ക്രമക്കേട്​, പ്രഹസനം:രാത്രി മഴയത്ത്​ ടാറിങ്, രാവിലെ പൊളിഞ്ഞു

ക​മ്പം​മെ​ട്ട് - വ​ണ്ണ​പ്പു​റം സം​സ്ഥാ​ന ഹൈ​വേ​യു​ടെ ആ​ദ്യ റീ​ച്ചാ​യ ക​മ്പം​മെ​ട്ട് മു​ത​ല്‍ എ​ഴു​കും​വ​യ​ല്‍ ആ​ശാ​രി​ക്ക​വ​ല വ​രെ ഭാ​ഗ​ത്തെ നി​ര്‍മാ​ണ പ്ര​വ​ര്‍ത്ത​ന​ങ്ങ​ളാ​ണ് ന​ട​ക്കു​ന്ന​ത്. തൂ​ക്കു​പാ​ലം വ​രെ ഭാ​ഗ​ത്തെ പ​ണി​ക​ള്‍ ഏ​താ​ണ്ട് പൂ​ര്‍ത്തി​യാ​യി​ട്ടു​ണ്ട്. തൂ​ക്കു​പാ​ലം ടൗ​ണ്‍ മു​ത​ല്‍ ക​ല്ലാ​ര്‍ വ​രെ ഭാ​ഗ​ത്തെ നി​ര്‍മാ​ണ പ്ര​വൃ​ത്തി​ക​ളി​ലാ​ണ് ക്ര​മ​ക്കേ​ടു​ള്ള​താ​യി നാ​ട്ടു​കാ​ര്‍ ചൂ​ണ്ടി​ക്കാ​ട്ടു​ന്ന​ത്.

നെ​ടു​ങ്ക​ണ്ടം: ബു​ധ​നാ​ഴ്ച രാ​ത്രി ശ​ക്ത​മാ​യ മ​ഴ​യ​ത്ത് ന​ട​ത്തി​യ ടാ​റി​ങ്​ വ്യാ​ഴാ​ഴ്ച രാ​വി​ലെ പൊ​ളി​ഞ്ഞു. പ്ര​തി​ഷേ​ധ​വു​മാ​യി മു​ണ്ടി​യെ​രു​മ നി​വാ​സി​ക​ള്‍. മ​ഴ​യ​ത്ത് ടാ​റി​ങ് ന​ട​ത്ത​രു​തെ​ന്ന് പ്ര​ദേ​ശ​വാ​സി​ക​ളും ഡ്രൈ​വ​ര്‍മാ​രും ആ​വ​ര്‍ത്തി​ച്ച്​ പ​റ​ഞ്ഞി​ട്ടും വ​ക​വെ​ക്കാ​തെ തു​ട​രു​ക​യാ​യി​രു​ന്നു. ക​മ്പം​മെ​ട്ട് - വ​ണ്ണ​പ്പു​റം സം​സ്ഥാ​ന ഹൈ​വേ നി​ര്‍മാ​ണ ഭാ​ഗ​മാ​യ റോ​ഡ് ടാ​റി​ങാ​ണ് വ്യാ​ഴാ​ഴ്ച രാ​വി​ലെ കി​ലോ​മീ​റ്റ​റു​ക​ളോ​ളം ദൂ​ര​ത്തി​ല്‍ പൂ​ര്‍ണ​മാ​യും അ​ട​ര്‍ന്നു​പോ​യ​ത്. ര​ണ്ടാം ഘ​ട്ട ടാ​റി​ങാ​ണ് ബു​ധ​നാ​ഴ്ച രാ​ത്രി ന​ട​ന്ന​ത്.

മു​ണ്ടി​യെ​രു​മ ഹാ​ജി​യാ​ര്‍പ​ടി ജ​ങ്ഷ​നി​ലാ​ണ് ക്ര​മ​ക്കേ​ട് ന​ട​ന്ന​ത്. 77 കോ​ടി രൂ​പ ചെ​ല​വി​ല്‍ നി​ർ​മി​ക്കു​ന്ന സം​സ്ഥാ​ന​പാ​ത​യു​ടെ ആ​ദ്യ റീ​ച്ചി​ന്‍റെ നി​ര്‍മാ​ണ പ്ര​വ​ര്‍ത്ത​ന​ങ്ങ​ളി​ലാ​ണ് ക്ര​മ​ക്കേ​ട് ന​ട​ക്കു​ന്ന​താ​യി തു​ട​ര്‍ച്ച​യാ​യി ആ​രോ​പ​ണം ഉ​യ​രു​ന്ന​ത്. പാ​ത​യു​ടെ വി​വി​ധ​യി​ട​ങ്ങ​ളി​ല്‍ മാ​ന​ദ​ണ്ഡ​ങ്ങ​ള്‍ പാ​ലി​ക്കാ​തെ നി​ര്‍മാ​ണം ന​ട​ത്തു​ന്ന​താ​യി ആ​രോ​പി​ച്ച് ബു​ധ​നാ​ഴ്ച​യും പ്ര​ദേ​ശ​വാ​സി​ക​ൾ പ്ര​തി​ഷേ​ധി​ച്ചി​രു​ന്നു. കി​ലോ​മി​റ്റ​റി​ന് 2.75 കോ​ടി മു​ട​ക്കി​യാ​ണ് ക​മ്പം​മെ​ട്ട് മു​ത​ല്‍ എ​ഴു​കും​വ​യ​ല്‍ വ​രെ റോ​ഡ് നി​ര്‍മി​ക്കു​ന്ന​ത്.

ക്രാ​ഷ് ബാ​രി​യ​റു​ക​ളു​ടെ നി​ര്‍മാ​ണ​ത്തി​ലും അ​ശാ​സ്ത്രീ​യ​ത ആ​രോ​പി​ക്കു​ന്നു​ണ്ട്. കൂ​ടാ​തെ നി​ര്‍മാ​ണം ഏ​റെ​യും രാ​ത്രി 10ന്​ ​ശേ​ഷം മാ​ത്ര​മാ​ണ് ന​ട​ക്കു​ന്ന​ത്. നി​ര്‍മാ​ണം ആ​രം​ഭി​ച്ച് മാ​സ​ങ്ങ​ളാ​യെ​ങ്കി​ലും സ​ര്‍ക്കാ​ര്‍ ത​ല​ത്തി​ല്‍ മേ​ല്‍നോ​ട്ട​ത്തി​നാ​യി ആ​രും നാ​ളി​തു​വ​രെ എ​ത്തി​യി​ട്ടി​ല്ലെ​ന്നാ​ണ് അ​റി​യാ​ന്‍ ക​ഴി​യു​ന്ന​ത്. മ​മ്മൂ​ക്ക വ​ള​വി​ല്‍ കോ​ണ്‍ക്രീ​റ്റി​ങ് ന​ട​ത്തി ഒ​രാ​ഴ്ച കൊ​ണ്ട് ത​ന്നെ പൂ​ര്‍ണ​മാ​യും പൊ​ളി​ഞ്ഞ് അ​ട​ര്‍ന്നു​മാ​റി​യി​രു​ന്നു. ക​മ്പം​മെ​ട്ടി​ല്‍ നി​ന്ന്​ നി​ര്‍മാ​ണം ആ​രം​ഭി​ച്ച​പ്പോ​ള്‍ മു​ത​ല്‍ ക്ര​മ​ക്കേ​ടു​ക​ളും അ​ഴി​മ​തി ആ​രോ​പ​ണ​ങ്ങ​ളും ഉ​യ​ര്‍ന്നി​രു​ന്നു.

ക​ലു​ങ്ക്​ നി​ർ​മാ​ണ​ത്തി​ലും അ​പാ​ക​ത

ആ​വ​ശ്യ​ത്തി​ന് ഓ​ട​ക​ളും ക​ലു​ങ്കും ഇ​ല്ലാ​ത്ത​ത് വെ​ള്ള​ക്കെ​ട്ടി​ന് ഇ​ട​യാ​ക്കു​ന്നു​വെ​ന്ന ആ​രോ​പ​ണം പ​ല​പ്പോ​ഴും ഉ​യ​ര്‍ന്നി​രു​ന്നു. ക​ലു​ങ്കു​ക​ളു​ടെ നി​ര്‍മാ​ണ​ത്തി​ല്‍ അ​പാ​ക​ത ഏ​റെ​യു​ള്ള​താ​യി നാ​ട്ടു​കാ​ര്‍ ചൂ​ണ്ടി​ക്കാ​ട്ടു​ന്നു. മി​ക്ക ക​ലു​ങ്കു​ക​ൾ പൊ​ളി​ച്ചു​പ​ണി​യാ​തെ വീ​തി കൂ​ട്ടു​ക മാ​ത്ര​മാ​ണ് ചെ​യ്യു​ന്ന​ത്. ക​ലു​ങ്കി​ന്‍റെ തൂ​ണു​ക​ള്‍ക്ക് ഘ​നം കു​റ​ഞ്ഞ ക​മ്പി ഉ​പ​യോ​ഗി​ക്കു​ന്ന​താ​യും ചേ​രു​വ​ക​ളി​ല്‍ അ​ള​വ് കു​റ​ക്കു​ന്ന​താ​യും ആ​ക്ഷേ​പ​മു​ണ്ട്.

ക​മ്പം​മെ​ട്ട് മു​ത​ല്‍ നി​ര്‍മി​ച്ചി​രി​ക്കു​ന്ന എ​ല്ലാ ക​ലു​ങ്കു​ക​ളി​ലും കൃ​ത്രി​മം ന​ട​ന്നി​ട്ടു​ള്ള​താ​യും ആ​ദ്യ​ഘ​ട്ട ടാ​റി​ങി​ന് മു​മ്പാ​യി ചെ​യ്യേ​ണ്ട ലെ​വ​ലി​ങ്​ പ്ര​വ​ര്‍ത്ത​ന​ങ്ങ​ളും സം​ര​ക്ഷ​ണ​ഭി​ത്തി​ക​ളും വേ​ണ്ട രീ​തി​യി​ല്‍ തീ​ര്‍ക്കാ​തെ​യാ​ണ് റോ​ഡ് നി​ര്‍മാ​ണ​മെ​ന്നും പ​ല ഭാ​ഗ​ങ്ങ​ളി​ലും എ​സ്റ്റി​മേ​റ്റി​ൽ പ​റ​യു​ന്ന വീ​തി​യി​ല്ലെ​ന്നും ആ​രോ​പ​ണം ഉ​യ​ര്‍ന്നി​രു​ന്നു.