സം​യോ​ജി​ത ശി​ശു​വി​ക​സ​ന സേ​വ​നം: കേ​ന്ദ്രം സ​ഹാ​യം നി​ര്‍ത്തി; ത​ദ്ദേ​ശ സ്ഥാ​പ​ന​ങ്ങ​ള്‍ക്ക് ബാ​ധ്യ​ത

നെ​ടു​ങ്ക​ണ്ടം: കൗ​മാ​ര​ക്കാ​രാ​യ പെ​ണ്‍കു​ട്ടി​ക​ളു​ടെ പോ​ഷ​കാ​ഹാ​ര നി​ല​വാ​രം ഉ​യ​ര്‍ത്തു​ന്ന​തി​നും ശാ​ക്തീ​ക​ര​ണ​ത്തി​നു​മാ​യി ന​ട​പ്പാ​ക്കു​ന്ന കേ​ന്ദ്രാ​വി​ഷ്‌​കൃ​ത പ​ദ്ധ​തി​യാ​യ 'സ​ബ​ല'​ക്കു​ള്ള ധ​ന​സ​ഹാ​യം കേ​ന്ദ്ര​സ​ര്‍ക്കാ​ര്‍ നി​ര്‍ത്ത​ലാ​ക്കി​യ​തോ​ടെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ള്‍ക്ക് അ​ധി​ക ബാ​ധ്യ​ത.

അം​ഗ​ൻ​വാ​ടി​ക​ള്‍ വ​ഴി ഐ.​സി.​ഡി.​എ​സ് മു​ഖാ​ന്ത​ര​മാ​ണ് സം​യോ​ജി​ത ശി​ശു​വി​ക​സ​ന സേ​വ​ന (സ​ബ​ല) പ​ദ്ധ​തി​യും കേ​ന്ദ്ര സ​ഹാ​യ​ത്തോ​ടെ​യു​ള്ള മ​റ്റ് പ​ദ്ധ​തി​ക​ളും ന​ട​പ്പാ​ക്കി​യി​രു​ന്ന​ത്. കോ​വി​ഡ് മൂ​ല​മു​ള്ള സാ​മ്പ​ത്തി​ക പ്ര​തി​സ​ന്ധി​യാ​ണ് സ​ബ​ല പ​ദ്ധ​തി​ക​ളു​ടെ ധ​ന​സ​ഹാ​യം നി​ര്‍ത്ത​ലാ​ക്കാ​ന്‍ കാ​ര​ണ​മെ​ന്നാ​ണ് കേ​ന്ദ്ര​സ​ര്‍ക്കാ​ര്‍ പ​ഞ്ചാ​യ​ത്തു​ക​ള്‍ക്ക്​ ന​ല്‍കി​യ വി​ശ​ദീ​ക​ര​ണം.

മു​ല​യൂ​ട്ടു​ന്ന അ​മ്മ​മാ​ര്‍, ആ​റ്​ വ​യ​സ്സി​ല്‍ താ​ഴെ​യു​ള്ള കു​ട്ടി​ക​ള്‍, ആ​റു​മാ​സം പ്രാ​യ​മു​ള്ള കു​ട്ടി​ക​ളു​ടെ അ​മ്മ​മാ​ര്‍ എ​ന്നി​വ​ര്‍ക്ക് ന​ല്‍കു​ന്ന പോ​ഷ​കാ​ഹാ​ര പ​ദ്ധ​തി​ക​ള്‍ക്കു​ള്ള സാ​മ്പ​ത്തി​ക സ​ഹാ​യ​വും കേ​ന്ദ്ര സ​ര്‍ക്കാ​ര്‍ വെ​ട്ടി​ക്കു​റ​ച്ചു.

ഇ​തോ​ടെ കോ​വി​ഡ് കാ​ല​ത്ത് പ​ഞ്ചാ​യ​ത്തു​ക​ള്‍ക്ക് അ​ധി​ക സാ​മ്പ​ത്തി​ക ബാ​ധ്യ​ത​യി​ലേ​ക്ക്​ നീ​ങ്ങു​ക​യാ​ണ്. പോ​ഷ​കാ​ഹാ​ര വി​ത​ര​ണ പ​ദ്ധ​തി​ക​ള്‍ക്ക് പ​ഞ്ചാ​യ​ത്ത് സ്വ​ന്ത​മാ​യി തു​ക ക​ണ്ടെ​ത്തേ​ണ്ടി​വ​രും. ദേ​ശീ​യ കു​ടും​ബാ​രോ​ഗ്യ സ​ര്‍വേ പ്ര​കാ​രം 15നും 19 ​നും ഇ​ട​യി​ല്‍ പ്രാ​യ​മു​ള്ള പെ​ണ്‍കു​ട്ടി​ക​ളി​ല്‍ 26.4 ശ​ത​മാ​നം പേ​ര്‍ക്ക് വി​ള​ര്‍ച്ച​യും 13.5 ശ​ത​മാ​നം പേ​ര്‍ക്ക് ഗു​രു​ത​ര രീ​തി​യി​ല്‍ തൂ​ക്ക​ക്കു​റ​വു​മു​ണ്ടെ​ന്ന്​ ക​ണ്ടെ​ത്തി​യ​തി​െൻറ ഭാ​ഗ​മാ​യാ​ണ് സ​ബ​ല പ​ദ്ധ​തി ആ​വി​ഷ്‌​ക​രി​ച്ച​ത്.

11 മു​ത​ല്‍ 18 വ​യ​സ്സു​വ​രെ​യു​ള്ള പെ​ണ്‍കു​ട്ടി​ക​ളെ​ല്ലാം പ​ദ്ധ​തി​യു​ടെ ഭാ​ഗ​മാ​യി​രു​ന്നു. പെ​ണ്‍കു​ട്ടി​ക​ളെ സം​ബ​ന്ധി​ച്ച് വി​വ​ര​ങ്ങ​ള്‍ ആ​ധാ​ര്‍ ന​മ്പ​ര്‍ ഉ​ള്‍പ്പെ​ടെ പ്ര​ത്യേ​ക ര​ജി​സ്​​റ്റ​റി​ല്‍ സൂ​ക്ഷി​ക്കാ​ന്‍ അം​ഗ​ൻ​വാ​ടി​ക​ള്‍ക്ക് നി​ര്‍ദേ​ശം ന​ല്‍കി​യി​രു​ന്നു. അ​ര്‍ഹ​ത​പ്പെ​ട്ട​വ​ര്‍ക്ക് ദി​വ​സം 600 ക​ലോ​റി​യും 18-20 പ്രോ​ട്ടി​നും ല​ഭി​ക്കു​ന്ന ഭ​ക്ഷ​ണ​പ​ദാ​ര്‍ഥ​ങ്ങ​ള്‍ മാ​സ​ത്തി​ല്‍ ര​ണ്ടു​പ്രാ​വ​ശ്യ​മാ​യി 25 ദി​വ​സ​ത്തേ​ക്ക് വി​ത​ര​ണം ചെ​യ്യ​ണ​മെ​ന്നാ​യി​രു​ന്നു നി​ര്‍ദേ​ശം.

ഗോ​ത​മ്പ്, ശ​ര്‍ക്ക​ര, റാ​ഗി, അ​വ​ല്‍, ക​ട​ല ഭ​ക്ഷ്യ​വ​സ്തു​ക്ക​ളാ​ണ് വി​ത​ര​ണം ചെ​യ്യു​ന്ന​ത്. അം​ഗ​ൻ​വാ​ടി​ക​ളു​ടെ പ​രി​ധി​ക​ളി​ലു​ള്ള കൗ​മാ​ര​ക്കാ​രു​ടെ തൂ​ക്ക​ക്കു​റ​വ്, ആ​രോ​ഗ്യ​പ്ര​ശ്‌​ന​ങ്ങ​ള്‍ എ​ന്നി​വ ശേ​ഖ​രി​ച്ച​ശേ​ഷം മു​ന്‍ഗ​ണ​ന ക്ര​മ​ത്തി​ലാ​ണ് ഇ​പ്പോ​ൾ പോ​ഷ​കാ​ഹാ​ര വി​ത​ര​ണം. 2017ല്‍ ​സ​ബ​ല പ​ദ്ധ​തി കാ​ര്യ​ക്ഷ​മ​മാ​യി ന​ട​പ്പാ​ക്കാ​ന്‍ സം​സ്ഥാ​ന സ​ര്‍ക്കാ​ര്‍ മാ​ര്‍ഗ​നി​ര്‍ദേ​ശ​ങ്ങ​ള്‍ പു​റ​പ്പെ​ടു​വി​ച്ചി​രു​ന്നു.