സ്റ്റാന്‍ഡിങ്​ കമ്മിറ്റി തെരഞ്ഞെടുപ്പ്: മൂന്നാര്‍ പഞ്ചായത്തിൽ സി.​പി.​ഐ അം​ഗം കോ​ണ്‍ഗ്ര​സി​ലെ​ത്തി

മൂ​ന്നാ​ർ: മൂ​ന്നാ​ർ ഗ്രാ​മ​പ​ഞ്ചാ​യ​ത്തി​ൽ വീ​ണ്ടും കാ​ലു​മാ​റ്റം. സി.​പി.​ഐ അം​ഗം കോ​ണ്‍ഗ്ര​സി​ലേ​ക്ക് മാ​റി​യ​തോ​ടെ പ​ഞ്ചാ​യ​ത്തി​ലെ ക്ഷേ​മ​കാ​ര്യ സ്ഥി​രം​സ​മി​തി തെ​ര​ഞ്ഞെ​ടു​പ്പി​ൽ നാ​ട​കീ​യ രം​ഗ​ങ്ങ​ള്‍ അ​ര​ങ്ങേ​റി. സ്ഥി​രം സ​മി​തി​യി​ലേ​ക്കു​ള്ള തെ​ര​ഞ്ഞെ​ടു​പ്പി​ന് സി.​പി.​ഐ​യി​ലെ ഉ​മാ ര​മേ​ശാ​ണ്​ പ​ത്രി​ക ന​ല്‍കി​യ​ത്. എ​ന്നാ​ല്‍, പാ​ര്‍ട്ടി​യി​ലെ ത​ന്നെ അം​ഗ​മാ​യ ത​ങ്ക​മു​ടി​യും എ​തി​ർ സ്ഥാ​നാ​ർ​ഥി​യാ​യി പ​ത്രി​ക​ന​ല്‍കി.

പാ​ര്‍ട്ടി​യി​ലെ ചി​ല അം​ഗ​ങ്ങ​ളു​ടെ പി​ന്തു​ണ​യും കോ​ണ്‍ഗ്ര​സ് അം​ഗ​ങ്ങ​ളു​ടെ പി​ന്തു​ണ​യും ല​ഭി​ച്ച​തോ​ടെ ത​ങ്ക​മു​ടി വി​ജ​യി​ച്ചു. മൂ​ന്ന്​ പ​തി​റ്റാ​ണ്ടി​ല​ധി​ക​മാ​യി സി.​പി.​ഐ​യി​ൽ പ്ര​വ​ര്‍ത്തി​ക്കു​ന്ന ത​ന്നെ ത​ഴ​യു​ന്നു എ​ന്ന പ​രാ​തി ഉ​യ​ര്‍ത്തി​യാ​ണ് ത​ങ്ക​മു​ടി സ്വ​ന്തം പാ​ര്‍ട്ടി സ്ഥാ​നാ​ർ​ക്കെ​തി​രെ മ​ത്സ​രി​ച്ച​ത്. പാ​ര്‍ട്ടി നേ​താ​ക്ക​ള്‍ ത​ങ്ക​മു​ടി​യെ അ​നു​ന​യി​പ്പി​ക്കാ​ന്‍ ശ്ര​മി​ച്ചെ​ങ്കി​ലും ഫ​ലം​ക​ണ്ടി​ല്ല. കൂ​റു​മാ​റു​ന്ന​വ​രു​ടെ എ​ണ്ണം ഉ​യ​രു​ന്ന​തോ​ടെ മൂ​ന്നാ​ര്‍ പ​ഞ്ചാ​യ​ത്തി​ലെ ഭ​ര​ണ അ​നി​ശ്ചി​താ​വ​സ്ഥ തു​ട​രു​ക​യാ​ണ്.

കോ​ണ്‍ഗ്ര​സി​ല്‍നി​ന്ന്​ മാ​സ​ങ്ങ​ള്‍ക്കു​മു​മ്പ് അ​ട്ടി​മ​റി​യി​ലൂ​ടെ ഇ​ട​തു​പ​ക്ഷം ഭ​ര​ണം പി​ടി​ച്ചെ​ടു​ത്തി​രു​ന്നു. കോ​ണ്‍ഗ്ര​സി​ൽ​നി​ന്ന്​ മ​ത്സ​രി​ച്ച് ജ​യി​ച്ച ര​ണ്ടു​പേ​ര്‍ പ്ര​തി​പ​ക്ഷ​ത്തേ​ക്ക് മാ​റി​യ​തോ​ടെ​യാ​ണ് കോ​ണ്‍ഗ്ര​സി​ന് ഭ​ര​ണം ന​ഷ്ട​പ്പെ​ട്ട​ത്. ഭ​ര​ണ​പ​ക്ഷ​ത്തു​നി​ന്ന്​ ഒ​രു അം​ഗം മ​റു​ക​ണ്ടം ചാ​ടി​യ​തോ​ടെ ഒ​രാ​ളു​ടെ മാ​ത്രം അ​ധി​ക പി​ന്തു​ണ​യു​ള്ള മൂ​ന്നാ​ര്‍ പ​ഞ്ചാ​യ​ത്തി​ല്‍ ഏ​തു​സ​മ​യ​ത്തും ഭ​ര​ണ​മാ​റ്റം ഉ​ണ്ടാ​കാ​മെ​ന്ന​താ​ണ്​ അ​വ​സ്ഥ.