തട്ടിപ്പ്​: ഡീലേഴ്സ് ബാങ്കിന് മുന്നിൽ രാപ്പകൽ സമരത്തിനൊരുങ്ങി നിക്ഷേപകർ

നെ​ടു​ങ്ക​ണ്ടം: മു​ന്‍ ഭ​ര​ണ​സ​മി​തി അം​ഗ​ങ്ങ​ളും ജീ​വ​ന​ക്കാ​രും ചേ​ര്‍ന്ന് ക്ര​മ​ക്കേ​ടു​ക​ള്‍ ന​ട​ത്തു​ക​യും കോ​ടി​ക​ള്‍ ത​ട്ടു​ക​യും ചെ​യ്ത ഡീ​ലേ​ഴ്‌​സ് കോ-​ഓ​പ​റേ​റ്റീ​വ് ബാ​ങ്കി​ന് മു​ന്നി​ല്‍ നി​ക്ഷേ​പ​ക​ർ അ​നി​ശ്ചി​ത​കാ​ല രാ​പ്പ​ക​ല്‍ സ​മ​ര​ത്തി​ന് ഒ​രു​ങ്ങു​ന്നു.

നെ​ടു​ങ്ക​ണ്ട​ത്തെ ഹെ​ഡ് ഓ​ഫീ​സി​ലും കു​മ​ളി, അ​ടി​മാ​ലി, ക​ട്ട​പ്പ​ന എ​ന്നീ ബ്രാ​ഞ്ചു​ക​ളി​ലും നൂ​റു​ക​ണ​ക്കി​ന് ആ​ളു​ക​ളാ​ണ് നി​ക്ഷേ​പം ന​ട​ത്തി​യി​രി​ക്കു​ന്ന​ത്. എ​ന്നാ​ല്‍, കാ​ലാ​വ​ധി പൂ​ര്‍ത്തി​യാ​യ​തും അ​ല്ലാ​ത്ത​തു​മാ​യ നി​ക്ഷേ​പ​ങ്ങ​ള്‍ തി​രി​കെ ന​ല്‍കാ​ന്‍ അ​ധി​കൃ​ത​ര്‍ ത​യാ​റാ​കു​ന്നി​ല്ല.

നി​ക്ഷേ​പ​ക​രി​ല്‍ 70 ശ​ത​മാ​ന​ത്തോ​ളം മു​തി​ര്‍ന്ന പൗ​ര​ന്‍മാ​രാ​ണ്. ഇ​വ​ര്‍ എ​ല്ലാ​ദി​വ​സ​വും എ​ന്ന​പോ​ലെ ബാ​ങ്ക് ക​യ​റി​യി​റ​ങ്ങു​ക​യാ​ണ്. വൃ​ക്ക​രോ​ഗി​ക​ള്‍, ഹൃ​ദ്രോ​ഗ ബാ​ധി​ത​ര്‍, കാ​ന്‍സ​ര്‍ രോ​ഗി​ക​ള്‍, വ​യോ​ധി​ക​ർ, വി​ധ​വ​ക​ൾ ഉ​ൾ​പ്പെ​ടെ​യു​ള്ള​വ​ര്‍ ചി​കി​ത്സ​ക്കും മ​രു​ന്നി​നും പ​ണ​മി​ല്ലാ​തെ വി​ഷ​മി​ക്കു​ക​യാ​ണ്. കൃ​ഷി​ക്കാ​ര്‍, വി​ര​മി​ച്ച ഉ​ദ്യോ​ഗ​സ്ഥ​ര്‍, പ്ര​വാ​സി​ക​ള്‍, കൂ​ലി​പ്പ​ണി​ക്കാ​ര്‍ തു​ട​ങ്ങി​യ​വ​രും നി​ക്ഷേ​പ​ത്തു​ക ല​ഭി​ക്കാ​തെ ബു​ദ്ധി​മു​ട്ടു​ക​യാ​ണ്.

ഈ ​സ​ഹ​ക​ര​ണ പ്ര​സ്ഥാ​ന​ത്തെ സം​ബ​ന്ധി​ച്ച് കോ​ടി​ക​ളു​ടെ വെ​ട്ടി​പ്പ് ക​ഥ​യാ​ണ് ഓ​രോ ദി​വ​സ​വും പു​റ​ത്തു​വ​രു​ന്ന​ത് നി​ക്ഷേ​പ​ത്തു​ക തി​രി​കെ ല​ഭി​ക്കാ​ന്‍ ന​ട​പ​ടി ആ​വ​ശ്യ​പ്പെ​ട്ട് വി​വി​ധ വ​കു​പ്പു​ക​ള്‍ക്കും ന​വ​കേ​ര​ള സ​ദ​സ്സി​ലും പ​രാ​തി ന​ല്‍കി​യെ​ങ്കി​ലും ന​ട​പ​ടി ഉ​ണ്ടാ​യി​ട്ടി​ല്ല. ഈ ​സാ​ഹ​ച​ര്യ​ത്തി​ലാ​ണ് വ​ഞ്ചി​ത​രാ​യ നി​ക്ഷേ​പ​ക​ര്‍ തി​ങ്ക​ളാ​ഴ്ച മു​ത​ല്‍ നെ​ടു​ങ്ക​ണ്ട​ത്തെ ഹെ​ഡ് ഓ​ഫീ​സി​ന് മു​മ്പി​ല്‍ രാ​പ്പ​ക​ല്‍ സ​മ​രം ആ​രം​ഭി​ക്കു​ന്ന​ത്.

രാ​പ്പ​ക​ല്‍ സ​മ​ര​ത്തോ​ടൊ​പ്പം ഒ​രാ​ള്‍ നി​രാ​ഹാ​ര സ​ത്യാ​ഗ്ര​ഹ​വും ആ​രം​ഭി​ക്കു​മെ​ന്ന് നി​ക്ഷേ​പ​ക​രാ​യ കെ.​കെ വി​ജ​യ​കു​മാ​ര്‍, എം.​എ​സ് വേ​ണു​ഗോ​പാ​ല​ന്‍ നാ​യ​ര്‍, വ​സ​ന്ത​കു​മാ​രി, കെ.​എ വ​ര്‍ഗീ​സ്, പി.​ആ​ര്‍ മോ​ഹ​ന​ച​ന്ദ്ര​ന്‍ നാ​യ​ര്‍, എ​സ് വി​ജ​യ​മ്മ, ചെ​റി​യാ​ന്‍, പി.​കെ രാ​ധാ​കൃ​ഷ്ണ​ന്‍ എ​ന്നി​വ​ര്‍ പ​റ​ഞ്ഞു.