കോടതി ഉത്തരവ്​ അവഗണിക്കുന്നു; നിരത്ത് കൈയ്യടക്കി പരസ്യ ബോർഡുകൾ

മു​ട്ടം: ഹൈ​കോ​ട​തി ഉ​ത്ത​ര​വി​നെ​ത്തു​ട​ർ​ന്ന് നീ​ക്കം ചെ​യ്ത പ​ര​സ്യ ബോ​ർ​ഡു​ക​ൾ വീ​ണ്ടും നി​ര​ത്ത് ക​യ്യ​ട​ക്കി​ത്തു​ട​ങ്ങി. രാ​ഷ​ട്രീ​യ പാ​ർ​ട്ടി​ക​ളു​ടേ​യും വ്യാ​പാ​ര സ്ഥാ​പ​ന​ങ്ങ​ളു​ടേ​യും പ​ര​സ്യ ബോ​ർ​ഡു​ക​ളാ​ണ് റോ​ഡ് വ​ക്കി​ലും പൊ​തു​സ്ഥ​ല​ങ്ങ​ളി​ലും നി​റ​ഞ്ഞ് നി​ൽ​ക്കു​ന്ന​ത്.

നൂ​റ് ക​ണ​ക്കി​ന് ഫ്ല​ക്സ് ബോ​ർ​ഡു​ക​ൾ റോ​ഡി​ൽ നി​ര​ന്നി​ട്ടും ഉ​ദ്യോ​ഗ​സ്ഥ​ർ യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ലെ​ന്ന ആ​ക്ഷേ​പം ശ​ക്ത​മാ​ണ്. ഇ​തോ​ടൊ​പ്പം മു​റി​ച്ചു​നീ​ക്കി​യ കൊ​ടി​മ​ര​ങ്ങ​ളും വീ​ണ്ടും സ്ഥാ​പി​ച്ച് തു​ട​ങ്ങി​യി​ട്ടു​ണ്ട്. വ​ഴി​യോ​ര​ങ്ങ​ളി​ലെ ബോ​ർ​ഡു​ക​ൾ പ​ല​തും അ​പ​ക​ടാ​വ​സ്ഥ​യി​ലാ​ണ്. മാ​സ​ങ്ങ​ൾ​ക്ക് മു​ന്നേ പൊ​തു​സ്ഥ​ല​ത്തെ കൊ​ടി​മ​ര​ങ്ങ​ൾ മു​ഴു​വ​ൻ പി​ഴു​തു​മാ​റ്റ​ണ​മെ​ന്ന് ഹൈ​കോ​ട​തി ഉ​ത്ത​ര​വി​ട്ടി​രു​ന്നു. പാ​ത​യോ​ര​ങ്ങ​ളി​ൽ നി​ന്നും 10 ദി​വ​സ​ത്തി​ന​കം നീ​ക്കം ചെ​യ്യ​ണ​മെ​ന്നാ​ണ് കോ​ട​തി അ​ന്ന് ഉ​ത്ത​ര​വ് ഇ​ട്ടി​രു​ന്ന​ത്.

എ​ന്നാ​ൽ ആ​ഴ്ച​ക​ൾ ക​ഴി​ഞ്ഞി​ട്ടും കൊ​ടി​മ​ര​ങ്ങ​ൾ പി​ഴു​തു മാ​റ്റി​യി​രു​ന്നി​ല്ല. തു​ട​ർ​ന്ന് കോ​ട​തി സ്വ​രം ക​ടു​പ്പി​ക്കു​ക​യും കൊ​ടി​മ​ര​ങ്ങ​ളും ഫ്ല​ക്സും തോ​ര​ണ​ങ്ങ​ളും ഉ​ട​ൻ നീ​ക്കം ചെ​യ്ത് റി​പ്പോ​ർ​ട്ട് ന​ൽ​ക​ണ​മെ​ന്നും ആ​വ​ശ്യ​പ്പെ​ട്ട​തോ​ടെ​യാ​ണ് ഭൂ​രി​പ​ക്ഷം പ​ര​സ്യ​ങ്ങ​ളും നീ​ക്കം ചെ​യ്ത​ത്. എ​ന്നാ​ൽ അ​വ വീ​ണ്ടും നി​ര​ത്തി​ൽ നി​റ​ഞ്ഞി​രി​ക്കു​ക​യാ​ണ്.