പന്നിഫാമിൽ ചാരായം വാറ്റുന്നതിനിടെ പിടിയിൽ

നെടുങ്കണ്ടം: പന്നിഫാമിൽ ചാരായം വാറ്റുന്നതിനിടെ ഒരാൾ പിടിയിൽ. മണിയാറൻകുടി പകിട്ടാൻ കരയിൽനിന്ന്​ 600 ലിറ്റർ കോടയും 35 ലിറ്റർ ചാരായവും ഗ്യാസ്​ സ്​റ്റൗ, സിലിണ്ടർ ഉൾപ്പെടെ വാറ്റുപകരണങ്ങളുമായി തെക്കും പാറയിൽ സെബാസ്​റ്റ്യനെനെയാണ് (53) അറസ്​റ്റ്​ ചെയ്തത്. തങ്കമണി എക്സൈസ്​ റേഞ്ച് ഓഫിസി​െൻറയും ഇടുക്കി എക്സൈസ്​ ഇൻറലിജൻസ്​ ബ്യൂറോയുടെയും ​െഡപ്യൂട്ടി എക്സൈസ്​ കമീഷണർ സ്​ക്വാഡി​െൻറയും സംയുക്ത പരിശോധനയിൽ ഓണത്തോടനുബന്ധിച്ച് വിൽപനക്കായി തയാറാക്കിയ ചാരായമാണ് പിടികൂടിയത്.

രാത്രിയിൽ ചാരായം വാറ്റുന്നുണ്ടെന്ന്​ വിവരം ലഭിച്ചതി​െൻറ അടിസ്ഥനത്തിൽ വെള്ളിയാഴ്ച പുലർച്ച അഞ്ചോടെ തങ്കമണി എക്സൈസ്​ ഇൻസ്​പെക്ടർ പി.കെ. സുരേഷി​െൻറ നേതൃത്വത്തിലെ സംഘം പരിശോധന നടത്തിയതിനെ തുടർന്ന് വീടിന്​ സമീപമുള്ള പന്നിഫാമിൽ വാറ്റിക്കൊണ്ടിരുന്ന പ്രതിയെ അറസ്​റ്റ്​ ചെയ്യുകയായിരുന്നു.

മൂന്ന്​ ബാരലുകളിലായാണ് കോട സൂക്ഷിച്ചിരുന്നത്. ഇൻറലിജൻസ്​ ബ്യൂറോ പ്രിവൻറിവ് ഓഫിസർമാരായ എം.പി. പ്രമോദ്, പി.ഡി. സേവ്യർ, കെ.കെ. സുരേഷ് കുമാർ, സി.സി. സാഗർ, സ്​ക്വാഡ് അംഗങ്ങളായ ബി. രാജ്കുമാർ, ടി.എ. അനീഷ്, എം.ഡി. സജീവ് കുമാർ, ജഗൻകുമാർ, അജേഷ് ടി. ഫിലിപ്, സുനിൽകുമാർ, ഷീന തോമസ്​ എന്നിവർ പങ്കെടുത്തു.