നിവരില്ലേ ചുമ്മാരുകട വളവ്?

നെ​ടു​ങ്ക​ണ്ടം: പ​തി​റ്റാ​ണ്ടു​ക​ളാ​യി അ​പ​ക​ടം തു​ട​ര്‍ക്ക​ഥ​യാ​യി​ട്ടും ത​ദ്ദേ​ശ​വാ​സി​ക​ള്‍ റോ​ഡ് ഉ​പ​രോ​ധ​മ​ട​ക്കം സ​മ​ര​ങ്ങ​ള്‍ ന​ട​ത്തി​യി​ട്ടും ചു​മ്മാ​രു​ക​ട കൊ​ടും​വ​ള​വ് നി​വ​ര്‍ക്കാ​ന്‍ അ​ധി​കൃ​ത​ർ ത​യാ​റാ​കു​ന്നി​ല്ല. ഞാ​യ​റാ​ഴ്ച പു​ല​ര്‍ച്ച​യും കൊ​ടും വ​ള​വി​ല്‍ ലോ​റി മ​റി​ഞ്ഞു. ത​മി​ഴ്‌​നാ​ട്ടി​ല്‍നി​ന്ന്​ ചാ​ക്ക്​ ക​യ​റ്റി വ​ന്ന ലോ​റി​യാ​ണ് മ​റി​ഞ്ഞ​ത്. ഡ്രൈ​വ​റും ക്ലീ​ന​റു​മാ​യി​രു​ന്നു ലോ​റി​യി​ല്‍ ഉ​ണ്ടാ​യി​രു​ന്ന​ത്. ഇ​വ​ർ​ക്ക്​ നി​സ്സാ​ര പ​രി​ക്കേ​റ്റു.

ചു​മ്മാ​രു​ക​ട കൊ​ടും​വ​ള​വ് കൂ​ട്ടാ​ര്‍-​ക​മ്പം​മെ​ട്ട് റൂ​ട്ടി​ലാ​ണ് ഈ ​അ​പ​ക​ട വ​ള​വ്. ദി​നേ​ന നൂ​റു​ക​ണ​ക്കി​ന് വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന റോ​ഡാ​ണി​ത്. കു​ത്ത​നെ ഇ​റ​ക്ക​ത്തി​ല്‍ എ​സ് ആ​കൃ​തി​യി​ല്‍ കി​ട​ക്കു​ന്ന കൊ​ടും വ​ള​വി​ല്‍ ചെ​റു​തും വ​ലു​തു​മാ​യ അ​പ​ക​ട​ങ്ങ​ള്‍ നി​ത്യ​സം​ഭ​വ​മാ​ണ്. പ​ല​രു​ടെ​യും മ​ര​ണ​ത്തി​നും നി​ര​വ​ധി​യാ​ളു​ക​ള്‍ക്ക് പ​രി​ക്കേ​ല്‍ക്കാ​നും ഇ​ട​യാ​ക്കി​യ ഒ​ട്ടേ​റെ അ​പ​ക​ട​ങ്ങ​ള്‍ ഇ​വി​ടെ ന​ട​ന്നി​ട്ടു​ണ്ട്. ശാ​ന്തി​പു​രം ഭാ​ഗ​ത്തു​നി​ന്ന്​ വേ​ഗ​ത്തി​ല്‍ ഇ​റ​ക്കം ഇ​റ​ങ്ങി വ​രു​ന്ന വാ​ഹ​ന​ങ്ങ​ളാ​ണ് പ​ല​പ്പോ​ഴും അ​പ​ക​ട​ത്തി​ല്‍പെ​ടു​ന്ന​ത്.

റോ​ഡി​നെ​പ്പ​റ്റി മു​ന്‍പ​രി​ച​യ​മി​ല്ലാ​ത്ത ഡ്രൈ​വ​ര്‍മാ​ര്‍ ഓ​ടി​ച്ചു​വ​രു​ന്ന വാ​ഹ​ന​ങ്ങ​ൾ അ​പ​ക​ട​ത്തി​ൽ​പെ​ടാ​ൻ സാ​ധ്യ​ത ഏ​റെ​യാ​ണ്. ഭാ​രം ക​യ​റ്റി വ​രു​ന്ന വാ​ഹ​ന​ങ്ങ​ള്‍ കൊ​ടും​വ​ള​വി​ൽ നി​യ​ന്ത്ര​ണം​വി​ട്ട് മ​റി​യു​ന്ന​തും പ​തി​വാ​ണ്. പ​ല​പ്പോ​ഴും ഭാ​ഗ്യം​കൊ​ണ്ടാ​ണ് വ​ൻ ദു​ര​ന്തം ഒ​ഴി​വാ​കു​ന്ന​ത്. നി​റ​യെ യാ​ത്ര​ക്കാ​രു​മാ​യി എ​ത്തി​യ ത​മി​ഴ്‌​നാ​ട് കോ​ർ​പ​റേ​ഷ​ൻ വ​ക ബ​സ് നി​യ​ന്ത്ര​ണം​വി​ട്ട് സ​മീ​പ​ത്തെ വൈ​ദ്യു​തി പോ​സ്റ്റു​ക​ൾ ത​ക​ര്‍ത്ത് ക​ട​യി​ല്‍ ഇ​ടി​ച്ചു​നി​ന്ന സം​ഭ​വ​വു​മു​ണ്ട്. നേ​ര​ത്തേ ത​മി​ഴ്‌​നാ​ട്ടി​ൽ​നി​ന്ന്​ അ​റ​വു​മാ​ടു​ക​ളു​മാ​യെ​ത്തി​യ ലോ​റി ഈ ​വ​ള​വി​ൽ അ​പ​ക​ട​ത്തി​ൽ​പെ​ട്ടി​രു​ന്നു. ലോ​റി​യും ജീ​പ്പും മ​റി​ഞ്ഞാ​ണ് ര​ണ്ട് ത​മി​ഴ്‌​നാ​ട് സ്വ​ദേ​ശി​ക​ൾ മ​രി​ച്ച​ത്. ഇ​രു​ച​ക്ര വാ​ഹ​ന​ങ്ങ​ളും ഓ​ട്ടോ​ക​ളും ട്രി​പ് ജീ​പ്പു​ക​ളും അ​പ​ക​ട​ത്തി​ൽ​പെ​ടു​ന്ന​തും പ​തി​വാ​ണ്. അ​ശാ​സ്ത്രീ​യ നി​ർ​മാ​ണ​മാ​ണ് അ​പ​ക​ട​ത്തി​ന്​ പ്ര​ധാ​ന കാ​ര​ണം.