രാമക്കല്ലിലേക്കുള്ള പ്രവേശനം തമിഴ്‌നാട് തടഞ്ഞു

നെ​ടു​ങ്ക​ണ്ടം: രാ​മ​ക്ക​ല്ലി​ലേ​ക്കു​ള്ള പ്ര​വേ​ശ​നം ത​മി​ഴ്‌​നാ​ട് ത​ട​ഞ്ഞ​തോ​ടെ രാ​മ​ക്ക​ല്‍ മേ​ട്ടി​ലേ​ക്ക് സ​ഞ്ചാ​രി​ക​ളു​ടെ വ​ര​വ് കു​റ​ഞ്ഞു. ടൂ​റി​സ​ത്തെ മാ​ത്രം ആ​ശ്ര​യി​ച്ച് ജീ​വി​ക്കു​ന്ന നൂ​റു​ക​ണ​ക്കി​ന് ആ​ളു​ക​ളു​ടെ ജീ​വി​തം ഇ​തു​മൂ​ലം പ്ര​തി​സ​ന്ധി​യി​ലാ​യി.

വി​നോ​ദ​സ​ഞ്ചാ​ര കേ​ന്ദ്ര​മാ​യ രാ​മ​ക്ക​ല്‍മേ​ട്, ആ​മ​പ്പാ​റ, കു​രു​വി​ക്കാ​നം, കാ​റ്റാ​ടി പാ​ടം എ​ന്നീ മേ​ഖ​ല​ക​ളി​ലേ​ക്കു​ള്ള സ​ഞ്ചാ​രി​ക​ളു​ടെ തി​ര​ക്കാ​ണ് കു​റ​ഞ്ഞ​ത്. ശ​ക്ത​മാ​യ മ​ഴ​യും കാ​റ്റും കാ​ര​ണം മു​ന്‍വ​ര്‍ഷ​ങ്ങ​ളെ അ​പേ​ക്ഷി​ച്ച് ഈ ​വ​ര്‍ഷം സ​ഞ്ചാ​രി​ക​ളു​ടെ തി​ര​ക്ക് ആ​ദ്യ​മേ കു​റ​വാ​യി​രു​ന്നു. അ​തി​നു പു​റ​മെ​യാ​ണ് ഇ​പ്പോ​ള്‍ ത​മി​ഴ്‌​നാ​ട് വ​നം വ​കു​പ്പ് എ​ടു​ത്ത ക​ടു​ത്ത നി​ല​പാ​ട് സ​ഞ്ചാ​രി​ക​ളെ അ​ക​റ്റു​ന്ന​ത്. ജൂ​ണ്‍, ജൂ​ലൈ മാ​സ​ങ്ങ​ളി​ല്‍ വി​നോ​ദ​സ​ഞ്ചാ​രി​ക​ളു​ടെ എ​ണ്ണ​ത്തി​ല്‍ ഗ​ണ്യ​മാ​യ കു​റ​വാ​ണ് അ​നു​ഭ​വ​പ്പെ​ട്ട​ത്.

മു​ന്‍ വ​ര്‍ഷ​ങ്ങ​ളി​ല്‍ മെ​യ്, ജൂ​ണ്‍, ജൂ​ലൈ മാ​സ​ങ്ങ​ളി​ല്‍ രാ​മ​ക്ക​ല്‍മേ​ട്ടി​ല്‍ മാ​ത്രം 50,000ത്തി​ല​ധി​കം സ​ഞ്ചാ​രി​ക​ള്‍ എ​ത്തി​യി​രു​ന്നു. എ​ന്നാ​ല്‍, ഈ ​വ​ര്‍ഷം 45,000ത്തോ​ളം വി​നോ​ദ​സ​ഞ്ചാ​രി​ക​ള്‍ മാ​ത്ര​മാ​ണ് മേ​ഖ​ല​ക​ളി​ല്‍ സ​ന്ദ​ര്‍ശ​നം ന​ട​ത്തി​യ​ത്. ക​ഴി​ഞ്ഞ മാ​സ​ങ്ങ​ളി​ലെ​ല്ലാം വി​നോ​ദ സ​ഞ്ചാ​രി​ക​ള്‍ കു​റ​വാ​യി​രു​ന്ന​തി​നാ​ല്‍ ഇ​നി​യു​ള്ള ഏ​ക പ്ര​തീ​ക്ഷ ഓ​ണ​മാ​ണ്.

എ​ന്നാ​ല്‍, ത​മി​ഴ്‌​നാ​ട് വ​നം​വ​കു​പ്പ് നി​ല​പാ​ട്​ മാ​റ്റി​യി​ല്ലെ​ങ്കി​ൽ ടൂ​റി​സ​ത്തെ ആ​ശ്ര​യി​ച്ചു ജീ​വി​ക്കു​ന്ന നൂ​റു​ക​ണ​ക്കി​ണ​നാ​ളു​ക​ളു​ടെ കു​ടും​ബം പ​ട്ടി​ണി​യി​ലാ​കും. മേ​ഖ​ല​യി​ലെ ജീ​വ​ന​ക്കാ​രു​ടെ കു​ടും​ബം പ​ട്ടി​ണി​യി​ലാ​കും.

ടൂ​റി​സം മേ​ഖ​ല​യു​മാ​യി ബ​ന്ധ​പ്പെ​ട്ട് ജീ​വി​ക്കു​ന്ന വ്യാ​പാ​രി​ക​ള്‍, ഓ​ഫ് റോ​ഡ് വാ​ഹ​ന​ങ്ങ​ൾ, റി​സോ​ര്‍ട്ട് മേ​ഖ​ല​യി​ലു​ള്ള​വ​ര്‍ തു​ട​ങ്ങി​യ​വ​രെ​ല്ലാം ക​ടു​ത്ത പ്ര​തി​സ​ന്ധി​യി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. ഓ​ഫ് റോ​ഡ് മേ​ഖ​ല​യി​ല്‍ മാ​ത്രം 80 ഓ​ളം ജീ​വ​ന​ക്കാ​രു​ണ്ട്. ഇ​വ​രു​ടെ ഏ​ക ആ​ശ്ര​യ​മാ​ണ് നി​ല​ച്ചി​രി​ക്കു​ന്ന​ത്. ടൂ​റി​സ​വു​മാ​യി ബ​ന്ധ​പ്പെ​ട്ട സ​ർ​ക്കാ​ർ വ​കു​പ്പു​ക​ളു​ടെ ക​ടു​ത്ത നി​ല​പാ​ടു​ക​ളും വി​നോ​ദ​സ​ഞ്ചാ​രി​ക​ളു​ടെ വ​ര​വ് കു​റ​യാ​ന്‍ കാ​ര​ണ​മാ​യെ​ന്നും മേ​ഖ​ല​യി​ലു​ള്ള​വ​ര്‍ പ​റ​യു​ന്നു. മോ​ട്ടോ​ര്‍ വാ​ഹ​ന ഡി​പ്പാ​ര്‍ട്ട്‌​മെ​ന്റ്, റ​വ​ന്യൂ, വ​നം വ​കു​പ്പ്, പൊ​ലീ​സ് എ​ന്നി വ​കു​പ്പു​ക​ളു​ടെ ഇ​ട​പെ​ട​ലു​ക​ളാ​ണ് മേ​ഖ​ല​യി​ല്‍ സ​ഞ്ചാ​രി​ക​ള്‍ കു​റ​യാ​ന്‍ കാ​ര​ണ​മാ​യി പ​റ​യു​ന്ന​ത്.

ഓ​ഫ് റോ​ഡ് സ​ഫാ​രി​ക്ക് കൊ​ണ്ടു​വ​ന്ന നി​യ​ന്ത്ര​ണ​ങ്ങ​ളും ആ​മ പാ​റ​യി​ല്‍ പു​തു​താ​യി ന​ട​പ്പി​ലാ​ക്കി​യ പാ​സ് സം​വി​ധാ​ന​വും സ​ഞ്ചാ​രി​ക​ള്‍ കു​റ​യാ​ന്‍ കാ​ര​ണ​മാ​യ​താ​യി പ​റ​യ​പ്പെ​ടു​ന്നു. ഇ​തി​നെ​ല്ലാം, പു​റ​മെ​യാ​ണ് ഇ​പ്പോ​ള്‍ രാ​മ​ക്ക​ല്ലി​ലേ​ക്കു​ള്ള പ്ര​വേ​ശ​നം ത​ട​ഞ്ഞ് ത​മി​ഴ്‌​നാ​ട് വ​നം വ​കു​പ്പ് ബോ​ര്‍ഡ് സ്ഥാ​പി​ച്ചി​രി​ക്കു​ന്ന​ത്. ഇ​ത് രാ​മ​ക്ക​ൽ മേ​ടി​ന്റെ ടൂ​റി​സം സാ​ധ്യ​ത​ക​ളെ വ​ന്‍തോ​തി​ല്‍ ബാ​ധി​ക്കും.