കോടതിയും വന്നില്ല, ജയിലും തുറന്നില്ല

നെ​ടു​ങ്ക​ണ്ട​ത്ത്​ ​കോ​ട​തി സ​മു​ച്ച​യം തു​ട​ങ്ങാ​നും തു​റ​ന്ന ജ​യി​ൽ ആ​രം​ഭി​ക്കാ​നും ഭ​ര​ണാ​നു​മ​തി ല​ഭി​ച്ചി​ട്ട്​ ആ​റു​വ​ര്‍ഷം ക​ഴി​ഞ്ഞു. റ​വ​ന്യൂ വ​കു​പ്പ് ന​ൽ​കി​യ ര​ണ്ടേ​ക്ക​ർ സ്ഥ​ല​ത്ത്​ കോ​ട​തി സ​മു​ച്ച​യം നി​ര്‍മി​ക്കാ​ൻ 2018ൽ 10 ​കോ​ടി രൂ​പ​യു​ടെ ഭ​ര​ണാ​നു​മ​തി ല​ഭി​ച്ചി​രു​ന്നു. 20 കോ​ടി രൂ​പ​യാ​ണ്​ ചെ​ല​വ്​ പ്ര​തീ​ക്ഷി​ച്ചി​രു​ന്ന​ത്. നെ​ടു​ങ്ക​ണ്ടം മി​നി സി​വി​ൽ സ്റ്റേ​ഷ​ന്റെ പി​ന്നി​ലാ​യാ​ണ് സ​മു​ച്ച​യം നി​ര്‍മി​ക്കാ​ൻ തു​ട​ക്കം കു​റി​ച്ച​ത്. ആ​റ്​ നി​ല​ക​ളി​ൽ നി​ര്‍മി​ക്കു​ന്ന കെ​ട്ടി​ട​ത്തി​ൽ 10 മു​റി​ക​ളും മീ​ഡി​യേ​ഷ​ൻ റൂം, ​ഓ​ഫി​സ്, അ​ഭി​ഭാ​ഷ​ക​ര്‍ക്കും ക്ല​ര്‍ക്കു​മാ​ര്‍ക്കു​മു​ള്ള മു​റി​ക​ൾ, പൊ​തു​ജ​ന​ങ്ങ​ള്‍ക്ക് വി​ശ്ര​മി​ക്കാ​നു​ള്ള സൗ​ക​ര്യം, ടോ​യ്​​ല​റ്റു​ക​ൾ, ഒ​പ്പം ക്വാ​ര്‍ട്ടേ​ഴ്‌​സു​ക​ളും നി​ര്‍മി​ക്കാ​നാ​യി​രു​ന്നു പ​ദ്ധ​തി. ഇ​ത് പൂ​ര്‍ത്തി​യാ​കു​ന്ന​തോ​ടെ നെ​ടു​ങ്ക​ണ്ട​ത്ത് നി​ല​വി​ലു​ള്ള ജു​ഡീ​ഷ്യ​ൽ ഒ​ന്നാം ക്ലാ​സ് മ​ജി​സ്‌​ട്രേ​റ്റ് കോ​ട​തി, ഗ്രാം​ന്യാ​യാ​ല​യ, കു​ടും​ബ​കോ​ട​തി എ​ന്നി​വ പു​തി​യ സ​മു​ച്ച​യ​ത്തി​ലേ​ക്ക് മാ​റ്റു​മെ​ന്നാ​യി​രു​ന്നു പ​റ​ഞ്ഞി​രു​ന്ന​ത്.

മു​ന്‍സി​ഫ്, പോ​ക്‌​സോ, മ​റ്റ് കോ​ട​തി​ക​ൾ എ​ന്നി​വ ഭാ​വി​യി​ൽ നെ​ടു​ങ്ക​ണ്ട​ത്ത് ആ​രം​ഭി​ക്കാ​നും പു​തി​യ സ​മു​ച്ച​യം ഉ​പ​ക​രി​ക്കു​മെ​ന്നാ​യി​രു​ന്നു പ്ര​ഖ്യാ​പ​നം. കെ​ട്ടി​ട​ത്തി​ന്റെ അ​ഭാ​വം​മൂ​ലം നെ​ടു​ങ്ക​ണ്ട​ത്ത് പ്ര​വ​ര്‍ത്ത​നാ​നു​മ​തി ല​ഭി​ക്കേ​ണ്ട പ​ല കോ​ട​തി​ക​ളും മ​റ്റി​ട​ങ്ങ​ളി​ലേ​ക്ക്​ പോ​യി. ഈ ​സ്ഥി​തി​ക്ക് പ​രി​ഹാ​ര​മാ​യാ​ണ് കെ​ട്ടി​ട സ​മു​ച്ച​യം നി​ര്‍മി​ക്കാ​ൻ പ​ദ്ധ​തി​യി​ട്ട​ത്. മ​ണ്ണ് പ​രി​ശോ​ധ​ന​ക​ള​ട​ക്ക​മു​ള്ള പ്രാ​രം​ഭ ന​ട​പ​ടി​ക​ള്‍ക്ക് ശേ​ഷം കെ​ട്ടി​ട​ത്തി​ന്റെ രൂ​പ​രേ​ഖ ത​യാ​റാ​ക്കി നി​ർ​മാ​ണം ആ​രം​ഭി​ക്കു​മെ​ന്നും പ​റ​ഞ്ഞി​രു​ന്നു.

പ​ത്ത് കോ​ടി മു​ട​ക്കി ജീ​വ​ന​ക്കാ​ര്‍ക്ക്​ ക്വാ​ർ​ട്ടേ​ഴ്‌​സ് നി​ര്‍മി​ക്കാ​നാ​യി​രു​ന്നു ആ​ദ്യം പ​ദ്ധ​തി​യി​ട്ട​ത്. സാ​ങ്കേ​തി​ക ന​ട​പ​ടി​ക​ളും പൂ​ര്‍ത്തീ​ക​രി​ച്ചി​രു​ന്നു. കി​ഫ്ബി അം​ഗീ​ക​രി​ക്കു​ന്ന​ന്ന​തോ​ടെ സ​മു​ച്ച​യ നി​ര്‍മാ​ണം ഒ​രു​വ​ര്‍ഷം കൊ​ണ്ട് പൂ​ര്‍ത്തീ​ക​രി​ക്കാ​നാ​യി​രു​ന്നു ല​ക്ഷ്യ​മി​ട്ട​ത്. 2018 ഒ​ക്‌​ടോ​ബ​ർ 25ന് ​ജി​ല്ല ജ​ഡ്ജി മു​ഹ​മ്മ​ദ് വ​സിം സ്ഥ​ലം സ​ന്ദ​ര്‍ശി​ച്ച് സ്ഥി​തി​ഗ​തി​ക​ൾ വി​ല​യി​രു​ത്തി​യ​തു​മാ​ണ്. പ​ക്ഷേ, എ​ല്ലാം രേ​ഖ​യി​ൽ ഒ​തു​ങ്ങി.

താ​ലൂ​ക്ക്​ ആ​സ്ഥാ​ന​മാ​യ നെ​ടു​ങ്ക​ണ്ട​ത്ത് തു​റ​ന്ന ജ​യി​ല്‍ ആ​രം​ഭി​ക്കാ​നും പ​ദ്ധ​തി​യി​ട്ടി​രു​ന്നു. ക​ട്ട​പ്പ​ന, നെ​ടു​ങ്ക​ണ്ടം കോ​ട​തി​ക​ളു​ടെ അ​ധി​കാ​ര പ​രി​ധി​യി​ൽ വ​രു​ന്ന വി​വി​ധ കേ​സു​ക​ളു​മാ​യി ബ​ന്ധ​പ്പെ​ട്ട്​ റി​മാ​ൻ​ഡ്​ ചെ​യ്യു​ന്ന​വ​രെ​യും ശി​ക്ഷി​ക്കു​ന്ന​വ​രെ​യും പാ​ര്‍പ്പി​ക്ക​ണ​മെ​ങ്കി​ൽ പീ​രു​മേ​ട്ടി​ലോ ദേ​വി​കു​ള​ത്തോ പോ​ക​ണം. ഇ​തി​നു പ​രി​ഹാ​ര​മാ​യാ​ണ്​ നെ​ടു​ങ്ക​ണ്ട​ത്ത്​ ജ​യി​ൽ തു​ട​ങ്ങാ​ൻ തീ​രു​മാ​നി​ച്ച​ത്. തേ​വാ​രം​മേ​ട്​ ഇ​തി​നാ​യി പ​രി​ഗ​ണി​ച്ചി​രു​ന്നു. സ്ഥ​ലം മ​തി​യാ​വാ​തെ വ​ന്നാ​ല്‍ തൊ​ട്ട​ടു​ത്ത ഉ​ടു​മ്പ​ന്‍ചോ​ല പ​ഞ്ചാ​യ​ത്തി​ൽ​നി​ന്നു കൂ​ടി സ്ഥ​ലം ക​ണ്ടെ​ത്താ​നും തീ​രു​മാ​നി​ച്ച​താ​ണ്. ഋ​ഷി​രാ​ജ് സി​ങ് ജ​യി​ല്‍ ഡി.​ജി.​പി​യാ​യി​രു​ന്ന​പ്പോ​ൾ തു​ട​ങ്ങി​വെ​ച്ച ആ​ലോ​ച​ന​യാ​ണി​ത്.

എ​ന്നാ​ൽ, സ്ഥ​ലം ഏ​റ്റെ​ടു​ത്തു ന​ല്‍കാ​ൻ ഗ്രാ​മ​പ​ഞ്ചാ​യ​ത്ത് ത​യാ​റാ​യി​ല്ല. പ​ഞ്ചാ​യ​ത്ത് പ്ര​മേ​യം പാ​സാ​ക്കി ജ​ന​കീ​യ ക​മ്മി​റ്റി രൂ​പ​വ​ത്ക​രി​ച്ച് സ്ഥ​ലം ഏ​റ്റെ​ടു​ക്കു​മെ​ന്ന് വ​ര്‍ഷ​ങ്ങ​ള്‍ക്ക് മു​മ്പ് പ​റ​ഞ്ഞി​രു​ന്നു. എ​ന്നാ​ൽ, ജ​ന​കീ​യ ക​മ്മി​റ്റി വി​ളി​ക്കാ​ൻ​പോ​ലും പ​ഞ്ചാ​യ​ത്ത് ത​യാ​റാ​യി​ല്ലെ​ന്ന്​ ആ​ക്ഷേ​പ​വു​മു​ണ്ട്.

സം​സ്ഥാ​ന​ത്ത് തി​രു​വ​ന​ന്ത​പു​രം നെ​ട്ടു​കാ​ല്‍തേ​രി​യി​ലും ക​ണ്ണൂ​ർ ചീ​മേ​നി​യി​ലു​മാ​ണ് നി​ല​വി​ൽ തു​റ​ന്ന ജ​യി​ലു​ള്ള​ത്. ഇ​വി​ട​ങ്ങ​ളി​ൽ അ​ന്തേ​വാ​സി​ക​ളു​ടെ എ​ണ്ണം കൂ​ടു​ത​ലാ​യ​തി​നാ​ലാ​ണ് മ​ധ്യ​മേ​ഖ​ല​യി​ൽ തു​റ​ന്ന ജ​യി​ൽ എ​ന്ന ആ​ശ​യം ഉ​ദി​ച്ച​ത്. 200 ഏ​ക്ക​ർ സ്ഥ​ലം ഒ​രു​മി​ച്ച വേ​ണ​മെ​ങ്കി​ൽ ഇ​ടു​ക്കി​യി​ല​ല്ലാ​തെ സാ​ധ്യ​മ​ല്ലാ​ത്ത​തി​നാ​ലാ​ണ് നെ​ടു​ങ്ക​ണ്ട​ത്ത് തു​റ​ന്ന ജ​യി​ൽ എ​ന്ന ആ​ലോ​ച​ന ഉ​ണ്ടാ​യ​ത്. നെ​ടു​ങ്ക​ണ്ട​ത്ത് സ​ബ് ജ​യി​ൽ ആ​രം​ഭി​ക്ക​ണ​ന്നൊ​വ​ശ്യ​പ്പെ​ട്ട് 2019ൽ ​ബാ​ർ അ​സോ​സി​യേ​ഷ​ൻ ഹൈ​കോ​ട​തി ര​ജി​സ്ട്രാ​ര്‍ക്ക് നി​വേ​ദ​നം ന​ല്‍കി​യി​രു​ന്നു. തു​ട​ര്‍ന്ന് 2021ൽ ​പീ​രു​മേ​ട് സ​ബ്ജ​യി​ൽ സൂ​പ്ര​ണ്ടി​ന്റെ നേ​തൃ​ത്വ​ത്തി​ലു​ള്ള സം​ഘം നെ​ടു​ങ്ക​ണ്ട​ത്ത്​ പ​രി​ശോ​ധ​ന ന​ട​ത്തി​യി​രു​ന്നു. ആ​വ​ശ്യ​മാ​യ സ്ഥ​ലം ക​ണ്ടെ​ത്തി ന​ല്‍കാ​ൻ ക​ഴി​യു​മോ എ​ന്ന് ആ​രാ​ഞ്ഞ് ഉ​ടു​മ്പ​ന്‍ചോ​ല ത​ഹ​സി​ല്‍ദാ​ര്‍ക്ക് ക​ത്ത് ന​ല്‍കി​യി​രു​ന്നു. തു​ട​ര്‍ന്നാ​ണ് പാ​റ​ത്തോ​ട് വി​ല്ലേ​ജി​ലെ തേ​വാ​രം​മെ​ട്ടി​ൽ സ്ഥ​ലം ക​ണ്ടെ​ത്തി​യ​ത്.

(അവസാനിച്ചു)