രത്തൻ ടാറ്റയുടെ വേർപാടിൽ തേങ്ങി മൂന്നാർ

മൂ​ന്നാ​ർ: മൂ​ന്നാ​റി​ലെ​ത്തി ജ​ന​ഹൃ​ദ​യം കീ​ഴ​ട​ക്കി​യ ര​ത്ത​ൻ ടാ​റ്റ​യു​ടെ വേ​ർ​പാ​ടി​ൽ തേ​ങ്ങി മൂ​ന്നാ​റും. വി​ക​സ​ന​ത്തി​ലും പ​ച്ച​പ്പ്​ നി​ല​നി​ർ​ത്തു​ക​യെ​ന്ന ര​ത്ത​ൻ ടാ​റ്റ​യു​ടെ ​​പോ​ളി​സി​യാ​ണ്​ ഇ​പ്പോ​ഴും തേ​യി​ല​ത്തോ​ട്ട​ങ്ങ​ളി​ലൂ​ടെ സ​ഞ്ച​രി​ക്കു​മ്പോ​ൾ മൂ​ന്നാ​റി​ൽ അ​വ​ശേ​ഷി​ക്കു​ന്ന ഹ​രി​താ​ഭ. മൂ​ന്നാ​റി​ൽ സി.​ബി.​എ​സ്.​ഇ സ്കൂ​ൾ, ടീ ​മ്യു​സി​യം, ഭി​ന്ന​ശേ​ഷി കു​ട്ടി​ക​ൾ​ക്ക് തൊ​ഴി​ൽ പ​രി​ശീ​ല​ന കേ​ന്ദ്രം, സൂ​പ്പ​ർ ടീ ​ഫാ​ക്ട​റി​ക​ൾ, പാ​ക്കി​ങ്​ ഫാ​ക്ട​റി​ക​ൾ, ഗ​വേ​ഷ​ണ കേ​ന്ദ്രം തു​ട​ങ്ങി ഇ​ന്ന് മൂ​ന്നാ​റി​ൽ കാ​ണു​ന്ന​തി​ൽ കൂ​ടു​ത​ലും ര​ത്ത​ൻ ടാ​റ്റ​യു​ടെ സം​ഭാ​വ​ന​ക​ളാ​ണ്.

മൂ​ന്നാ​ർ, ദേ​വി​കു​ളം, ചി​ന്ന​ക്ക​നാ​ൽ, പ​ള്ളി​വാ​സ​ൽ, മാ​ങ്കു​ളം പ​ഞ്ചാ​യ​ത്തു​ക​ളി​ലാ​യി ടാ​റ്റ​യു​ടെ ഭൂ​മി വ്യാ​പി​ച്ച് കി​ട​ക്കു​ന്നു. 1976ലാ​ണ് ടാ​റ്റ​യു​ടെ മൂ​ന്നാ​ർ പ്ര​വേ​ശ​നം. 1964ൽ ​ഫി​ൻ​ലേ (ക​ണ്ണ​ൻ ദേ​വ​ൻ) ക​മ്പ​നി​യു​മാ​യി ചേ​ർ​ന്ന് ന​ല്ല​ത​ണ്ണി​യി​ൽ ഇ​ൻ​സ്റ്റ​ന്‍റ്​ ടീ ​ഫാ​ക്ട​റി സ്ഥാ​പി​ച്ചെ​ങ്കി​ലും ഭൂ​മി​യി​ൽ പ​ങ്കാ​ളി​ത്തം വ​രു​ന്ന​ത് 1976ൽ ​ടാ​റ്റാ ഫി​ൻ​ലേ​യി​ലൂ​ടെ​യാ​ണ്. 1983ൽ ​പൂ​ർ​ണ​മാ​യും ടാ​റ്റ ടീ​യി​ലൂ​ടെ മൂ​ന്നാ​റി​ന്‍റെ ഉ​ട​മ​യാ​യി ടാ​റ്റ. മാ​റ്റ​ങ്ങ​ളു​ടെ കാ​ല​മാ​യി​രു​ന്നു ടാ​റ്റ​യു​ഗം. ടാ​റ്റ ടീ ​വൈ​സ് പ്ര​സി​ഡ​ൻ​റ്​ മ​ല​യാ​ളി​യാ​യ ആ​ർ.​കെ. കൃ​ഷ്ണ​കു​മാ​റി​ന്‍റെ പ​ദ്ധ​തി​ക​ൾ​ക്ക് ടാ​റ്റ അ​നു​മ​തി ന​ൽ​കി.

തൊ​ഴി​ലാ​ളി​ക​ളു​ടെ ല​യ​ങ്ങ​ൾ വൈ​ദ്യു​തീ​ക​രി​ച്ച​തും ഇ​ക്കാ​ല​ത്താ​ണ്​. പ​രി​സ്ഥി​തി സം​ര​ക്ഷ​ണ​ത്തി​നും ആ​ദി​വാ​സി ക്ഷേ​മ​ത്തി​നും മു​ന്തി​യ പ​രി​ഗ​ണ​ന ന​ൽ​കി. ഇ​തി​നി​ടെ സ​ർ​ക്കാ​ർ ഭൂ​മി ടാ​റ്റ കൈ​വ​ശ​പ്പെ​ടു​ത്തി എ​ന്ന ആ​രോ​പ​ണ​വു​മാ​യി വി.​എ​സ്. അ​ച്യു​താ​ന​ന്ദ​ൻ വ​ന്ന​തോ​ടെ ക​ഥ മാ​റി. ഭൂ​മി സ​ർ​വേ ചെ​യ്യാ​ൻ വ​ന്ന സ​ർ​ക്കാ​ർ ഉ​ദ്യോ​ഗ​സ്ഥ​ർ സ​ർ​ക്കാ​ർ ഭൂ​മി​യു​ടെ വി​ൽ​പ്പ​ന​ക്കാ​രാ​യി.

അ​തി​നി​ടെ, ആ​ഗോ​ള ത​ല തേ​യി​ല വി​പ​ണി​യി​ൽ പ്ര​തി​സ​ന്ധി​യു​ണ്ടാ​യ​തി​നെ തു​ട​ർ​ന്ന് 2005ൽ ​ടാ​റ്റ ടീ ​വ്യ​വ​സാ​യ​ത്തി​ൽ നി​ന്ന് പി​ന്മാ​റി. തൊ​ഴി​ലാ​ളി​ക​ൾ​ക്ക് പ​ങ്കാ​ളി​ത്ത​മു​ള്ള കെ.​ഡി.​എ​ച്ച്.​പി തേ​യി​ല വ്യ​വ​സാ​യ ന​ട​ത്തി​പ്പ് കൈ​മാ​റി.

എ​ങ്കി​ലും ഭൂ​മി​യു​ടെ അ​വ​കാ​ശ​വും മൂ​ന്നാ​റി​ലെ ആ​ശു​പ​ത്രി​യും പ​ള്ളി​വാ​സ​ൽ, പെ​രി​യ​ക​നാ​ൽ എ​സ്റ്റേ​റ്റു​ക​ളും ടാ​റ്റ​ക്കാ​ണ്.

ഇ​ട​ക്ക് പ​ല ത​വ​ണ ര​ത്ത​ൻ ടാ​റ്റ മൂ​ന്നാ​ർ സ​ന്ദ​ർ​ശി​ച്ചു. ചെ​ണ്ടു​വ​ര സൂ​പ്പ​ർ ടീ ​ഫാ​ക്ട​റി ഉ​ദ്​​ഘാ​ട​നം, ഹൈ​റേ​ഞ്ച് സ്കൂ​ൾ വാ​ർ​ഷി​ക​ത്തി​നും ടീ ​മ്യു​സി​യം ഉ​ദ്​​ഘാ​ട​ന​ത്തി​നും എ​ത്തി. ടാ​റ്റ ജ​ന​റ​ൽ ആ​ശു​പ​ത്രി​യും സ​ന്ദ​ർ​ശി​ച്ചു. ര​ത്ത​ൻ ടാ​റ്റ​യു​ടെ വേ​ർ​പാ​ടി​ൽ മൂ​ന്നാ​റി​ന്‍റെ മ​ന​സ്സി​നും നോ​വേ​റ്റി​രി​ക്കു​ക​യാ​ണ്.