തൈപ്പൊങ്കലിനെ വരവേല്‍ക്കാന്‍ തമിഴ് ജനത ഒരുങ്ങി

നെ​ടു​ങ്ക​ണ്ടം: മാ​ട്ടു​പൊ​ങ്ക​ലി​ന് മു​ന്നോ​ടി​യാ​യു​ള്ള തൈ​പ്പൊ​ങ്ക​ല്‍ ത​മി​ഴ് ജ​ന​ത തി​ങ്ക​ളാ​ഴ്ച ആ​ഘോ​ഷി​ക്കും. നേ​ര്‍ച്ച​സ​ദ്യ ന​ട​ത്തി​യും അ​നു​ഷ്ഠാ​ന​ങ്ങ​ളാ​ലു​മാ​ണ് തൈ​പ്പൊ​ങ്ക​ലി​നെ എ​തി​രേ​ല്‍ക്കു​ന്ന​ത്. ആ​ര്യ​വേ​പ്പി​ല, മാ​വി​ല, ക​റ്റാ​ര്‍ വാ​ഴ​യി​ല തു​ട​ങ്ങി​യ​വ ഒ​രു​മി​ച്ച് കെ​ട്ടി പൂ​ജാ​മു​റി​യി​ലും മ​റ്റും സൂ​ക്ഷി​ക്കും. കാ​പ്പു​കെ​ട്ടോ​ടെ​യാ​ണ് പൊ​ങ്ക​ല്‍ ആ​ഘോ​ഷ​ത്തി​ന് തു​ട​ക്കം.

വീ​ട്ടി​നു​ള്ളി​ലെ പാ​ഴ് വ​സ്തു​ക്ക​ളും പ​ഴ​യ തു​ണി​ക​ളും മ​റ്റും ക​ത്തി​ച്ചു ക​ള​യു​ക, പ​രി​സ​രം വൃ​ത്തി​യാ​ക്കു​ക, ചാ​യം പൂ​ശു​ക എ​ന്നി​വ​ക്ക് ശേ​ഷം വീ​ടി​ന്റെ മൂ​ന്‍ഭാ​ഗ​ത്തോ പൂ​ജാ മു​റി​യി​ലോ കാ​പ്പു കെ​ട്ടും. പു​ല​ര്‍ച്ചെ ഉ​ണ​ര്‍ന്ന് കു​ളി ക​ഴി​ഞ്ഞ് ക്ഷേ​ത്ര​ങ്ങ​ളി​ല്‍ പോ​യി പ്രാ​ര്‍ഥ​ന​യും വ​ഴി​പാ​ടും ന​ട​ത്തും. തു​ട​ര്‍ന്ന് വീ​ട്ടി​ല്‍ പ​ച്ച​ക്ക​റി ഉ​പ​യോ​ഗി​ച്ച് ഭ​ക്ഷ​ണ​ങ്ങ​ളും പൊ​ങ്ക​ല്‍ പാ​യ​സ​വും ത​യാ​റാ​ക്കും. ബ​ന്ധു​മി​ത്രാ​ദി​ക​ളും ഒ​ത്തു​ചേ​രും. ഇ​വ​ര്‍ക്ക് ക​രി​മ്പും മ​ധു​ര പ​ല​ഹാ​ര​ങ്ങ​ളും വി​ത​ര​ണം ചെ​യ്യും. ഹി​ന്ദു വി​ശ്വാ​സ പ്ര​കാ​രം മ​നു​ഷ്യ​ന്റെ ജ​ന്മ​ദി​ന​മാ​യി തൈ​പ്പൊ​ങ്ക​ലും മാ​ടു​ക​ളു​ടെ ജ​ന്മ​ദി​ന​മാ​യി മാ​ട്ടു​പൊ​ങ്ക​ലും കൊ​ണ്ടാ​ടു​ന്നു. അ​ന്ന് മാ​ടു​ക​ളെ കു​ളി​പ്പി​ച്ച് പൊ​ട്ടു​കു​ത്തി കൊ​മ്പു​ക​ളി​ല്‍ ചാ​യം പൂ​ശി മാ​ല​യ​ണി​യി​ക്കും. തൊ​ഴു​ത്തു​ക​ളും വൃ​ത്തി​യാ​ക്കും. തു​ട​ര്‍ന്ന് മാ​ടു​ക​ള്‍ക്ക് ക​രി​മ്പ് ന​ല്‍കും. ചെ​ന്നൈ​യി​ലും സ​മീ​പ​ത്തും കാ​പ്പു​കെ​ട്ട്, തൈ​പ്പൊ​ങ്ക​ല്‍, മാ​ട്ടു​പ്പൊ​ങ്ക​ല്‍ എ​ന്നി​വ​ക്കു പു​റ​മെ കാ​ണും​പൊ​ങ്ക​ല്‍ എ​ന്ന ച​ട​ങ്ങും ആ​ച​രി​ക്കും. ബ​ന്ധു​വീ​ടു​ക​ളി​ലും സു​ഹൃ​ത്തു​ക്ക​ളു​ടെ ഭ​വ​ന​ങ്ങ​ളി​ലും സ​ന്ദ​ര്‍ശ​നം ന​ട​ത്തു​ക​യാ​ണ് കാ​ണും​പൊ​ങ്ക​ല്‍.

സം​സ്ഥാ​ന​ത്തി​ന്റെ വി​വി​ധ മേ​ഖ​ല​ക​ളി​ല്‍ ക​ഴി​യു​ന്ന ത​മി​ഴ് ജ​ന​വി​ഭാ​ഗം പൊ​ങ്ക​ല്‍ ആ​ഘോ​ഷ​ങ്ങ​ള്‍ക്ക് ത​മി​ഴ്‌​നാ​ട്ടി​ലേ​ക്ക് പോ​യി. ത​മി​ഴ്‌​നാ​ട്ടി​ലെ തേ​നി, മ​ധു​ര, ദി​ണ്ഡി​ഗ​ല്‍, ക​മ്പം പ്ര​ദേ​ശ​ങ്ങ​ളി​ല്‍ മൂ​ന്നു ദി​വ​സ​മാ​യാ​ണ് പൊ​ങ്ക​ല്‍ ആ​ച​രി​ക്കു​ന്ന​ത്. േക​ര​ള​ത്തി​ലു​ള്ള​വ​രും ആ​ഘോ​ഷ​ങ്ങ​ള്‍ക്ക് മു​ട​ക്കം വ​രു​ത്താ​റി​ല്ല. ഇ​ടു​ക്കി ജി​ല്ല​യി​ലെ മൂ​ന്നാ​ര്‍, പൂ​പ്പാ​റ, ശാ​ന്ത​ന്‍പാ​റ, ഉ​ടു​മ്പ​ന്‍ചോ​ല, കു​മ​ളി, വ​ണ്ടി​പ്പെ​രി​യാ​ര്‍, പീ​രു​മേ​ട് എ​ന്നി​വി​ട​ങ്ങ​ളി​ലാ​ണ് ത​മി​ഴ​ര്‍ എ​റ്റ​വും കൂ​ടു​ത​ലു​ള്ള​ത്. പൊ​ങ്ക​ല്‍ ആ​ഘോ​ഷ​ങ്ങ​ള്‍ക്ക് മ​ധു​രം പ​ക​രാ​ന്‍ ലോ​ഡ് ക​ണ​ക്കി​ന് ക​രി​മ്പ് ആ​ഴ്ച​ക​ളാ​യി കേ​ര​ള​ത്തി​ന്റെ വി​വി​ധ ഭാ​ഗ​ങ്ങ​ളി​ല്‍ എ​ത്തി​ച്ച് വി​ല്‍പ്പ​ന പൊ​ടി പൊ​ടി​ക്കു​ക​യാ​ണ്.