മഞ്ഞിലും കുളിരിലും മൂന്നാർ; താപനില ഈ മാസം മൈനസായേക്കും

മൂ​ന്നാ​ർ: മൂ​ന്നാ​റി​ൽ ശൈ​ത്യ​കാ​ല​ത്തി​ന്​ തു​ട​ക്ക​മാ​യി. ഈ ​സീ​സ​ണി​ലെ ഏ​റ്റ​വും താ​ഴ്ന്ന താ​പ​നി​ല​യാ​യ ഏ​ഴ്​ ഡി​ഗ്രി സെ​ൽ​ഷ്യ​സ്​ കു​ണ്ട​ള​യി​ൽ രേ​ഖ​പ്പെ​ടു​ത്തി. ഇ​തോ​ടെ കൊ​ടും​ത​ണു​പ്പി​ന്‍റെ കു​ളി​ര​ണി​ഞ്ഞു മൂ​ന്നാ​ർ.

മൂ​ന്നാ​ർ ടൗ​ൺ, ന​ല്ല​ത​ണ്ണി എ​ന്നി​വി​ട​ങ്ങ​ളി​ൽ എ​ട്ട്​ ഡി​ഗ്രി​യാ​ണ്​ ക​ഴി​ഞ്ഞ രാ​ത്രി രേ​ഖ​പ്പെ​ടു​ത്തി​യ​ത്. രാ​ത്രി​യി​ലും പു​ല​ർ​ച്ച​യു​മാ​ണ്​ കൊ​ടും​ത​ണു​പ്പ്. അ​തി​രാ​വി​ലെ ചെ​ടി​ക​ളു​ടെ ഇ​ല​യി​ലും പു​ൽ​മേ​ടു​ക​ളി​ലും മ​ഞ്ഞു​ക​ണ​ങ്ങ​ളു​മു​ണ്ട്. ഇ​തേ കാ​ലാ​വ​സ്ഥ തു​ട​ർ​ന്നാ​ൽ ഒ​രാ​ഴ്ച​ക്കു​ള്ളി​ൽ താ​പ​നി​ല മൈ​ന​സി​ലെ​ത്തു​മെ​ന്നാ​ണ്​ സൂ​ച​ന. അ​തേ​സ​മ​യം പ​ക​ൽ​ച്ചൂ​ട് 20 മു​ത​ൽ 25 ഡി​ഗ്രി സെ​ൽ​ഷ്യ​സ് വ​രെ​യാ​ണ്​ രേ​ഖ​പ്പെ​ടു​ത്തി​യ​ത്. ഈ ​മാ​സം 20 മു​ത​ൽ ജ​നു​വ​രി മൂ​ന്നു​വ​രെ മൂ​ന്നാ​റി​ലെ ഭൂ​രി​പ​ക്ഷം ഹോ​ട്ട​ലു​ക​ളി​ലും റി​സോ​ർ​ട്ടു​ക​ളി​ലും ബു​ക്കി​ങ് ന​ട​ന്നി​ട്ടു​ണ്ട്. മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് ഇ​ത്ത​വ​ണ ക്രി​സ്മ​സ്-​പു​തു​വ​ത്സ​ര സീ​സ​ണി​ൽ തി​ര​ക്ക് കൂ​ടു​ത​ലാ​ണ്.

വ​ട​ക്കേ ഇ​ന്ത്യ​ൻ സം​സ്ഥാ​ന​ങ്ങ​ളി​ൽ വി​വാ​ഹ സീ​സ​ണാ​യ​തി​നാ​ൽ ഇ​ത്ത​വ​ണ ഹ​ണി​മൂ​ണി​നാ​ണ് ഏ​റ്റ​വു​മ​ധി​കം മു​റി​ക​ൾ ബു​ക്ക് ചെ​യ്ത​ത്. ജി​ല്ല​യി​ലെ പ്ര​ധാ​ന വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളാ​യ തേ​ക്ക​ടി, വാ​ഗ​മ​ൺ എ​ന്നി​വി​ട​ങ്ങ​ളി​ലേ​ക്കും സ​ഞ്ചാ​രി​ക​ൾ എ​ത്തി​ത്തു​ട​ങ്ങി​യി​ട്ടു​ണ്ട്. വി​ദേ​ശ സ​ഞ്ചാ​രി​ക​ളും കേ​ര​ള​ത്തി​ന് പു​റ​ത്തു​നി​ന്നു​ള്ള ആ​ഭ്യ​ന്ത​ര സ​ഞ്ചാ​രി​ക​ളും കൂ​ടു​ത​ലാ​യി എ​ത്തു​മെ​ന്നാ​ണ് പ്ര​തീ​ക്ഷ.