ​ത​ക്കു​രു​ക്ക്. റി​സോ​ർ​ട്ടു​ക​ളും ലോ​ഡ്ജു​ക​ളു​മെ​ല്ലാം ദി​വ​സ​വും ഫു​ൾ. ഭ​ക്ഷ​ണ​ശാ​ല​ക​ളി​ൽ​പോ​ലും ക്യൂ ​നി​ൽ​ക്കേ​ണ്ട അ​വ​സ്ഥ. ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ട​യി​ലെ ഏ​റ്റ​വും മി​ക​ച്ച വി​നോ​ദ​സ​ഞ്ചാ​ര സീ​സ​നാ​ണ് മൂ​ന്നാ​റി​ൽ ക​ട​ന്നു​പോ​കു​ന്ന​ത്. മേ​യി​ൽ ന​ട​ന്ന പു​ഷ്പ​മേ​ള​യും മൂ​ന്നാ​ർ മേ​ള​യും സ​ഞ്ചാ​രി​ക​ളു​ടെ എ​ണ്ണം വ​ർ​ധി​ക്കാ​ൻ കാ​ര​ണ​മാ​യി.

ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​നു കീ​ഴി​ലു​ള്ള ബൊ​ട്ടാ​ണി​ക്ക​ൽ ഉ​ദ്യാ​നം ഏ​പ്രി​ലി​ൽ 28,040 പേ​ർ സ​ന്ദ​ർ​ശി​ച്ച​പ്പോ​ൾ പു​ഷ്പ​മേ​ള ന​ട​ന്ന മേ​യി​ൽ ഇ​വി​ടെ​യെ​ത്തി​യ​ത് 1,16,133 പേ​രാ​ണ്. വ​ര​യാ​ടു​ക​ളു​ടെ ആ​വാ​സ​മേ​ഖ​ല​യാ​യ രാ​ജ​മ​ല​യി​ൽ ഏ​പ്രി​ലി​ൽ 70,535 പേ​രും മേ​യി​ൽ അ​വ​സാ​ന​ത്തെ ര​ണ്ടു​ദി​വ​സ​ത്തെ ക​ണ​ക്കൊ​ഴി​ച്ചാ​ൽ 99,818 പേ​രും സ​ന്ദ​ർ​ശ​നം ന​ട​ത്തി. ഇ​വി​ടെ ഒ​രു ദി​വ​സം പ്ര​വേ​ശി​പ്പി​ക്കാ​വു​ന്ന സ​ന്ദ​ർ​ശ​ക​രു​ടെ എ​ണ്ണ​ത്തി​ന് പ​രി​മി​തി​യു​ള്ള​തി​നാ​ൽ ഒ​ട്ടേ​റെ​പ്പേ​ർ​ക്ക് പ്ര​വേ​ശ​നം ല​ഭി​ക്കാ​തെ മ​ട​ങ്ങേ​ണ്ടി​വ​ന്നു. പൊ​ലീ​സും ടൂ​റി​സം വ​കു​പ്പും ഇ​ക്കാ​ല​യ​ള​വി​ൽ മി​ക​ച്ച പ്ര​വ​ർ​ത്ത​നം കാ​ഴ്ച​വെ​ച്ചു. സ​ഞ്ചാ​രി​ക​ളു​ടെ വ​ർ​ധ​ന​ക്ക്​ അ​നു​സ​രി​ച്ച് മാ​ലി​ന്യ​നി​ക്ഷേ​പ​ത്തി​ൽ പ​തി​ൻ​മ​ട​ങ് വ​ർ​ധ​ന​യു​ണ്ടാ​യെ​ങ്കി​ലും മാ​ലി​ന്യ​നി​ർ​മാ​ർ​ജ​ന​ത്തി​ൽ പ്ര​ശം​സ​നീ​യ പ്ര​വ​ർ​ത്ത​ന​മാ​ണ് പ​ഞ്ചാ​യ​ത്തും കാ​ഴ്ച​വെ​ച്ച​ത്. പ​രി​മി​ത​മാ​യ സൗ​ക​ര്യ​ങ്ങ​ളി​ലേ​ക്ക് ല​ക്ഷ​ക്ക​ണ​ക്കി​ന് ടൂ​റി​സ്റ്റു​ക​ൾ എ​ത്തി​യി​ട്ടും യാ​തൊ​രു അ​നി​ഷ്ടം സം​ഭ​വ​ങ്ങ​ളോ സ​ന്ദ​ർ​ശ​ക​ർ​ക്ക് അ​ല​സോ​ര​മാ​വു​ന്ന സം​ഭ​വ​ങ്ങ​ളോ ഈ ​സീ​സ​ണി​ൽ ഇ​വി​ടെ റി​പ്പോ​ർ​ട്ട്‌ ചെ​യ്യ​പ്പെ​ട്ടി​ല്ല.

ഇ​ക്കു​റി മ​ൺ​സൂ​ൺ ടൂ​റി​സ​വും പ്ര​തീ​ക്ഷ ന​ൽ​കു​ന്ന​താ​യി ഈ ​മേ​ഖ​ല​യി​ലു​ള്ള​വ​ർ പ​റ​യു​ന്നു. അ​റ​ബി​ക​ളാ​ണ് മ​ൺ​സൂ​ൺ ആ​സ്വ​ദി​ക്കാ​ൻ എ​ത്തു​ന്ന വി​ദേ​ശി​ക​ളി​ൽ ഏ​റെ​യും. വ്യാ​പാ​ര​മേ​ഖ​ല​ക്കും ഉ​ണ​ർ​വ് പ​ക​രു​ന്ന​താ​ണ് ഇ​വ​രു​ടെ സ​ന്ദ​ർ​ശ​നം.

മാ​ട്ടു​പ്പെ​ട്ടി​യി​ൽ ബോ​ട്ടു​ക​ൾ ക​ട്ട​പ്പു​റ​ത്ത്; ന​ഷ്ടം കോ​ടി​ക​ൾ

മൂ​ന്നാ​ർ: വി​നോ​ദ​സ​ഞ്ചാ​രി​ക​ളു​ടെ ഇ​ഷ്ട​കേ​ന്ദ്ര​മാ​യ മാ​ട്ടു​പ്പെ​ട്ടി​യി​ൽ ബോ​ട്ടു​ക​ൾ ക​ട്ട​പ്പു​റ​ത്ത്. ഇ​തി​ലൂ​ടെ സ​ർ​ക്കാ​റി​ന് ന​ഷ്ടം കോ​ടി​ക​ൾ. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​ന് ഇ​വി​ടെ നാ​ലു സ്പീ​ഡ് ബോ​ട്ടും 10 സീ​റ്റി​ന്റെ​യും 20 സീ​റ്റി​ന്റെ​യും ഒ​ന്നു​വീ​തം ബോ​ട്ടു​ക​ളു​മാ​ണു​ള്ള​ത്.

ഇ​തി​ൽ മൂ​ന്ന് സ്പീ​ഡ് ബോ​ട്ടു​ക​ൾ യ​ന്ത്ര​ത്ത​ക​രാ​ർ മൂ​ലം നി​ർ​ത്തി​യി​ട്ടി​രി​ക്കു​ക​യാ​ണ്. ഒ​രു​മാ​സം മു​മ്പ്​ ത​ക​രാ​ർ പ​രി​ഹ​രി​ക്കാ​ൻ കൊ​ണ്ടു​പോ​യ ഇ​വ​യു​ടെ യ​ന്ത്ര​ങ്ങ​ൾ ഇ​തു​വ​രെ തി​രി​ച്ചെ​ത്തി​യി​ട്ടി​ല്ല. 10 സീ​റ്റ്‌ ബോ​ട്ടും യ​ന്ത്ര​ത്ത​ക​രാ​ർ നി​മി​ത്തം ഓ​ടാ​തെ കി​ട​ക്കു​ന്നു.

സ​ഞ്ചാ​രി​ക​ൾ ഒ​ഴു​കി​യെ​ത്തി​യ ഈ ​സീ​സ​ണി​ൽ ഒ​രു സ്പീ​ഡ് ബോ​ട്ടും ഒ​രു 20 സീ​റ്റ്‌ ബോ​ട്ടും മാ​ത്ര​മാ​ണ് ഇ​വ​ർ​ക്ക് പ്ര​വ​ർ​ത്തി​പ്പി​ക്കാ​നാ​യ​ത്. എ​ന്നി​ട്ടും ര​ണ്ടു മാ​സ​ത്തി​നി​ടെ 17 ല​ക്ഷം രൂ​പ വ​രു​മാ​ന​മു​ണ്ടാ​ക്കാ​നാ​യി. മ​റ്റ് ബോ​ട്ടു​ക​ൾ​കൂ​ടി ഓ​ടി​യി​രു​ന്നെ​ങ്കി​ൽ ഇ​തി​ന്റെ അ​ഞ്ചി​ര​ട്ടി​യെ​ങ്കി​ലും വ​രു​മാ​നം നേ​ടാ​മാ​യി​രു​ന്നു. ഹൈ​ഡ​ൽ ടൂ​റി​സ​ത്തി​ന്റെ നാ​ല് സ്പീ​ഡ് ബോ​ട്ടു​ക​ൾ സ​ർ​വി​സ് ന​ട​ത്തു​ന്നു​ണ്ട്. മാ​ർ​ച്ചി​ൽ ഇ​വ​ർ നാ​ല് സ്പീ​ഡ് ബോ​ട്ടു​ക​ൾ പു​തി​യ​താ​യി വാ​ങ്ങി​യെ​ങ്കി​ലും യ​ന്ത്ര​ങ്ങ​ൾ ഇ​തു​വ​രെ എ​ത്താ​ത്ത​തി​നാ​ൽ ഇ​വ നീ​റ്റി​ലി​റ​ക്കാ​നാ​യി​ട്ടി​ല്ല. ഡി.​ടി.​പി.​സി‌​ക്കും ഹൈ​ഡ​ലി​നു​മൊ​പ്പം സ്വ​കാ​ര്യ വ്യ​ക്തി​ക്കും മാ​ട്ടു​പ്പെ​ട്ടി​യി​ൽ ബോ​ട്ടി​ങ്ങി​ന് അ​നു​മ​തി ന​ൽ​കി​യി​ട്ടു​ണ്ട്. 77 പേ​ർ​ക്ക് യാ​ത്ര ചെ​യ്യാ​വു​ന്ന വ​ലി​യ ബോ​ട്ടാ​ണി​വ​രു​ടേ​ത്. സ്വ​കാ​ര്യ വ്യ​ക്തി​യെ സ​ഹാ​യി​ക്കാ​നാ​ണോ സ​ർ​ക്കാ​ർ ബോ​ട്ടു​ക​ൾ ക​ട്ട​പ്പു​റ​ത്ത് ക​യ​റ്റി​യ​തെ​ന്ന സം​ശ​യം ഉ​യ​ർ​ന്നി​ട്ടു​ണ്ട്.