കാറ്റും മഴയും നടുവൊടിഞ്ഞ്​ വട്ടവട

മൂ​ന്നാ​ർ: ശ​ക്ത​മാ​യ കാ​റ്റി​ലും മ​ഴ​യി​ലും ദേ​വി​കു​ളം താ​ലൂ​ക്കി​ൽ ഒ​രു കോ​ടി​യി​ല​ധി​കം രൂ​പ​യു​ടെ നാ​ശ​ന​ഷ്​​ടം. 70 വീ​ടും 500 ഏ​ക്ക​റോ​ളം കൃ​ഷി​ഭൂ​മി​യും ന​ശി​ച്ച​താ​യാ​ണ് പ്രാ​ഥ​മി​ക വി​വ​രം. ഏ​റ്റ​വും കൂ​ടു​ത​ൽ നാ​ശ​ന​ഷ്​​ടം സം​ഭ​വി​ച്ച​ത് വ​ട്ട​വ​ട പ​ഞ്ചാ​യ​ത്തി​ലാ​ണ്. ഇ​വി​ടെ മാ​ത്രം 12 വീ​ടു​ക​ൾ പൂ​ർ​ണ​മാ​യും 40 വീ​ട്​ ഭാ​ഗി​ക​മാ​യും ത​ക​ർ​ന്നു. അ​ടി​മാ​ലി മ​ന്നാം​ക​ണ്ടം വി​ല്ലേ​ജി​ൽ ര​ണ്ട്​ വീ​ടും പൂ​ർ​ണ​മാ​യും ത​ക​ർ​ന്നു. ഒ​രു കോ​ടി​യോ​ളം രൂ​പ​യു​ടെ നാ​ശ​ന​ഷ്​​ട​മാ​ണ്​ ഉ​ണ്ടാ​യ​തെ​ന്ന് ത​ഹ​സി​ൽ​ദാ​ർ രാ​ധാ​കൃ​ഷ്ണ​ൻ ക​ല​ക്ട​ർ​ക്ക് ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു. നൂ​റി​ലേ​റെ മ​ര​ങ്ങ​ളാ​ണ് റോ​ഡി​ലേ​ക്ക് ക​ട​പു​ഴ​കി​യ​ത്. മു​പ്പ​തി​ല​ധി​കം വൈ​ദ്യു​തി പോ​സ്​​റ്റു​ക​ൾ ത​ക​ർ​ന്നു. കൃ​ഷി​യി​റ​ക്കി​യ 500 ഏ​ക്ക​റോ​ളം സ്ഥ​ല​വും ന​ശി​ച്ചു. അ​ടു​ത്തി​ടെ​യാ​ണ്​ പാ​ട​ത്ത്​ വി​ത്തി​റ​ക്കി​യ​ത്. ഇ​തെ​ല്ലാം വെ​ള്ളം പൊ​ങ്ങി ന​ശി​ച്ചു.

വ​ട്ട​വ​ട, പ​ഴ​ത്തോ​ട്ടം, കോ​വി​ലൂ​ർ, കൊ​ട്ട​ക്കാ​മ്പൂ​ർ എ​ന്നി​വി​ട​ങ്ങ​ളി​ലാ​ണ് കാ​റ്റ് വ​ൻ​നാ​ശം വി​ത​ച്ച​ത്. രാ​ത്രി​യി​ൽ വീ​ടു​ക​ളി​ൽ കി​ട​ന്നു​റ​ങ്ങി​യ നാ​ട്ടു​കാ​ർ ശ​ക്ത​മാ​യ കാ​റ്റി​ൽ വീ​ടി​െൻറ മേ​ൽ​ക്കൂ​ര​ക​ൾ പ​റ​ന്നു​പൊ​ങ്ങി​യ​തോ​ടെ നി​ല​വി​ളി​ച്ച് പു​റ​ത്തേ​ക്ക് ഓ​ടു​ക​യാ​യി​രു​ന്നു. ഇ​തി​നി​ടെ, ചി​ ല വീ​ടു​ക​ൾ​ക്ക് മു​ക​ളി​ലേ​ക്ക് മ​ര​ങ്ങ​ളും വീ​ണ​ത് ഭീ​തി ഇ​ര​ട്ടി​യാ​ക്കി.

വ​ട്ട​വ​ട​യി​ലെ സം​ഭ​വ​മ​റി​ഞ്ഞ് എ​ത്തി​യ ഉ​ദ്യോ​ഗ​സ്ഥ​ർ​ക്കും റോ​ഡി​ൽ മ​രം വീ​ണ് ഗ​താ​ഗ​തം ത​ട​സ്സ​പ്പെ​ട്ട​തോ​ടെ സ​മ​യ​ത്ത് എ​ത്തി​ച്ചേ​രാ​ൻ ക​ഴി​ഞ്ഞി​ല്ല. വൈ​ദ്യു​തി പോ​സ്​​റ്റു​ക​ൾ ത​ക​ർ​ന്ന​തോ​ടെ വൈ​ദ്യു​തി വി​ത​ര​ണ​വും ത​ട​സ്സ​പ്പെ​ട്ടു. ഇ​ത് പു​നഃ​സ്ഥാ​പി​ക്കാ​ൻ 10 ദി​വ​സ​മെ​ങ്കി​ലും വേ​ണ്ടി​വ​രു​മെ​ന്ന് അ​ധി​കൃ​ത​ർ അ​റി​യി​ച്ചു.

മൂ​ന്നാ​ർ മ​ല​നി​ര​ക​ളി​ൽ മ​ഴ ശ​ക്ത​മാ​യ​തോ​ടെ മു​തി​ര​പ്പു​ഴ​യാ​റ്റി​ലെ നീ​രൊ​ഴു​ക്ക് വ​ർ​ധി​ച്ചു. പ​ഴ​യ മൂ​ന്നാ​ർ ഹെ​ഡ് വ​ർ​ക്സ് ഡാം ​നി​റ​ഞ്ഞ​തോ​ടെ ഹൈ​ഡ​ൽ പാ​ർ​ക്കി​ലേ​ക്ക് വെ​ള്ളം ക​യ​റി​യെ​ങ്കി​ലും അ​പ​ക​ട​ഭീ​ഷ​ണി ഇ​ല്ല.