കെട്ടിടം നിർമിക്കാൻ​ നാലുകോടി; അഗ്നിരക്ഷാസേന യൂനിറ്റിന് ശാപമോക്ഷം

നെ​ടു​ങ്ക​ണ്ടം: അ​ഗ്നി​ര​ക്ഷാ​സേ​ന​ക്ക്​ ആ​സ്ഥാ​നം നി​ർ​മി​ക്കാ​ൻ നാ​ലു​കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ച​തോ​ടെ സേ​ന​ക്ക് പു​തു​ജീ​വ​ൻ. ഒ​മ്പ​ത് വ​ര്‍ഷ​മാ​യി അ​ടി​സ്ഥാ​ന സൗ​ക​ര്യ​ങ്ങ​ളി​ല്ലാ​തെ മു​ട​ന്തി നീ​ങ്ങു​ക​യാ​ണ് നെ​ടു​ങ്ക​ണ്ട​ത്തെ ഉ​ടു​മ്പ​ൻ​ചോ​ല താ​ലൂ​ക്ക്​ അ​ഗ്നി​ര​ക്ഷാ​സേ​ന യൂ​നി​റ്റ്. നെ​ടു​ങ്ക​ണ്ടം ഗ​വ. വൊ​ക്കേ​ഷ​ന​ൽ ഹ​യ​ർ സെ​ക്ക​ഡ​റി സ്‌​കൂ​ളി​ന് സ​മീ​പ​ത്ത് സേ​ന​ക്കു​വേ​ണ്ടി പ​ഞ്ചാ​യ​ത്തു വി​ട്ടു​ന​ല്‍കി​യ 84 സെ​ന്റ് സ്ഥ​ല​ത്താ​ണ് കെ​ട്ടി​ടം നി​ര്‍മി​ക്കാ​ന്‍ നാ​ല് കോ​ടി​യു​ടെ ഭ​ര​ണാ​നു​മ​തി ല​ഭി​ച്ച​ത്.

കെ​ട്ടി​ടം നി​ര്‍മി​ച്ച് അ​ങ്ങോ​ട്ടേ​ക്ക് യൂ​നി​റ്റ് മാ​റി​യാ​ൽ മാ​ത്ര​മേ ആ​വ​ശ്യ​ത്തി​ന് ജീ​വ​ന​ക്കാ​രും മ​തി​യാ​യ താ​മ​സ സൗ​ക​ര്യ​വും വെ​ള്ളം സം​ഭ​രി​ക്ക​ൽ തു​ട​ങ്ങി​യ​വ ഒ​രു​ക്കാ​നാ​വൂ.

2016ലാ​ണ്​ യൂ​നി​റ്റ് കി​ഴ​ക്കേ ക​വ​ല പ​ഞ്ചാ​യ​ത്ത് ക​മ്യൂ​ണി​റ്റി ഹാ​ളി​ന് സ​മീ​പം താ​ല്‍ക്കാ​ലി​ക​മാ​യി പ്ര​വ​ര്‍ത്ത​നം ആ​രം​ഭി​ച്ച​ത്. ക​മ്യൂ​ണി​റ്റി ഹാ​ൾ കെ​ട്ടി​ട​ത്തി​ലാ​ണ് സേ​ന​യു​ടെ വാ​ഹ​ന​ങ്ങ​ൾ പാ​ര്‍ക്ക് ചെ​യ്യു​ന്ന​ത്. ഇ​തി​നോ​ട് ചേ​ര്‍ന്ന പ​ഞ്ചാ​യ​ത്ത് വ​ക കെ​ട്ടി​ട​ത്തി​ന്റെ മു​ക​ളി​ല​ത്തെ നി​ല​യി​ലാ​ണ് ഓ​ഫി​സ് പ്ര​വ​ര്‍ത്തി​ക്കു​ന്ന​ത്.

സ്റ്റേ​ഡി​യം നി​ർ​മാ​ണ​വു​മാ​യി ബ​ന്ധ​പ്പെ​ട്ട് പ​ഞ്ചാ​യ​ത്തി​ന് വി​ട്ടു​കി​ട്ടി​യ ക്വാ​ര്‍ട്ടേ​ഴ്‌​സു​ക​ളി​ലാ​ണ് ജീ​വ​ന​ക്കാ​ര്‍ക്ക് താ​മ​സ സൗ​ക​ര്യം. 24 ഫ​യ​ര്‍മാ​ന്‍മാ​ർ, നാ​ല് ലീ​ഡി​ങ്​ ഫ​യ​ര്‍മാ​ന്‍മാ​ർ, ആ​റ് ഡ്രൈ​വ​ര്‍മാ​ർ, മെ​ക്കാ​നി​ക്ക​ൽ ഡ്രൈ​വ​ർ, എ​ല്‍.​ഡി ക്ലാ​ര്‍ക്ക്, സ്റ്റേ​ഷ​ന്‍ ഓ​ഫി​സ​ർ, അ​സി. ഓ​ഫി​സ​ർ, പി.​ടി.​എ​സ് ഉ​ള്‍പ്പെ​ടെ 39 ജീ​വ​ന​ക്കാ​ർ, ര​ണ്ട് വ​ലി​യ വാ​ഹ​ന​ങ്ങ​ൾ, ആം​ബു​ല​ന്‍സ്, ജീ​പ്പ്, എ​ന്നി​വ അ​ട​ങ്ങി​യ പൂ​ര്‍ണ​തോ​തി​ലു​ള്ള യൂ​നി​റ്റ് നെ​ടു​ങ്ക​ണ്ട​ത്ത് ആ​രം​ഭി​ക്കു​മെ​ന്നാ​യി​രു​ന്നു പ്ര​ഖ്യാ​പ​നം.

എ​ന്നാ​ൽ, ആ​രം​ഭി​ച്ച​ത് മി​നി യൂ​നി​റ്റാ​ണ്. ഇ​തി​ന്റെ പ്ര​വ​ര്‍ത്ത​നം​പോ​ലും കാ​ര്യ​ക്ഷ​മ​മ​ല്ല. പു​തി​യ കെ​ട്ടി​ടം നി​ര്‍മി​ക്കു​ന്ന​തോ​ടെ അ​പ്‌​ഗ്രേ​ഡ് ചെ​യ്ത് കു​റ​ഞ്ഞ​പ​ക്ഷം സിം​ഗി​ൾ സ്റ്റേ​ഷ​നെ​ങ്കി​ലും ആ​ക്കു​മെ​ന്ന പ്ര​തീ​ക്ഷ​യി​ലാ​ണ് നെ​ടു​ങ്ക​ണ്ടം നി​വാ​സി​ക​ൾ.