കാർ ബസിൽ ഇടിച്ചുകയറി; രണ്ടുപേർക്ക് പരിക്ക്

മുട്ടം: നിയന്ത്രണം നഷ്ടപ്പെട്ട കാർ ബസിലേക്ക് ഇടിച്ചുകയറി രണ്ടുപേർക്ക് പരിക്ക്. തൊടുപുഴ ചീഫ് ജുഡീഷ്യൽ മജിസ്ട്രേറ്റിന്‍റെ ഉടമസ്ഥയിലെ കാറാണ് അപകടത്തിൽപെട്ടത്. ബുധനാഴ്ച വൈകീട്ട് അഞ്ചുമണിയോടെ തോണികല്ലിലാണ് അപകടം. മേലുകാവ് ഭാഗത്തുനിന്ന് ഇറക്കമിറങ്ങിവന്ന കാർ നിയന്ത്രണംവിട്ട് ബസിൽ ഇടിക്കുകയായിരുന്നു.

കാറിന്‍റെ പിൻസീറ്റിലിരുന്ന കുട്ടിയടക്കം രണ്ടുപേർക്കാണ് പരിക്ക്.പരിക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു.