ഓട്ടോയിടിച്ച് കാൽനടയാത്രക്കാരന് ഗുരുതര പരിക്ക്

മു​ട്ടം: ഓ​ട്ടോ​റി​ക്ഷ ഇ​ടി​ച്ച് വീ​ണ കാ​ൽ​ന​ട​യാ​ത്ര​ക്കാ​ര​ന് ഗു​രു​ത​ര പ​രി​ക്കേ​റ്റു. മു​ട്ടം സ്വ​ദേ​ശി പൂ​ച്ച​ക്കു​ഴി​യി​ൽ തോ​മ​സ് ജോ​ർ​ജി​നാ​ണ് (ജോ​യി) പ​രി​ക്കേ​റ്റ​ത്. ബു​ധ​നാ​ഴ്ച രാ​ത്രി 9 മ​ണി​യോ​ടെ മു​ട്ടം ഗ​വ​ൺ​മെ​ൻ്റ് ഹ​യ​ർ സെ​ക്ക​ൻ​ഡ​റി സ്കൂ​ളി​ന് സ​മീ​പ​മാ​ണ് അ​പ​ക​ടം. തോ​മ​സ് ജോ​ർ​ജ് ക​ട​യ​ട​ച്ച് റോ​ഡ് വ​ക്കി​ലൂ​ടെ ന​ട​ക്കു​മ്പോ​ൾ പു​റ​കി​ലൂ​ടെ വ​ന്ന ഓ​ട്ടോ ഇ​ടി​ക്കു​ക​യാ​യി​രു​ന്നു.

തെ​റി​ച്ചു​വീ​ണ​ത് ക​ല്ലി​ൻ​കൂ​ട്ട​ത്തി​ലേ​ക്കാ​ണ്. ത​ല​യു​ടെ പി​ൻ​ഭാ​ഗം ക​ല്ലി​ൽ ഇ​ടി​ച്ച് ഗു​രു​ത​ര പ​രി​ക്കേ​റ്റു. ഓ​ടി​ക്കൂ​ടി​യ നാ​ട്ടു​കാ​ർ ഉ​ട​ൻ തൊ​ടു​പു​ഴ​യി​ലെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ഓ​ട്ടോ നി​ർ​ത്താ​തെ ക​ട​ന്നു ക​ള​ഞ്ഞു. സി.​സി.​ടി.​വി ദൃ​ശ്യ​ങ്ങ​ൾ ശേ​ഖ​രി​ച്ച് ഓ​ട്ടോ മു​ട്ടം പൊ​ലീ​സ് ക​സ്റ്റ​ഡി​യി​ൽ എ​ടു​ത്തു.

അ​പ​ക​ട​ത്തി​ന്​ കാ​ര​ണം പി.​ഡ​ബ്ല്യു.​ഡിയു​ടെ അ​നാ​സ്ഥ​യെ​ന്ന്​

മു​ട്ടം: തോ​മ​സ് ജോ​ർ​ജ്​ അ​പ​ക​ട​ത്തി​ൽ​പ്പെ​ടാ​ൻ കാ​ര​ണം പി.​ഡ​ബ്ല്യു.​ഡി​യു​ടെ അ​നാ​സ്ഥ​യെ​ന്ന് നാ​ട്ടു​കാ​ർ. തു​ട​ങ്ങ​നാ​ട് സ്പൈ​സ​സ് പാ​ർ​ക്കി​ലേ​ക്ക് ഭൂ​മി​ക്ക​ടി​യി​ലൂ​ടെ വൈ​ദ്യു​തി കൊ​ണ്ടു​പോ​കാ​ൻ മു​ട്ടം മു​ത​ൽ കു​ഴി​യെ​ടു​ത്തി​രു​ന്നു. എ​ന്നാ​ൽ, കു​ഴി ശ​രി​യാ​യി മൂ​ടി ടാ​ർ ചെ​യ്തി​രു​ന്നി​ല്ല. ക​ല്ലും പാ​റ​ക്കൂ​ട്ട​ങ്ങ​ളും മ​ണ്ണും കൂ​മ്പാ​ര​മാ​യി കൂ​ട്ടി ​െവ​ക്കു​ക​യാ​ണ് ചെ​യ്ത​ത്.

ഇ​തി​ലൊ​രു ക​ല്ലി​ൽ ഇ​ടി​ച്ചാ​ണ് ത​ല​ക്ക് പി​ന്നി​ൽ ഗു​രു​ത​ര പ​രി​ക്കേ​റ്റ​ത്. തോ​മ​സ് ജോ​ർ​ജി​ന്‍റെ ക​ട​യു​ടെ തൊ​ട്ട​ടു​ത്താ​ണ് അ​പ​ക​ടം സം​ഭ​വി​ച്ച​ത്. കേ​ബി​ൾ ഇ​ട്ട​ശേ​ഷം കു​ഴി ശ​രി​യാ​യി മൂ​ടാ​ത്ത​തി​നെ​തി​രെ തോ​മ​സ് നി​ര​ന്ത​ര പ​രാ​തി​ക​ൾ ന​ൽ​കി​യി​രു​ന്നു. പി.​ഡ​ബ്ല്യു.​ഡി അ​ധി​കൃ​ത​രെ മു​ട്ട​ത്ത് വി​ളി​ച്ചു വ​രു​ത്തു​ക​യും ചെ​യ്തി​രു​ന്നു. എ​ന്നി​ട്ടും അ​ധി​കൃ​ത​ർ വേ​ണ്ട ന​ട​പ​ടി സ്വീ​ക​രി​ച്ചി​ല്ലെ​ന്നാ​ണ്​ ആ​ക്ഷേ​പം.