കായിക മേളകള്‍ വിളിപ്പാടകലെ; സിന്തറ്റിക് ട്രാക്ക്​ അറ്റകുറ്റപ്പണി അനിശ്ചിതത്വത്തിൽ

നെ​ടു​ങ്ക​ണ്ടം: സ്‌​കൂ​ള്‍ ഒ​ളി​മ്പി​ക്‌​സ് അ​ട​ക്കം കാ​യി​ക മാ​മാ​ങ്ക​ങ്ങ​ള്‍ വി​ളി​പ്പാ​ട​ക​ലെ​യാ​യി​ട്ടും രാ​ജ്യാ​ന്ത​ര നി​ല​വാ​ര​ത്തി​ല്‍ നി​ർ​മി​ച്ച സ്‌​റ്റേ​ഡി​യ​ത്തി​ലെ ത​ക​ര്‍ന്ന സി​ന്ത​റ്റി​ക് ട്രാ​ക്കി​ന്റെ അ​റ്റ​കു​റ്റ​പ്പ​ണി പൂ​ര്‍ത്തി​യാ​ക്കാ​ന്‍ ആ​രു​മി​ല്ലെ​ന്ന്​ ആ​ക്ഷേ​പം.

ട്രാ​ക്ക് ത​ക​ര്‍ത്ത​വ​രോ ഉ​ട​മ​ക​ളാ​യ ഗ്രാ​മ​പ​ഞ്ചാ​യ​ത്തോ, സ്‌​റ്റേ​ഡി​യം ന​ട​ത്തി​പ്പി​ന്​ തെ​ര​ഞ്ഞെ​ടു​ത്ത മാ​നേ​ജ്‌​മെ​ന്റ് ക​മ്മി​റ്റി​യോ അ​റ്റ​കു​റ്റ​പ്പ​ണി​ക്ക്​ ത​യാ​റാ​കു​ന്നി​ല്ല. ഇ​തു​മൂ​ലം കാ​യി​ക താ​ര​ങ്ങ​ളും മ​ത്സ​രാ​ർ​ഥി​ക​ളും വ​ല​യു​ക​യാ​ണ്.

ജി​ല്ല സ്‌​കൂ​ള്‍ കാ​യി​ക മേ​ള​ക​ള്‍ അ​ട​ക്കം കാ​യി​ക​മേ​ള​ക​ൾ ബു​ക്ക് ചെ​യ്‌​തെ​ങ്കി​ലും ആ​വ​ശ്യ​മാ​യ സൗ​ക​ര്യം ഒ​രു​ക്കു​ന്ന​തി​ന്​ അ​ധി​കൃ​ത​ര്‍ ത​യാ​റാ​യി​ട്ടി​ല്ല. ത​ക​ര്‍ന്ന സി​ന്ത​റ്റി​ക് ട്രാ​ക്ക് എ​ന്ന് ന​ന്നാ​ക്കു​മെ​ന്ന് നി​ര്‍മാ​ണ​ച്ചു​മ​ത​ല​യു​ള്ള കി​റ്റ്‌​കോ​ക്കു​പോ​ലും നി​ശ്ച​യ​മി​ല്ല. മ​ത്സ​ര​ങ്ങ​ള്‍ യ​ഥാ​സ​മ​യം ന​ട​ത്താ​നാ​കു​മോ എ​ന്ന സം​ശ​യ​ത്തി​ലാ​ണ് സം​ഘാ​ട​ക​ര്‍.

മേ​യ് 18നാ​ണ് ക​ല്ലു​വീ​ണ് ട്രാ​ക്ക് ത​ക​ര്‍ന്ന​ത്. ഇ​തി​ന്റെ അ​റ്റ​കു​റ്റ​പ്പ​ണി മാ​സ​ങ്ങ​ളാ​യി നീ​ളു​ക​യാ​ണ്. ജി​ല്ല ആ​ശു​പ​ത്രി​ക്ക്​ കെ​ട്ടി​ട നി​ര്‍മാ​ണം ന​ട​ക്കു​ന്നി​ട​ത്ത് ക​ല്ലു​പൊ​ട്ടി​ച്ച​പ്പോ​ള്‍ തെ​റി​ച്ചു​വീ​ണ​താ​ണ് ട്രാ​ക്ക്​ ത​ക​രാ​ന്‍ കാ​ര​ണ​മെ​ന്ന്​ പ​ഞ്ചാ​യ​ത്ത് പ​റ​യു​ന്ന​ത്. ക​ല്ലു​വീ​ണ സി​ന്ത​റ്റി​ക് മെ​റ്റീ​രി​യ​ലി​ന് വി​ള്ള​ല്‍ വീ​ഴു​ക​യാ​യി​രു​ന്നു. ഇ​തു​വ​ഴി വെ​ള്ള​മി​റ​ങ്ങി ട്രാ​ക്ക്​ ഇ​ള​കാ​തി​രി​ക്കാ​ന്‍ പ​ടു​ത വി​രി​ച്ചി​രി​ക്കു​ക​യാ​ണ്. അ​റ്റ​കു​റ്റ​പ്പ​ണി​ക്ക്​ ആ​വ​ശ്യ​മാ​യ തു​ക​ ആ​ശു​പ​ത്രി നി​ര്‍മാ​ണ ക​രാ​റു​കാ​ര​ന്‍ ന​ല്‍കു​മെ​ന്ന് അ​റി​യി​ച്ചി​രു​ന്നു​വെ​ന്ന് പ​ഞ്ചാ​യ​ത്ത് പ​റ​യു​ന്നു.

മൂ​ന്നു​മാ​സം പി​ന്നി​ട്ടി​ട്ടും ന​ട​പ​ടി​യി​ല്ല. ത​ക​രാ​ര്‍ സം​ഭ​വി​ച്ച വി​വ​രം ഗ്രാ​മ​പ​ഞ്ചാ​യ​ത്ത് കി​ഫ്ബി​യെ​യും കി​റ്റ്‌​കോ​യെ​യും രേ​ഖാ​മൂ​ലം അ​റി​യി​ച്ചെ​ങ്കി​ലും സാ​ങ്കേ​തി​ക ത​ട​സ്സം പ​റ​ഞ്ഞ് ഒ​ഴി​ഞ്ഞു മാ​റു​ക​യാ​ണെ​ന്നാ​ണ് പ​ഞ്ചാ​യ​ത്ത്​ അ​ധി​കൃ​ത​ര്‍ പ​റ​യു​ന്ന​ത്. കി​ഫ്ബി ഫ​ണ്ടി​ല്‍നി​ന്ന് 10 കോ​ടി​യും സ​ര്‍ക്കാ​ര്‍ വി​ഹി​തം മൂ​ന്ന് കോ​ടി​യും പ​ഞ്ചാ​യ​ത്ത് ഫ​ണ്ടി​ല്‍നി​ന്ന്​ ഒ​രു കോ​ടി​യും ഉ​ള്‍പ്പെ​ടെ 14 കോ​ടി ചെ​ല​വ​ഴി​ച്ച് നി​ര്‍മി​ച്ച് ആ​റു​മാ​സം മു​മ്പ്​ കാ​യി​ക മ​ന്ത്രി ഉ​ദ്ഘാ​ട​നം ചെ​യ്ത​താ​ണ് നെ​ടു​ങ്ക​ണ്ട​ത്തെ സ്‌​റ്റേ​ഡി​യം.

കാ​യി​ക താ​ര​ങ്ങ​ള്‍ക്ക് അ​ടി​സ്ഥാ​ന സൗ​ക​ര്യം ഒ​രു​ക്കു​ന്ന​കാ​ര്യ​ങ്ങ​ളി​ലും മെ​ല്ലെ​പ്പോ​ക്കാ​ണ്. പെ​ണ്‍കു​ട്ടി​ക​ള​ട​ക്കം കാ​യി​ക താ​ര​ങ്ങ​ള്‍ക്ക് വ​സ്ത്രം മാ​റാ​നോ വി​ശ്ര​മി​ക്കാ​നോ സൗ​ക​ര്യം ഒ​രു​ക്കി​യി​ട്ടി​ല്ല.