ജില്ല ജയിലിൽ ജീവനക്കാർ കുറവ്; പ്രവർത്തനം അവതാളത്തിൽ

മു​ട്ടം: ജീ​വ​ന​ക്കാ​രു​ടെ കു​റ​വു​മൂ​ലം ജി​ല്ല ജ​യി​ലി​ന്‍റെ പ്ര​വ​ർ​ത്ത​നം അ​വ​താ​ള​ത്തി​ൽ. ആ​വ​ശ്യ​മു​ള്ള​തി​ന്‍റെ പ​കു​തി ജീ​വ​ന​ക്കാ​ർ മാ​ത്ര​മാ​ണ്​ നി​ല​വി​ലു​ള്ള​ത്. 40ല​ധി​കം ജീ​വ​ന​ക്കാ​ർ വേ​ണ്ടി​ട​ത്ത് ഉ​ള്ള​ത് 23 പേ​ർ മാ​ത്രം. 2018 ന​വം​ബ​റി​ൽ 80 ത​ട​വു​പു​ള്ളി​ക​ളു​മാ​യി ജി​ല്ല ജ​യി​ൽ പ്ര​വ​ർ​ത്ത​നം ആ​രം​ഭി​ച്ച​പ്പോ​ൾ ഉ​ള്ള അ​തേ സ്റ്റാ​ഫ് പാ​റ്റേ​ണാ​ണ്​ ഇ​പ്പോ​ഴും.

സ്റ്റാ​ഫ് പാ​റ്റേ​ൺ വ​ർ​ധി​പ്പി​ക്കാ​ത്ത​തി​നാ​ൽ താ​ൽ​ക്കാ​ലി​ക സ്റ്റാ​ഫി​നെ​പ്പോ​ലും നി​യ​മി​ക്കാ​ൻ ക​ഴി​യു​ന്നി​ല്ല. നി​ല​വി​ൽ ശ​രാ​ശ​രി 180ഓ​ളം ത​ട​വു​പു​ള്ളി​ക​ൾ ജ​യി​ലി​ലു​ണ്ട്. ഇ​ത് പ​ല​പ്പോ​ഴും 250 വ​രെ ആ​കാ​റു​ണ്ട്. മ​റ്റ്​ ജി​ല്ല ജ​യി​ലു​ക​ളെ അ​പേ​ക്ഷി​ച്ച് മു​ട്ടം ജ​യി​ലി​ന് വ​ലു​പ്പ​ക്കൂ​ടു​ത​ൽ ഉ​ള്ള​തി​നാ​ൽ കോ​ട്ട​യം, എ​റ​ണാ​കു​ളം ജി​ല്ല​ക​ളി​ൽ​നി​ന്ന്​ ത​ട​വു​പു​ള്ളി​ക​ളെ മു​ട്ടം ജി​ല്ല ജ​യി​ലി​ൽ എ​ത്തി​ക്കു​ന്നു​ണ്ട്. ത​ട​വു​പു​ള്ളി​ക​ളു​ടെ എ​ണ്ണം കൂ​ടു​മ്പോ​ൾ ഒ​രു സെ​ല്ലി​ൽ 40 പേ​രെ വ​രെ പാ​ർ​പ്പി​ക്കേ​ണ്ട​താ​യി വ​രാ​റു​ണ്ട്. ഇ​ത്ര​യും പേ​രെ ഒ​റ്റ സെ​ല്ലി​ൽ പാ​ർ​പ്പി​ക്കു​ന്ന​ത് വ​ലി​യ ക്ര​മ​സ​മാ​ധാ​ന പ്ര​ശ്ന​ങ്ങ​ൾ​ക്കും കാ​ര​ണ​മാ​യേ​ക്കാം.

കാ​ൻ​റീ​ൻ അ​ട​ഞ്ഞു​ത​ന്നെ

നി​ർ​മാ​ണം പൂ​ർ​ത്തീ​ക​രി​ച്ച് നാ​ലു​വ​ർ​ഷം ക​ഴി​ഞ്ഞി​ട്ടും കാ​ൻ​റീ​ൻ അ​ട​ഞ്ഞു​കി​ട​ക്കു​ക​യാ​ണ്. ഇ​വി​ടേ​ക്ക്​ ആ​വ​ശ്യ​മാ​യ ഫ​ർ​ണി​ച്ച​ർ ഇ​നി​യും എ​ത്തി​യി​ട്ടി​ല്ല. ഇ​തി​നാ​യി ക​ണ്ണൂ​ർ സെ​ൻ​ട്ര​ൽ ജ​യി​ലി​ലേ​ക്ക് ക​ത്ത് ന​ൽ​കി കാ​ത്തി​രി​ക്കു​ക​യാ​ണ്. കാ​ൻ​റീ​ൻ പ്ര​വ​ർ​ത്ത​നം ആ​രം​ഭി​ച്ചാ​ൽ ജ​യി​ലേ​ക്ക് പു​റ​മേ​നി​ന്ന് എ​ത്തു​ന്ന​വ​ർ​ക്കും ജ​യി​ലി​ന് സ​മീ​പ​ത്താ​യി പ്ര​വ​ർ​ത്തി​ക്കു​ന്ന വി​വി​ധ സ​ർ​ക്കാ​ർ - സ്വ​കാ​ര്യ സ്ഥാ​പ​ന​ങ്ങ​ളി​ലെ​യും ആ​ളു​ക​ൾ​ക്ക് കു​റ​ഞ്ഞ​നി​ര​ക്കി​ൽ ഭ​ക്ഷ​ണം വി​ത​ര​ണം ചെ​യ്യാ​ൻ സാ​ധി​ക്കും..